Salm 127 - An Bíobla Naofa 1981

Is é Dia a Chuireann an Rath ar an Obair

1 Amhrán Oilithreach. Le Solamh.

¹ Amhrán Oilithreach. Le Solamh. 1 Mura ndéana an Tiarna an teach a thógail, is saothar amú é do lucht a thógála. Mura ndéana an Tiarna an chathair a chosaint, is díomhaoin don gharda bheith á faire.

² Is díomhaoin daoibh éirí roimh an solas, agus bheith ag airneán go déanach, sibhse a itheann arán an tsaothair; óir is fial le pobal a pháirte é agus iad ina gcodladh.

³ Tabhartas ón Tiarna is ea an chlann; is tuarastal é toradh na broinne.

⁴ Mar shaigheada i láimh an ghaiscígh, is mar sin do chlann na hóige.

⁵ Is aoibhinn go deimhin don fhear, a líon a thruaill leis na saigheada sin, óir ní bhfaighidh an té sin náire, agus é ag aighneas lena naimhde sa gheata.