PROVERBIOS 2:9 - Diospa Simin Qelqa

⁹ Chaypachan entiendenki imaynatachus allinta kawsanaykipaq, entiendellankitaq imachus chanin-kayta, chaninchayta, k'apak-kaytapas.

PROVERBIOS 2:9 Cross References

SALMOS 119:105

Simiykiqa purinaypaq lamparan, simiykiqa ñanniypaq k'anchaymi.

SALMOS 119:99

Kamachikuy simiykikunapi anchata yuyaykusqayraykun llapa yachachiwaqniykunamantapas astawan yachapuni.

SALMOS 25:12

Señor Diosqa payta manchakuq runamanmi may ñannintachus purinanta rikuchin.

SALMOS 32:8

Señor Diosmi nin: Qantan qhawashayki. Ñoqan yachachisqayki, ñoqan yuyaychasqayki, ñoqan maynin purinayki ñanta yachachisqayki.

PROVERBIOS 28:5

Millay runakunaqa manan chaninchayta entiendenkuchu, Señor Diosta yupaychaqkunan ichaqa chaninchayta llapanta entiendenku.

PROVERBIOS 4:12

Purispaykiqa manan rank'ukunkichu, phawaspaykipas manan misk'akunkichu.

PROVERBIOS 4:18

Chaninkunaq puriyninqa pacha illarimuy k'anchay hinan, allinta p'unchayamuqtin aswan-aswanta k'anchariq hinan.

PROVERBIOS 8:20

Ñoqan chanin ñanninta purini, chaninchayta ruwaspa purini,

ISAÍAS 35:8

Chayninqa ñanmi kapunqa, Ch'uya ñan sutiyoqmi kapunqa, huchasapa runaqa manan chay ñantaqa purinqachu. Mana yuyayniyoqpas manan chay ñantaqa purinqachu.

ISAÍAS 48:17

Qespichiqniykichis Señor Diosmi, Israelpa Ch'uya Diosninmi nin: Qallariymantapachaqa manan pakapichu rimarqani, tukuy chaykuna hunt'akuqtinqa chaypin kasharqani. Ñoqan Diosniyki Señor Diosqa kani, ñoqan allinniykipaq yachachiyki, ñoqan purinayki ñantapas pusayki.

JEREMÍAS 6:16

Señor Diosmi nirqan: Ñan palqariypi sayaykuspa qhawarikuychis, ñawpa ñankunata tapurikuychis, mayqenchá allin ñan kasqanta tapurikuychis, chaynintataq puriychis, chaypin allin kawsayta tarinkichis. Qankunataq ichaqa nirqankichis: Manan chaynintaqa puriykumanchu, nispa.

JUAN 14:6

Jesustaq payta nirqan: –Ñoqan kani ñanpas, cheqaq-kaypas, kawsaypas. Pipas ñoqallantapunin Yayamanqa chayanqa.