Fitew Dase 13:10 - Sunbin-Got em Kitakamin Weng

¹⁰ Sunbin-Got e akalem ibolow geleweko, “Maka kawtiw i nem afak biliw mali kunum waneng yulo sok am tem da koyem kemoliwka!”, ange tewe, maka bi em ange weng be geleweko, yulo sok am tem da koyem kemoliwka! Beemdiw, e bokolomele: “Maka kawtiw i yulo geeyemeko, yeniwi, kuan kemoliwka!”, ange tewe, maka bi em ange weng be geleweko, yulo fein yeniwi, yu kuan kemoliwka! Kaneko eisneng beem kaneloke ding dim bakate, Sunbin-Got em galmose kunum waneng yu yom fein ibolow be kilele aluwsomi, kitil kuw moko, Sunbin-Got em ding fenko, boliwka!

Fitew Dase 13:10 Cross References

Matyu 26:52

Kelewei, Yesus bokolomele: “Kom sakam dang be iti akalem dukukabelew dim elo dukula! Nimtew angom? Nimin ete akalem on sen bole tewe, akalem sen beem yan kuanoke te.

Matyu 7:2

Yu kilele kililina! Sunbin-Got e yulo yukalem mali kawtiw ilo geeyembiliw kukuw beemdiw bakati geeyemboke kasike. Yu nomin sawa weng mak kuluko, kitil kuw kebomi, mali kawtiw ilo geeyemiw tewe, Sunbin-Got akati sawa weng be kuluko, kitil kebomi, yulo bakalem ki akate geeyemoke te.

Iluk 21:19

Yu kitil keko, maka im awan nam dubuluw angiw tewe, yu sunsun finik so bin be fein kulokoliw te.

Kolosi 1:11

Kesomi, akalem abiil tikin beem kitil fian bete yulo akati yemkitilmoloke te. Yemkitilmolei, ilum ding kabalak e, yu kitil kuw moko, ibolow menew kuw kebomi, em yulo dokoyemoke ding fensomi, kakateko,

Kibulu 6:12

Feinka! Yu kanelom gal gal kemokoliw te! Kate, yu mali yamtolo unakabiliw kunum waneng imdiw kemoliwka! I ikalem fein ibolow be aluwsomi, Sunbin-Got em ding fensiliw kasike, i em “Yulo duyemoki te!”, yangse weng beem dem be fein atemokoliw kasike.

Fitew Dase 1:9

Sion nakal yomdiw Yesus Kulais elo “Fein!”, dangii, eso nuso alik nu makuw bongguko, fewtokoko, beem dulum elote betbet kulusomi, em dokoyemoke ding fenbuluw kunum waneng nute te. Feinka! Ne mali kawtiw ilo Sunbin-Got em weng so, Yesus em sang so bakayembisi te. Bakayembi beem mongom ete, i nelo okgung Fatmos kel sok am tem da konemiwi, ne kale kel bi te.

Fitew Dase 11:18

Kangbuluwi, kawin dim aneng aneng angom biliw kawtiw bi kaisuw fian kekembiliw kate, kom ilo kaisuw keyemomin ding so, kuansiliw kawtiw ilo diwyemeko, geeyemokolew ding so, kame mewso kebe te. Kame kuw, kukalem bontem dim bakamin kunum iso, kom wiin so galmoselew kunum waneng iso, kom weng afak alakabiliw kunum waneng iso, wiin so kawtiw so, wiin banim kawtiw so, alik alik makuw ilo yan ken fian mak duyemokolew ding kele te. Kelei, kawin dim kaleem wa abin tein koyemkabiliw kawtiw ilo geeyemeko, yenomin ding akal kame kele te.”, angiwi, ne kiliko, yetemsi te.

Fitew Dase 14:12

Kaneloke eisneng be Sunbin-Got akalem sawa weng afak kebomi, Yesus elo fein ibolow dulewbomi, Sunbin-Got em galmose kunum waneng kebiliw kunum waneng biim fein ibolow e kitil keyemboka!

Fitew Dase 16:6

Nimtew angom? I kom galmoselew kunum waneng so, kom bontem dim bakamin kunum iso, alik alik ilo yensomi, im kaim buselyemsiliw kasike, beem yan e ikati kaim kuw wanoliwka!”, angei, ne kiliko, atemsi te.

Fitew Dase 17:11

Aneng matil sua bise, kame binba, ibik ete iti matem toloke aneng matil be duan em kamok keloke kate, e ben kel kamok imdiw keko, selei, ibik ete imdiw kuaneko, banimoke te.

Fitew Dase 17:8

Atemselew aneng matil be sua bise, kame binba, ibik ete iti kawin tenggew dakaw misal elote matem teleko, belei, atin kuw banim keloke te. Sua sua Sunbin-Got em kawin dim kailinba kese ding kabalak e, Sunbin-Got e mali kunum waneng im wiin e finik so kulomin fut tem kel bose kale. Kate, mali kawtiw im wiin e ka bolinba kelei, kawin fe abiil fe aneng aneng biliw kawtiw ite aneng matil sua bise, kame binba, ibik ete iti matem toloke aneng matil beelo atemeko, atin kuw yol angeko, bokoliw te.

Fitew Dase 2:19

‘Ne kom ken kekabelew kukuw be kilele kal kebi te. Kom ibolow mutuk dulew dulew kukuw e, kom fein ibolow kenemkabelew e, kom mali ilo dakayembin kukuw e, kom kal anggil ilum deimin kukuw e, alik alik kebelew be ne atemeko, kal kebi te. Feinka! Kom kame gelewkabelew ken kukuw be suaem ken kukuw gelewemalew kukuw beelo bakileweko, fian kebelew te.

Fitew Dase 2:2

‘Kom bukesomi, ken kukuw aluwsomi, yom kal anggil ilum kululiw ding em kalaing kuw keko, kitil mokabiliw kukuw be ne kal kebi te. Feinka! Ku kukuw wa kekabiliw kawtiw ilo gal keyemeko, im deiw elo net kelewkabelew te. Kelewsomelewi, mali dasuw weng bokoko, ‘Nukal kalan kunum nute te!’, angbiliw kunum ilo kilele diwyemeko, ‘Dasuw bakabiliw kunum yute te!’, angeko, kal kebelew te.

Fitew Dase 3:10

Feinka! Ku nem weng kilele aluwbomelewi, kitil keko, kal anggil ilum daokeko, nem dokokemomin ding fenbelew kasike, nakati kulo nem teing tem dako, kokembomelii, kiskis ilum mak aneng aneng angom biliw kawtiw alik alik im dim talakabe be kom dim nam tele te.

Fitew Dase 3:3

Kom suaem Weng Kal Ken Ati bakakembiliwi, kilikemelew weng beelo iti ibolow fukuneko, geleweko, iti ibolow famdes angolewka! Ku fongate akate baba teininba kelew tewe, ne kom akokow keko, belew ding bakate, yakut kunum em wokmo telin atew ke teleko, finik akekemii, ku yol angokolew te.