MATIU 27:25 - Ngowili Yekpei Numu Kpɛlɛɛ Va

²⁵ Fahii gbi ti yelei gulailɔ tɛɛ, “Ngi haalei i lɛ mu wumba mua mu leengeisia!”

MATIU 27:25 Cross References

MATIU 21:44

Numu gbi lekee i gulangaa yeekɔtii ji ma a ngi nɛɛmulɔ waa, kɛɛ i gulangalɔ numu gbi ma a ngi gbukpulɔ.]”

TOBLEISIA TI WIEHINDEISIA 18:6

Kia ti ngi houni a mawali ti njia nyamungaa le ngi ma, i poteilɔ a ji i fufulei gbukpulɛni ngi magulɛi hu i nde ti ma yɛ, “Wu piengaa wua yekpe wu jukulu, wɛɛ wɔɔ a numu gbi! Nya nda gbii ma. I hiye na watii ji ma, ngi lima nasia gama lɔ Juublaa yaa tie.”

TOBLEISIA TI WIEHINDEISIA 5:28

“Mu sawa lɛilɔ gɛ muɛɛ waa numu gbi gaa a na Yesu ji ndeni yɛ wu yɛ a nungaa gaa la, kɛɛ a tɔ lɛɛ gbɔɔ wu pienga! Wu yeekaai ji vayanga Jelusalɛm yeesɔkui hu gbi, tawao wu longɔ wu ngi haalei lɛ mu wumba!”

TOBLEISIA TI WIEHINDEISIA 7:52

Ngewɔ lutu i yɛlɔ na wɔɔ na wu maadani tii ngi yakpɛni a nyamu? Ti Ngewɔ lutui nasia waalɔ ti Ngewɔ Bɔilopo wɔnangɔi walei hugɛni wɔɔ. Kiahuna na wu ngi venga, wu ngi waanga.