JOSHUA 21:1 - BUKUIT NE TILIIL Sireet ne Dutero Kanon

¹ Kingo pata, kobwa kandoigap kooriigap kwanisyek che po Lawiik koriik ole mi Eleazar tisiindet, Joshua weeriitap Nun ak kandoigap kooriigap kwanisyek che po pororyosyegap piigap Israel.

Bukuit Ne Tilil

¹ Kingo pata, kobwa kandoigap kooriigap kwanisyek che po Lawiik koriik ole mi Eleazar tisiindet, Joshua weeriitap Nun ak kandoigap kooriigap kwanisyek che po pororyosyegap piigap Israel.

BUKUIT NE TILIL

¹ Yeityo kobwa kandoikab gorikab kwanisiek che bo Lawik korik ole mi Eleasar tisiindet, ak Josua weritab Nun, ak kandoikab gorikab kwanisiek che bo bororiosiekab lagokab Israel,

JOSHUA 21:1 Cross References

TAUNET 49:7

Chuboot nyitatennywa, amu ki pichiien, ak nereegekwak, amu ki koroomen. Apchee icheek eng' Jakobo, ak aiyeste icheek eng' Israel.

KOMONG'U 6:14

Chu ko poisyegap kooriigap weeriigap Reuben taitap Israel: Hanok, Palu, Hesron, ak Karmi. Chuuto ko ortinwegap kap Reuben.

KOMONG'U 6:25

Ak ki itun Eleazar weeriitap Aron age eng' tiibiigap Putiel, ne ki sikyi ineendet Phineas. Chuuto ko poisyegap kooriik che po kwanisyegap Lawiik ko uu kooriikwak.

KAITOSYEK 35:1

Ki mwachi `Kamuktaindet ne Toroor Musa eng' warengetap Moab ole neegitee Jordan eng' ole po Jeriko, koleenji,

KAITOSYEK 35:8

Ak eng' nganasochooto ogoitoi eng' che po piigap Israel, onemu anyun che chaang' eng' che tinyei che chaang' ak onemu che ng'ering' eng' che tinyei che ng'ering'. Ingogoochi age tugul Lawiik ko uu ole tee porotennyi ne kinyoor.”

JOSHUA 14:1

Chu ko porotosyek che kinyoor piigap Israel eng' emetap Kanaan che kipchechi icheek `Eleazar tisiindet, ak Joshua weeriitap Nun kobooto kandoigap kooriik che po pororyosyegap piigap Israel.

JOSHUA 17:4

Ki pwa icheek tait ne po Eleazar tisiindet, Joshua weeriitap Nun ak pounik, koleen, “Ki ng'at `Kamuktaindet ne Toroor Musa kogoonech poroteet eng' kwenutap tupchosyekyok.” Ara ko uu ng'atuutyetap Kamuktaindet ne Toroor, ko ki igoochi `Joshua icheek poroteet eng' kwenutap tupchosyegap kwandanywa.

JOSHUA 19:51

Chu porotosyek che kipchei eng' parbarek tisiindet Eleazar ak Joshua weeriitap Nun kobooto che eecheen eng' kooriigap kwanisyek che po pororyosyegap piigap Israel. Kipchei eng' Shiloh koek poroteet eng' taitap Kamuktaindet ne Toroor eng' kurgeetap emait ne kituiyechin. Ki iges anyun pcheetap emet.