JOSHUA 1:6 - BUKUIT NE TILIIL Sireet ne Dutero Kanon

⁶ Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

Bukuit Ne Tilil

⁶ Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

BUKUIT NE TILIL

⁶ Kimitu ak inyiganitu: amu igochini bichu konam emet ne kiayosiechi kwanisiekwak ale agochini.

JOSHUA 1:6 Cross References

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 26:3

Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.

2 SAMUEL 10:12

Nyiganitu ak ingeegu murenik agobo piikyok ak nganasoogap Kamuktaindennyo, ak ingoyai Kamuktaindet ne Toroor ko uu ye keerei kole myee.”

1 LAITORINIK 2:2

“Neegit awo ole pendi piik tugul che po ng'wony. Kimitu anyun ak iegu muren.

1 ATEPTAP PEETUUSYEK 22:13

Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

1 ATEPTAP PEETUUSYEK 28:10

Riipkei anyun; amu ki kolewenin Kamuktaindet ne Toroor iteech koot ne po ole-tiliil. Kimitu anyun ak iteech.”

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

2 ATEPTAP PEETUUSYEK 15:7

Ago ogimegitu, among' kochorirenso eunekwok, amu onyooru melekto eng' poisyonikwok.”

2 ATEPTAP PEETUUSYEK 20:11

Keer anyuno, ole kagogeerundawech, kobwa komaandech eng' poroteng'ung', ne ki igoonech kobunjech.

2 ATEPTAP PEETUUSYEK 20:7

Tos ma ioon inyee, ee Kamuktaindennyo, piik che ki menyei emoni eng' taitap piiguk Israel, ak igoochi kobunji iyoteetap Abraham chorweng'ung' koigeny?

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

SEKARIA 8:9

Mwaei Kamuktaindet ne Toroor ne po lugoosyek kole: “Ingogimegitu eunekwok, okweek che ogase ng'aleechu eng' peetuusyechu eng' maotik che ki mi eng' peetuut ne ki kiluumei lumeiywot ketau keteechei kogeny kootap Kamuktaindet ne Toroor ne po lugoosyek, nooto ko Hekaluut.

KAITOSYEK 26:53

“Kipchechin emet chuuto koek poroteet ko uu koitetap kainaik.

KAITOSYEK 33:53

Yeityo onam emet kobunjook ak omeny, amu ki agoonok emonooto kobunjook.

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

NG'ATUTIK 1:21

ak kagonde Kamuktaindet ne Toroor Kamuktaindeng'ung' emet taing'ung'. Ara togoste anyun nam kobunjiin ko uu ye kimwaun Kamuktaindet ne Toroor, Kamuktaindetap kwanisyeguk, ameiywei anan iaragen.’ ”

NG'ATUTIK 1:8

Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

NG'ATUTIK 11:8

Oriip anyun ng'atuutyet komugul ne kaang'atak rani si ogimegitu ak oit emet ne obendi oname kobunjook.

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

JOSHUA 1:18

Chii age tugul ne kabisto chooto ing'ate, ama kas iit ng'aleeguk, kiy age tugul ne keng'at, kebarei. Kimitu ak inyiganitu miising'.”

JOSHUA 1:7

Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

JOSHUA 10:25

Koleenji `Joshua icheek, “Amoiywei anan otoptoben, ogimegitu ak onyiganitu amu yachin ko uu nooto Kamuktaindet ne Toroor puunikwok tugul che obaregei.”

JOSHUA 13:6

Piik tugul che menyei emetap tuloonook kong'etee Lebanon kot koit Misrepotmaim agot Sidonik tugul, aoone icheek koba eng' taitap piigap Israel. Ago igoochi emoni Israel koek porotennywa ko uu ye ki ang'atiin.

JOSHUA 18:3

Ara anyun ki leenji `Joshua piigap Israel, “Ogaigei kot kotyanit si onam emet ne ki koonok Kamuktaindet ne Toroor, Kamuktaindetap kwanisyekwok?

JOSHUA 21:43

Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

JOSHUA 5:6

Ki pendat piigap Israel kenyiisyek artam eng' surkwen kot kobek pororyet tugul. Ki pek murenigap lugeet che ki mang'une Misiri amu ma kas iit kutitap Kamuktaindet ne Toroor. Kiga koyasyechi `Kamuktaindet ne Toroor icheek kole ma chamjin kogeer emet ne kiga koyasyechi kogoochi kwanisyekwak, emet ne nyiitaat cheego ak komi kumyat eng' chaang'indo.

1 SAMUEL 4:9

Ogimegitu ak oegu murenik, ee okweek Philistiik si moegu otwogigap Yahudik ko uu ye ki otwogikwok icheek. Onyiganiitu ko uu muren anyun ak oyai lugeet.”