Salm 101 - An Bíobla Naofa 1981

An Rí Fíréanta

1 Salm [le] Dáiví.

¹ Salm [le] Dáiví. 1 Canfaidh mé faoi dhílse agus fíréantacht duitse, a Thiarna.

² Gabhfaidh mé sa tslí gan mháchail; cathain a thiocfaidh tú? Siúlfaidh mé le croí gan cháim i lár mo thí.

³ Ní chuirfidh mé os comhair mo shúl aon ní suarach. Is gráin liom slí na n‑urchóideach; ní bheidh páirt agam leo.

⁴ Beidh an croí calaoiseach i bhfad uaim; ní aithneoidh mé an t‑olc.

⁵ Fear clúmhillte a chomharsan os íseal, millfidh mé an té sin. Fear na mórchúise agus na mórála, ní fhéadaim cur suas leis.

⁶ Beidh súil agam le fíréin na tíre a bheith in aontíos liom. An té a shiúlann sa tslí gan máchail, is é a dhéanfaidh fónamh dom.

⁷ Ní dhéanfaidh fear na ceilge choíche cónaí i mo theachsa. Ní mó ná sin a ligfidh mé don bhréagaire fanacht in éineacht liom.

⁸ Scriosfaidh mé maidin ar mhaidin peacaigh na tíre; agus dítheoidh mé as cathair an Tiarna lucht déanta an oilc.