Hebrews 10:38 - Nan Hapit Apo Dios

³⁸ Ya nan tatagu' an nahamad di ugalida ya diday manginaynayun an mangedenol ay Ha"in an ta"on un hiyay dumalat hi punligatanda. Mu wada ay di mangipogpog hi pangulugnan Ha"in ya nappuhiy punnomnom'un hiya.”

Hebrews 10:38 Cross References

II Samuel 22:22

ti inunud'u nan Uldina an agguy'u inat nan nappuhi ta agguy'u din'ug Hiya.

Psalms 147:11

ti hay umipa'amlong ay Hiya ya nan tatagun ipa'anhanday pangatandah nan pohdona ya nan mundenol hinan adi maluman an pamhodna.

Psalms 149:4

Hi Apo Dios ya pun'amlongana nan tataguna, ya pangabakona nan mumpa'ampa.

Psalms 5:4

Ya He"a, Apo Dios, ya adim pohdon nan nun'appuhin pangat, ya adim abuluton an middum ay He"a nan gun mumbahol.

Psalms 85:8

Ya inhamhamad'un dengngol din inalin nan Ap'apu an Dios ti intulagna an mi'id ah al'alih nan tatagunah unda inaynayun di pangunudandan Hiya. At hiyanan adi tu'u mahkay aton di nappuhi.

Isaiah 42:1

Ya inalin goh Apo Dios di, “Awniat umali nan pinili' an baal'un idata' hi abalinana at Hiyay mangipa'am'amlong ay Ha"in. Ya ipiyodol'u goh nan Na'abuniyanan an Lennawan Hiya ta mihamad di atonan mangipanuh hinan tataguh abablubabluy.

Ezekiel 18:24

Mu gulat ta nan tagun maphod di pangatna, ya awni ya numbahol, ya innaynayunan mangat hinan ato'aton nan nun'appuhiy pangatnan tatagu at ta"on un hiya ya mamolta. Ya ma'aliwan an amin din maphod an ina'inatna. Ya mamolta ti din'ugnan mangat hi maphod ta nan pumbaholan di gunna inat.

Ezekiel 3:20

Ya umat goh hinah nan nahamad di pangatnan tagu ta atona ay di nappuhi ti inyabulut'uy topong ay hiya ta agguy nuntutuyuh baholna ya natoy an agguymu pinadanan ya he"ay pabaholo'. Ya mid hulbinan Ha"in nan mun'aphod an din gunna ina'inat.

Ezekiel 33:13

Ya mabalin an alyo' hi hanan maphod di pangatnan tagu ya mi'tagu, mu gulat ta hanan amaphodnah din hopapnay ehdolna ta gunna aton di nappuhi ya hay alyo' ya an amin nan maphod an ina'inatna ya mi'id di hulbinan Ha"in. At hiyanan matoy an dumalat di baholna.

Habakkuk 2:4

At itudo'mu hatu: Immannung an mumpahiya nan iBabylon, ya immannung goh an nappuhiy amnawanda, mu makulug damdama an nan tagun ibilang Apo Dios an nahamad di ugalida an dimmalat nan pangulugda ya diday mi'tagun Apo Dios hi munnononnong.

Zephaniah 1:6

Ti ubaho' nan nangidinong an umunud ay Ha"in ya nan adi mamhod an umalin mumpabaddang ay Ha"in.

Malachi 1:10

Ya intuluy Apo Dios an inalinay, “Maphod un waday ohan da'yuh umuy mangitangob hinan apantapantaw nan Timplu ta mi'id ah umuy mun'apuy hinan pun'onngan ay Ha"in! Ti Ha"in ya adia' umamlong hinan ato'atonyu, at hiyanan adi' ahan abuluton nan e'nongyun Ha"in!

Matthew 12:18

“Tayay baal'un pento"u, ya Hiyay pohpohdo' ya mangipadenol ay Ha"in. Ya honogo' nan Lennawa' ay Hiya ta Hiyay mangibaag hinan panumalya' hi an amin hinan tatagu.

Matthew 13:21

mu agguy himmalatom ti un na'amtang di nangunudana, ti unat goh naligatan unu nipadildilah ya idinongnan umunud.

Romans 1:17

Ti intudun nen Ulgud an ibilang Apo Dios an nahamad di ugali tu'uh un waday pangulug tu'un Jesu Kristu, ya mi'id ah udumnah dumalat. Immannung hete ti inalin nan impitudo' Apo Dios di, “Nan tagun ibilang Apo Dios an nahamad di ugalida an dimmalat nan pangulugda ya diday mi'tagun Apo Dios hi munnononnong.”

Galatians 3:11

Ya na'innila an mid ah ohah tagun pangidinngan Apo Dios an mamohol ay Hiya an dumalat di pangunudanah nan Uldin di Hudyu. Ti hay impitudo' Apo Dios ya inalinay, “Nan tagun waday pangulugna ya idinong Apo Dios an mamohol ay hiya, at mi'tagun Hiyah munnononnong.”

I Thessalonians 2:15

Ti nan Hudyuy namatoy ay Jesus an Apu tu'u, ya nan numbino'ob'on an propeta goh, ya pinakak da'min dida. Ya agguyda inunud nan pohdon Apo Dios, ya boholonday ni'babluyanda!

Hebrews 10:39

Nan umat hinan tatagu ya milahhindan Apo Dios. Mu ditu'u ay ya punnonngon tu'uy pangulug tu'un Hiya ti hiyay dumalat hi abaliwan tu'u.

Jacob 5:6

Ya hay inatyu goh hi nappuhi ya ta"on un maphod nan tatagun mi'id di baholda ya immuyyu atog indiklamu, ya pinatoyyu nan adi pa'ibballoh.

I John 2:19

Hana nan tatagun mi'bohhol ay Kristu ya nilammungdan ditu'uh din hopapna, mu ta"on ya agguyda damdama ni'yunud hi unudon tu'u, at hiyaat unda nilahhin ay ditu'ud ugwan. Ti gulat ta ni'yunuddah nan unudon tu'u at agguyda nilahhin, mu hay alahhinanday panginnilaan hi unda agguy ni'yunud.