JOSHUA 10:2 - BUKUIT NE TILIIL Sireet ne Dutero Kanon

² Ki iywei miising' amu ki nganaseet ne oo Gibeon, ko uu age eng' nganasoogap kaplaitoryat, ak amu ki oo kosiir Ai ak ko ki kiimeen murenik tugul che po nganasanooto.

Bukuit Ne Tilil

² Ki iywei miising' amu ki nganaseet ne oo Gibeon, ko uu age eng' nganasoogap kaplaitoryat, ak amu ki oo kosiir Ai ak ko ki kiimeen murenik tugul che po nganasanooto.

BUKUIT NE TILIL

² koiywei mising’, amu ki nganaset ne o Gibeon, ko u age eng’ nganasokab kaplaitoriat, ak amu ki o kosiir Ai, ak ki kimen murenik tugul che bo nganasanato.

JOSHUA 10:2 Cross References

2 SAMUEL 12:26

Kibargei `Joab ak Rabbah ne po lagogap Ammon, ak kiluul nganaseetap kaplaitoryat.

KALEWANAIK 10:24

Kiit ne iywei kiptengekyot ko nooto ne nyoonjin ineendet, ago kigoochin che po iman tuguuk che machei.

NG'ATUTIK 11:25

Ma piitu chii ne imuuchi kotonon eng' taing'wong'. Igoochin Kamuktaindet ne Toroor Kamuktaindeng'wong' koiyweak ak kogonyitok emet komugul ne otyeche ko uu ye ki mwaiwok.

NG'ATUTIK 2:25

Atau ra agoochini koiywein ak koaragenso agobo inyee piik che miitei kurereet tugul ne po kipsengwet komugul che ta kogasei ng'aleeguk. Potandos ak konyoor ng'wanindo amu inyee.’ ”

NG'ATUTIK 28:10

Ye keer pororyosyek tugul che po ng'wony kole kiguurtoenen kainetap Kamuktaindet ne Toroor, koiywein.

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.

HEBRANIK 10:31

Kiit ne pichiy kot kibutyi eunegap Kamuktaindet ne sabei.

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

JOSHUA 9:24

Ki wolji `icheek Joshua koleenji, “Amu ki kimwaiwech acheek otwogiguk iman ko uu ye ki ng'at `Kamuktaindet ne Toroor Kamuktaindeng'ung' otwogindennyi Musa kogoonok emet tugul ak kobar eng' taing'wong' piik tugul che menyei emoni. Ki kiyai anyun niito amu ki kiaragen miising' agobo saboonwekyok amu okweek.

JOSHUA 9:3

Ago kingo kas piigap Gibeon kiit ne ki kayachi `Joshua Jeriko ak Ai,

1 SAMUEL 27:5

Ki leenji `Daudi Akis, “Ngot ko koanyooru myeeindo eng' taing'ung', ko ingogoono oldo eng' age eng' nganasoogap emoni, si kobiit ameny olooto. Amu kalya si komeny otwogindeng'ung' nganaseetap laitoryat kobooten?”