Kalan Kunum 1:15 - Sunbin-Got em Kitakamin Weng

¹⁵ Kaem ding dim bakate, kunum waneng banban im fufu e 120 emdiw mak Yesus elo “Fein!”, dangeko, ka kel wensansiliw kale. Keko beli, Fita e alik alik biim mutuk moko, weng mak bokoyemomele:

Kalan Kunum 1:15 Cross References

Matyu 13:31

Yangeko, iti fakam weng mak bokoyemomele: “Abiil tikin em gawman dim em kanekabe sang e ais dem fong gelgel emdiw te. Kunum mak ais dem gelgel be kuluko, akalem yongiw kel kailoke te.

Iluk 22:32

Dakalase kasike, ne Sunbin-Got elo bokolewomeli: ‘Ku Saimon elo dokolewei, em fein ibolow be kanelom atin kuw kuminoke te!’, dangbi te. Kame ku kilele kililolewka! Kom iti ibolow famdes kelokolew ding dim kabalak e, ku mali komdiw ‘Fein!’, nangbiliw kunum waneng im fein ibolow be kitil keyembolewka!”, dangse kale.

Sion 14:12

Yu nem yangbi weng kale kilele kililina! Nimin kunum waneng ite mak nelo ‘Fein!’, nangiw tewe, ikati nem aluwbabi eisneng kalakatew keko, aluwbamokoliw kate, im aluwbamin be nem aluwbabi eisneng kale bakinemokoliw te. Nimtew angom? Ne Aatim em fukun unoki kasike.

Sion 21:23

Dangei, akalem gelewkabiliw kunum i ikalem mutuk bokolew bokolew kelomeliw: “Kunum be nam kuane te!”, ange ange kesiliw kate, Yesus e kanele weng bokolinba kese kale. E bokolomele: “Em dulum elo ibolow fukunomeli: ‘Kunum be finik so belei, ne iti toloki te.’, angi tewe, be kom eisneng bate.”, dangse kale.

Kalan Kunum 10:23

Dangiwi, Fita e ilo am kawtem elo yemde uneko, ilo wanin yemenei, i waneko, akalsiliw kale. Keko beli, aneng iti danse ding dim bakate, alemsal kunum so, Fita eso, mali Soba kasel keko, Yesus elo gelewkabiliw kunum biso, alik alik i makuw unsiliw kale.

Kalan Kunum 11:1

Beli, kalan kunum so, Yesus elo “Fein!”, dangbiliw kunum mali mak iso, Sudia aneng aneng kakabiliw kunum alik alik bi kililiwete: “Isalael kawtiw num ibik biliw kawtiw ikati Sunbin-Got em weng kiliko, gelewbiliw kai!”, yangiwi, i kilisiliw kale.

Kalan Kunum 11:12

Teliwi, Sunbin-Finik e ‘Ku kanelom ibolow tiaktiak keko, fukunin banban kelokolew te! Ku iso makuw unolewka!’, nangese kasike, ne so, nakunum kumel gung kel kunum biso, alik alik nu uneko, kunum beem am kawtem unsuluw te.

Kalan Kunum 11:26

Uneko, elo atemse ding dim bakate, e elo Antiok abiw mutuk fian kalo debele talse kale. Keko beli, aso i itol makmak ding ka kel bomeliwi, Antiok abiw mutuk fian kasel ilo Sunbin-Got em Weng Kal Ken Ati be kukuyembisiliw kale. Kaem ding dim bakate, emisik ding e, mali kawtiw i Yesus em angin ilo kikis wiin “Kilisten” yangsiliw kale.

Kalan Kunum 11:29

Keko beli, Antiok abiw mutuk fian ka kel alenaliw Yesus em gelewkabiliw kunum waneng i weng kitokoko, bokolomeliw: “Nu Sudia aneng fian ka biliw nakunum kusel ilo dokoyemoluwka!”, angeko, bokolew bokolew kesomi, ikalem beem ki dabalayemomin eisneng eisneng mak dukuyemsiliw kale.

Kalan Kunum 12:17

Beli, Fita em iso makuw am kawtem elo unse ding dim bakate, e teing fakmiw keyemei, i kimi angiwi, e akalem dulum em kane kembe eisneng be ilo bokoyemomele: “Kamok Fian e nelo dokonemei, ne sok am tem be koleweko, kaleelo tele kembi te.”, yangse kale. Yangeko, ilo bokoyemomele: “Sekow so, akunum kumel iso, alik alik ilo nem kane kembi eisneng bakati bokoyemoliwka!”, yangeko, am iti koleweko, nanew aneng elo unse kale.

Kalan Kunum 14:2

Dangsiliw kate, mali Yesus elo “Fein!”, danginba kebiliw Suda kawtiw i mali Suda kawtiw im ibik biliw kawtiw im ibolow silikmo koyemsiliw kasike, i Kamok Fian em gelewkabiliw kunum waneng biilo kaisuw keyemsiliw kale.

Kalan Kunum 15:1

Beli, deiw mak ding mak kabalak e, mali kunum mak Sudia aneng fian koleweko, Antiok abiw mutuk fian kalo teleko, sios kawtiw biilo kukuyemeko, bokoyemomeliw: “Yu Moses em kukuyemale kukuw beem afak uninba keko, kal okilinba keliw tewe, Sunbin-Got e yulo sunsun finik so bin be nam duyeme te!”, yangsiliw kale.

Kalan Kunum 15:3

Angeko, alik alik biilo yamdaliwi, i uneko, Fonisia aneng fian tele, Samalia aneng fian tele beem mutuk dim kalo uneko, kaem fein ibolow keyembiliw kawtiw biilo weng kal bokoyemomeliw: “Mali Isalael kawtiw num ibik biliw kawtiw ikati ibolow famdeko, Sunbin-Got em sunsun finik so kulomin deiw ka kel kakabiliw kai!”, yangiwi, i kiliko, kalfongeko, kakat fian mak kulusiliw kale.

Kalan Kunum 16:2

Ilistala abiw mutuk fian beem fein ibolow so kawtiw so, Aikoniam abiw mutuk fian beem fein ibolow so kawtiw iso, alik alik i Timoti beem dulum elote bokolomeliw: “E kukuw ken so kunum ete te!”, angsiliw kale.

Kalan Kunum 16:40

Yangiwi, aso i sok am tem be koleweko, uneko, Ilidia um am kalo unsiliw te. Keko beli, ka kel e, i kaem Yesus elo gelewkabiliw kunum waneng im ibolow fukunin beelo kitil kelewin weng mak bokoyemeko, fe kabalak e, aso i Filibai abiw mutuk fian be fein koleweko, unsiliw te.

Kalan Kunum 17:10

Beli, kaem kutiliw mutuk bakate, Yesus em gelewkabiliw kunum waneng bi Fol so, Sailas so, aso ilo yamdako, “Beliia abiw mutuk fian kalo unina!”, yangsiliw te. Yangiwi, i fein uneko, kalo uneko, Suda kawtiw im wensankabiliw am dim kawtem uneko,

Kalan Kunum 17:14

Silikmoyemiwi, mali Yesus em gelewkabiliw kunum waneng bi kawtiw biim kanebiliw eisneng be atemeko, fongate akate uneko, Fol elo okmun fian beem benggew dim kalo debele unsiliw te. Elo debele unsiliw kate, Sailas so, Timoti so, aso i Beliia abiw mutuk fian ka kel bomi, bisiliw te.

Kalan Kunum 17:6

Unsiliw kate, i aso biilo Sason em am be yeteminba kesiliw kasike, i Sason so, mali Yesus em gelewkabiliw kunum iso, alik alik biilo abiw mutuk fian beem kak kunum im mit mewso yemde uneko, gaanomeliw: “Kunum kali sak aneng ka aneng ka kakabomi, kawtiw im ibolow silikmoyemsomi, kame akal kale kel talsiliw te.

Kalan Kunum 18:18

Beli, tiak ding mak kelei, Fol e Kolin abiw mutuk fian be iti koleweko, Silia aneng fian unomin kese te. Kaem ding dim bakate, e Yesus em gelewkabiliw kunum waneng biilo “Yukal o!”, yangei, eso, Bilisila so, Akuila so, yemkal biso, alik alik i makuw unsiliw te. Uneko, Senkelia abiw mutuk fian kalo uneko, talsiliw te. Teleko, im ka kel bisiliw ding dim bakate, Fol e Sunbin-Got elo fawtuk ayem weng mak bokolewse kasike, e Suda kawtiw im kukuw geleweko, akalem kak kon okilewse te.

Kalan Kunum 18:27

Keko beli, deiw mak ding mak kabalak e, Abolos e bokolomele: “Ne abiw kale koleweko, Akaia aneng kalo unoki te!”, angse kasike, kaem Yesus elo gelewkabiliw kunum bi eso ibolow ki makmak keko, mali Akaia aneng im Yesus gelewkabiliw kunum waneng ilo fut mak boko, bokoyemomeliw: “Kunum beelo kalfongdewko, elo dokolewoliwka!”, yangsiliw te. Keko beli, e abiw mutuk fian be fein koleweko, Akaia aneng kalo uneko, Kolin abiw mutuk fian kalo unse te. Kaem ding dim bakate, Sunbin-Got e mali kawtiw ilo ibolow folok so keyemse kasike, i fein ibolow so kunum waneng kesiliw te. Keko beli, Abolos e kunum waneng biilo kilele ken kuw dokoyemeko, im fein ibolow be kitil kuw keyemse te.

Kalan Kunum 21:17

Keko beli, num Selusalem abiw mutuk fian kalo talsuluw ding dim bakate, kaem sios kunum waneng alik alik i nulo kalfong fian fian kuw keyemsiliw te.

Kalan Kunum 21:20

Yangei, i kiliko, kalfong fian keko, Sunbin-Got em wiin fian daolewsiliw te. Daoelwsomi, i Fol elo weng mak bokolewomeliw: “Nakunum kutaka! Kukalem ete yetemewete: Suda kawtiw fufu banban kakalin kunum waneng Yesus elo “Fein!”, dangbiliwi, yetemkabelew te. Suda kunum waneng bi Sunbin-Got em Moses elo kukuyemse sawa weng be kiliko, kitil kuw aluwko, diwkuw diwkuw gelewkabiliw kunum waneng kebiliw te.

Kalan Kunum 21:7

Beli, nu Tail abiw mutuk fian be iti koleweko, Tolemes abiw mutuk fian kalo uneko, ka biliw nakunum kusel biilo “Biliw yako!”, yangeko, taw makmak ding iso biko, ka kel akalsuluw te.

Kalan Kunum 22:5

Feinka! Nukalem Sunbin-Got am yol beem kunum ayem sel so, nukalem Suda kawtiw num kak yetebiliw kunum iso, alik alik bi nem kanemali kukuw be kilele kal kebiliw kasike, i auk so dunemse fut mak boko, nem teing dim dako, bokonemomeliw: ‘Damaskus abiw mutuk fian kawtem unokolew ding dim bakate, fut kale nukalem nakunum kumel ilo duyemolewka! Keko beli, ku ki keko, kaem Yesus elo gelewkabiliw kunum waneng biilo sok so nit net keyemeko, Selusalem abiw mutuk fian kalo yemdalewi, ka kel i ilum fian mak duyemokoliw te.’, nangsiliw te.

Kalan Kunum 28:14

Ka teleko, nu Yesus elo gelewkabiliw kunum waneng mak yetemuwi, i nulo bokoyemomeliw: “Yu teleko, ben kel ding mak nuso makuw bina!”, yangsiliw te. Yangiwi, nu kiliko, iso ka buluwi, ben kel ding mak alsuluw te. Keko beli, nu ilo iti koyemeko, kawin dim kel Ulom abiw mutuk fian kalo unsuluw te.

1 Kolin 15:6

Fitewei, makmak ding kelei, mali fufu banban 500 bakilewkabiliw “Fein!”, dangbiliw kunum waneng im kiin dim kel akati fitewse te. (Mali elo atemsiliw kunum waneng bi kame kuansiliw kate, banban bi finik so biliw te!)

Fitew Dase 11:13

Kaneloke ding dim bakate, bim fian mak filei, abiw mutuk fian be amen amen mongom king kel keyemeko, mongom makmak atin kuw tabol tabol keleweko, ben kel tausen kawtiw iso yemkatiko, banim keyemoke te. Keyemei, mali kuaninba kebiliw kawtiw bi beem kaneloke eisneng be atemeko, finganin fian kuw kesomi, abiil tikin alakabe Sunbin-Got em wiin fian daolewokoliw te.

Fitew Dase 3:4

Kate, kom belew abiw mutuk Sadis beem mali kunum waneng mak nem kiin dim e sen so banim keko, ikalem ilim ninik so kelinba kebiliw te. Kebomeliwi, i nem kiin dim e ki keko, wangweng kebiliw kasike, ilim kais nam minggisomi, neso makuw kakamokoluw te.