Lucas 18:1 - Kaxinawá Bíblia (BR)

¹ hanushũ hawẽ tsumabũ Deus kuxipa yukai hau punu nukayamashanũbũ miyuiwẽ Jesusũ hatu yusĩkĩ

Kashinawa : Diosun Jesúswen taexun yuba bena yiniki

¹ januxun jawen tsumabun Dios kushipa yukai jau punu nukayamaxanunbun miyuiwen Jesúsun jatu yusinkin

Lucas 18:1 Cross References

Salmos 27:13

Ea ẽ hiwekũkaĩmiswẽ taeshũ haska Senhor Deusũ hawenabu hawẽ duapa hatu uĩmakubaĩmis ẽ haki nukushanai ẽ unaiĩ.

Salmos 65:2

Mai hirabi anu hiwebaunabũ mibe hãtxanũ ika bekanikiki. Mibe hãtxakĩ mia yukaibu hatũ hãtxa nĩkakubaĩwẽ.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Jeremias 29:12

Ha ẽ matu haska waitianã, tsuara mã ebe hãtxakĩ ea yukaya matu nĩkakĩ ẽ matu kemashanaii.

Jonas 2:7

Ẽ yushĩ ea anua kaĩkainaya unãkĩ Senhor Deusuũ, mia shinãkĩ ẽ mia yuka mĩ Templo meribi anu mianu ẽ hãtxa tashnishinaki.

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Filipenses 4:6

Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

1 Tesalonicenses 5:17

Hamapai tibikiri hawaira xinãtã Deusbe hãtxakubaĩkãwẽ.

1 Samuel 1:12

hãtxa txaipakĩ Anã dayuikĩ hawẽ kesha bestiwẽ hãtxakĩ shabakabi hãtxama keba keba ibestiai Elĩ uĩkĩ hawẽ hãtxa nĩkama paeã dabanẽ shinãkĩ