JOSHUA 9:13 - BUKUIT NE TILIIL Sireet ne Dutero Kanon

¹³ Kileelach lolotinwechu kiga kinyiit divaik ak ko nguno ko ki kogereeris. Ki koosegitu ngoroikyok ak kweonikyok amu panda ne kooi kot.”

Bukuit Ne Tilil

¹³ Kileelach lolotinwechu kiga kinyiit divaik ak ko nguno ko ki kogereeris. Ki koosegitu ngoroikyok ak kweonikyok amu panda ne kooi kot.”

BUKUIT NE TILIL

¹³ ak ki leelach lolotinwechu kiga kinyiit divaik, ak ogeero, kigogereris: ak kigoosegitu ngoroichuchok ak kweonikyok amu banda ne koi kot.

JOSHUA 9:13 Cross References

MATAYO 9:17

Amaindo piik divaik che leelach lolotinwek che oosen: amu kereri lolotinwek, ak kotumdagei divaik, ak kobek lolotinwek: ago kindoi divaik lolotinwek che leelach, ak kotebi tuwai.

MARIKO 2:22

Ama miitei chii ne indoi divaik che leelach lolotinwek che oosen; ngot yai ko uu nooto, kogereeri divaik che leelach lolotinwek, ak kobeet divaik kobooto lolotinwek. Kindoi divaik che leelach lolotinwek che leelach.”

LUKA 5:37

Ama mi chii ne indoi divaik che leelach lolotinwek che oosen; ngo yai ko uu nooto ko kereri divaik lolotinwek, ak kotumdagei, ak kong'emogis lolotinwek.

NG'ATUTIK 29:5

“Ki andoiywok eng' kenyiisyek artam eng' surkwen. Eng' kenyiisyek chooto tugul koma osegitu ngoroik che olaachi ama osegitu kweoniguk eng' kelyekwok.

JOSHUA 9:12

Ki kiibu magatinichuchok eng' kooriikyok kota komi ma eng' peetuut ne ki king'eetosi kebwane oling'wong', ago nguno ko ki koyaamyo ak koucho.

JOSHUA 9:14

Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

JOSHUA 9:4

koyai ng'aalseet ak icheek: ki pa koigei piik che kiyooktoi, ki ip kuniok che oosen eng' sigirokwak, lolotinwegap divaik che oosen che ki kogereer ak ko che kigenabanap.

JOSHUA 9:5

Ki ilaach kweonik che ki koosegitu che kigeginogin ak kolaach ngoroik che oosen. Magatiinik tugul che ki amitwogikwak ko kiga koyaamyo ak ko kiga koucho.