Joshua 22:8 - Sesotho 1909/1961 (SO)

⁸ A re: Ipoelleng tenteng tsa lona ka maruo a maholo, ka makgomo a mangatangata, ka silefera, ka kgauta, ka koporo, ka tshepe, ka diaparo tse ngatangata, mme le arolelane le banababo lona tse hapilweng tsa dira tsa lona.

BIBELE

⁸ A bua le bona, a re: “Le boela ditenteng tsa lona le ena le leruo le lengata, le diphoofolo tse ngata, le silefera, le kgauta, le lethose, le tshepe, le diaparo tse ngata. Arolelang bana babo lona tseo le di hapileng ho dira tsa lona.”

Joshua 22:8 Cross References

1 Dikronike 5:9

ka nqa botjhabela, o ne a ahile naheng e fihlang moeding wa lefeella, ho tloha nokeng ya Eufrate; hobane mehlape ya bona e ne e atile haholo naheng ya Gileade.

2 Dikronike 17:5

Jehova a tiisa mmuso letsohong la hae. Baiseraele bohle ba tlisetsa Josafate dimpho, mme a atelwa ke leruo le kganya.

2 Dikronike 32:27

Esekiase a rua maruo a maholo, mme botumo ba hae ba eba boholo; a ipokellela matlotlo a silefera le kgauta, le majwe a bohlokwa, le dibano, le dithebe, le mesebetsi yohle e ke lakatswang.

Dipesaleme 68:12

Marena a ditjhaba a baleha, a baleha; mme basadi ba disang matlo ba arolelana kgapo.

Diproverbia 3:16

Bo kakatletse bolelele ba ditshiu letsohong le letona, le menono le boholo letsohong le letshehadi.

Numere 31:27

O arole kgapo habedi; karolo e nngwe o e nee bahlabani ba neng ba ile ntweng, e nngwe o e nee phutheho yohle.

1 Bakorinthe 15:58

Ka baka leo, banabeso ba ratwang, tiyang matla, le se ke la sisinyeha, mme le nne le eketse kamehla ho sebeletsa Morena, le ntse le tseba hobane mosebetsi wa lona e ke ke ya eba wa lefeela Moreneng.

BaHebheru 11:26

a kgolwa hoba sekgobo sa Kreste ke monono o fetisang matlotlo a Egepeta; hobane o ne a tadimile moputso.

1 Samuele 30:16

A mo isa, ba ba fihlela ba qhalane naheng yohle, ba eja, ba enwa, ba hobela, ba thabile ke kgapo yohle e kgolo eo ba e hapileng naheng ya Bafilesta le naheng ya Juda.

1 Samuele 30:24

Ke mang ya tla le mamela tabeng tseo na? Seabo sa ya yang ntweng se tshwanetse ho lekana le seabo sa letsholakobo, ba hapiswe ka mokgwa o le mong.