Joshua 9:16 - Sesotho 1909/1961 (SO)

¹⁶ Matsatsi ha a le mararo ba hlabile selekane le bona, ba utlwa hore ke ba ahisaneng le bona, le hore ba ahile haufi le bona.

BIBELE

¹⁶ Kamora matsatsi a mararo ba entse selekane le bona, Baiseraele ba utlwela hore setjhaba sena se haufi le bona, se ahelane le bona.

Joshua 9:16 Cross References

Diproverbia 12:19

Molomo wa nnete o tla tiya ka ho sa feleng; empa leleme le bohata ke la motsotso o kang ha ke panya.

Joshua 9:15

Joshua a etsa kgotso le bona, a hlaba selekane le bona, sa ho ba tlohela ba phela; mme hlooho tsa phutheho tsa itlamela hona ka kano.

Joshua 9:17

Ebile bana ba Iseraele ba tloha, ba fihla metseng ya bona ka tsatsi la boraro; metse ya bona e ne e le Gibeone, le Kefira le Beerothe, le Kiryathe-Jearime.

Joshua 9:22

Ebile Joshua o a ba bitsa, a ba bolella, a re: Le re thetseditseng ha le itse, le hole-hole le rona, athe le ahile hara rona?

Joshua 9:9

Ba re ho yena: Bahlanka ba hao ba tswa naheng e holehole, ka baka la lebitso la Jehova, Modimo wa hao; etswe re utlwile botumo ba hae, le tsohle tseo a di entseng Egepeta;