Salm 100 - An Bíobla Naofa 1981

Gairdígí don Tiarna

1 Salm buíochais.

¹ Salm buíochais. 1 Gairdígí don Tiarna, a thíortha uile;

² fónaigí don Tiarna go lúcháireach. Tagaigí ina láthair le hamhráin áthais.

³ Bíodh a fhios agaibh gurb é an Tiarna is Dia ann. Eisean a rinne sinn; is leis féin sinn. Sinne a phobal agus caoirigh a pháirce.

⁴ Gabhaigí buíochas leis ag dul isteach ina dhoirse daoibh. Siúlaigí isteach ina chúirteanna le cainticí. Tugaigí moladh dó agus móraigí a ainm.

⁵ Nach maith é go deimhin an Tiarna; maireann a bhuanghrá go brách. Is dílis é ó ghlúin go chéile.