Kalan Kunum 12:2 - Sunbin-Got em Kitakamin Weng

² Duyemeko, Sion em fik Sekow elo sakam dang atul nam beso alei, e kuanse kale.

Kalan Kunum 12:2 Cross References

Matyu 20:23

Dangiwi, e aso ilo bokoyemomele: “Fein! Kaso yukati kuanomin, betbet ilum fian mak kulokoliw kate, ne ki keko, kunum waneng mak ilo ‘Ku nem yuk teing dim kalo, mali elo ku nem awan teing dim kalo teinoliwka!’, yangeko, bokoyeminba keloki te. Nelo namdase Aatim ete kuw kitil so auk so keko, akalem beem dulum elote memen keyemkabe kunum waneng mali biim abin be duyemoke te.”, yangse kale.

Weng Kal Ken Ati Mak ete Bose te. 10:35

Beli, Sebidi em muluwel Sekow so, Sion so, aso i Yesus em mit mewso teleko, bokolewomeliw: “Kukuyemin kunum kutaka! Num mesesem mak kulo dakalakam talbuw be ku nulo fein duyema o!”, dangsiliw kale.

Weng Kal Ken Ati Mak ete Bose te. 10:38

Dangiwi, e aso biim yangiw weng be kiliko, yan weng bokoyemomele: “Yukalem dakalakabiliw beem mongom ete yu akokow kebomi, dakalakabiliw te! Kaso yu ki keko, nem kuanomin, betbet ilum kulomin kemi kale neso yuso makuw kuluko, daolokoluw a? Yu kililina! Kaso yu ki keko, im nelo ok da konemok atew kenemeko, betbet fian dunemokoliw be yukati kuluko, daolokoliw a?”, yangeko, dakalase kale.

Weng Kal Ken Ati Mak ete Bose te. 10:39

Dakalalei, aso bi elo yan weng bokolewomeliw: “No, nu ki keko, daolokoluw te.”, dangiwi, e aso ilo bokoyemomele: “Fein! Kaso yukati kuaneko, betbet ilum kulusomi, nem ok da konemomin atew keko, betbet fian mak kulokoliw kate,

Kalan Kunum 12:1

Beli, kaem ding dim bakate, emisik kamok Agliwba Kelot e mali Yesus elo gelewkabiliw kunum waneng ilo ilum fian mak duyemse kale.

Kibulu 11:37

Koyemsomeliwi, i mali ilo tum so kisi kuse yensomi, mali ilo giting goto isum isum keyemsomi, mali ilo biol so yemaliw kale. Sunbin-Got elo “Fein!”, dangenaliw kunum waneng mali mak i kal dim em eisneng beelo sukum kesomi, samal kal kuw ilim atew minggiko, kakabiliwi, maka i ilo kal ilum fian kuw dukayemaliw kale.