Mattheu 4:2 - Sesotho 1909/1961 (SO)

² A dula a itimile dijo ka matsatsi a mashome a mane le ka masiu a mashome a mane, a ntoo lapa.

BIBELE

² A itima dijo ka matsatsi a mashome a mane, le ka masiu a mashome a mane, a nto lapa.

Baasraak Sotho NT

² Eitse hobane a itime dijo matsatsi a mashome a mane le masiu a mashome a mane, kamora moo a lapa.

Contemporary Southern Sotho Bible 2024

² Eitse hobane a itime dijo matsatsi a mashome a mane le masiu a mashome a mane, kamora moo a lapa.

Mattheu 4:2 Cross References

1 Marena 19:8

A tsoha, a ja, a nwa, mme ka matla a dijo tseo a tsamaya matsatsi a mashome a mane le masiu a mashome a mane, a ba a fihla Horebe, thabeng ya Modimo.

Eksoda 24:18

Moshe a kena lerung, a hlwella thabeng, mme Moshe a hlola thabeng matsatsi a mashome a mane le masiu a mashome a mane.

Eksoda 34:28

Moshe a ba le Jehova matsatsi a mashome a mane, le masiu a mashome a mane, a sa je bohobe, a sa nwe metsi; a ngola matlapeng mantswe a selekane, e leng mantswe a leshome.

Mattheu 21:18

Kameso, ha a boela motseng, a lapa.

Mattheu 25:35

Hobane ke na be ke lapile, mme le kile la nnea ka ja; ke na be ke nyorilwe, mme le kile la nnea ka nwa; ke na be ke le moeti, mme la nkenya tlung ha lona;

Mattheu 25:42

Hobane ke na be ke lapile, mme ha le a ka la nnea ka ja; ke na be ke nyorilwe, mme ha le a ka la nnea ka nwa;

Mareka 11:12

Yare ka hosasane, ha ba etswa Bethania, a lapa.

Luka 4:2

A lekwa teng ke Diabolose ka matsatsi a mashome a mane, a sa je letho ka matsatsi ao; a ntoo lapa ho feleng ha wona.

Johanne 4:6

Sediba sa Jakobo se teng moo. Jesu, kahobane a ne a kgathetse ke tsela, a dula pela sediba; e ne e batla e le hora ya botshelela.

Deuteronoma 18:18

ke tla ba hlahisetsa moporofeta ya tswang hara banababo bona, ya jwaloka wena; ke tla bea mantswe a ka molomong wa hae, mme o tla ba bolella tsohle tseo ke tla mo laela tsona.

Deuteronoma 9:18

Ka itihela fatshe pela Jehova jwaloka pele, ka matsatsi a mashome a mane, le masiu a mashome a mane, ke sa je bohobe, ke sa nwe metsi, ka baka la dibe tsohle tsa lona, tseo le di entseng ka ho etsa bobe pela Jehova, ho mo phephetsa.

Deuteronoma 9:25

Efela ka itihela fatshe pela Jehova ka matsatsi a mashome a mane le masiu a mashome a mane, jwalokaha ke ne ke itihetse pele, kahobane Jehova a ne a itse, o rata ho le fedisa.

Deuteronoma 9:9

Eitse ha ke nyolohela thabeng ho ya nka matlapa, matlapa a selekane seo Jehova a se entseng le lona, ka hlola thabeng matsatsi a mashome a mane, le masiu a mashome a mane, ke sa je bohobe, ke sa nwe metsi.