JOSHUA 21:8 - BUKUIT NE TILIIL Sireet ne Dutero Kanon

⁸ Ki igoochi anyun eng' kurait `piigap Israel Lawiik nganasochooto kobooto emotinwekwak che kiyagisye ko uu ye ki ng'at `Kamuktaindet ne Toroor eng' eutap Musa.

Bukuit Ne Tilil

⁸ Ki igoochi anyun eng' kurait `piigap Israel Lawiik nganasochooto kobooto emotinwekwak che kiyagisye ko uu ye ki ng'at `Kamuktaindet ne Toroor eng' eutap Musa.

BUKUIT NE TILIL

⁸ Ak kiigochi eng’ barbariat lagokab Israel Lawik nganasochoto koboto emotinwekwak che kiyagisie, ko u ye king’at Jehovah eng’ eutab Musa.

JOSHUA 21:8 Cross References

TAUNET 49:5

Tupcho Simion ak Lawi; Kariigap koroomnateet rotonikwak po chok.

TAUNET 49:7

Chuboot nyitatennywa, amu ki pichiien, ak nereegekwak, amu ki koroomen. Apchee icheek eng' Jakobo, ak aiyeste icheek eng' Israel.

KALEWANAIK 16:33

Ki wiirchin parbaryat ngoryeet, ago punu `Kamuktaindet ne Toroor kirwooget tugul.

KALEWANAIK 18:18

Iwong'u `kabeletapkei parbaryat, ak ioitos che irwookyingei.

KAITOSYEK 32:2

kobwa lagogap Gad ak lagogap Reuben kong'alaalji Musa ak Eleazar tisiindet ak pounigap tuiyet, koleenji,

KAITOSYEK 33:54

Opchechigei emonooto onyabani eng' seretap parbareek ko uu ortinwekwok. Ogoochini che chaang' poroteet ne oo ak ogoochini che ng'ering' poroteet ne ming'in. Oldo tugul ole kaibutyi parbaryatap chii koek nenyi nooto. Onyabani ko uu pororyosyegap kwanisyekwok.

KAITOSYEK 35:3

Ingomeny icheek nganasochooto ak koek olooto ole agete tuukwak, akwotisyek ak tugul che kiyagi.

JOSHUA 18:6

Osir emonooto koek kebeberwek tisap yeityo oibwa siranooto, si aserchinewok parbareek eng' taitap Kamuktaindet ne Toroor, Kamuktaindennyo.

JOSHUA 21:3

Ak ki igoochi `piigap Israel Lawiik eng' porotennywa ko uu ng'atuutyetap Kamuktaindet ne Toroor, nganasochu, kobooto emotinwekwak.”

JOSHUA 21:7

Ki sich eng' kurait lagogap Merari ko uu ortinwekwak nganasook taman ak aeng' eng' pororyetap Reuben, Gad ak eng' pororyetap Zebulun.

JOSHUA 21:9

Ki igoito eng' pororyetap lagogap Judah ak eng' pororyetap lagogap Simion nganasochu kagimwa eng' yu eng' kainaik: