Juan 14:6 - Maayong Balita Biblia

⁶ Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Ang Biblia 2011

⁶ Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Ang Pulong sa Dios

⁶ Mitubag si Jesus kaniya, “Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.

Ang Bag-ong Maayong Balita Biblia

⁶ Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 14:6 Cross References

Mateo 11:27

“Ang akong Amahan naghatag kanako sa tanang butang. Walay nakaila sa Anak gawas sa Amahan ug walay nakaila sa Amahan gawas sa Anak ug kadtong mga tawo nga buot sa Anak nga makaila sa Amahan.

Juan 1:14

Ug ang Pulong nahimong tawo ug mipuyo uban kanamo, puno sa grasya ug kamatuoran. Nakita namo ang iyang himaya, ang himaya nga iyang nadawat ingon nga bugtong Anak sa Amahan.

Juan 1:17

Ang Balaod gihatag sa Dios pinaagi kang Moises apan ang grasya ug ang kamatuoran miabot pinaagi kang Jesu-Cristo.

Juan 1:4

Diha sa Pulong ang kinabuhi ug ang maong kinabuhi mao ang kahayag sa mga tawo.

Juan 10:28

Naghatag ako kanila sa kinabuhing dayon ug dili na gayod sila mangamatay ug walay makaagaw kanila gikan kanako.

Juan 10:7

Busa miingon si Jesus pag-usab, “Sultihan ko kamo: ako ang pultahan sa mga karnero.

Juan 10:9

Ako ang pultahan. Ang mosulod agi kanako maluwas. Makasulod-gawas siya ug makakaplag siyag masibsib.

Juan 14:19

Sa dili madugay ang kalibotan dili na makakita kanako apan kamo makakita kanako. Ug kay ako buhi man, mabuhi usab kamo.

Juan 15:1

“Ako ang matuod nga punoan sa paras, ug ang akong Amahan mao ang tig-atiman.

Juan 18:37

Tungod niini nangutana si Pilato kaniya, “Hari ka ba diay?” Si Jesus mitubag, “Nag-ingon ka nga hari ako. Tungod niini ako natawo ug mianhi sa kalibotan alang sa usa lamang ka tuyo nga mao ang pagsaksi sa kamatuoran. Ang anaa sa kamatuoran mamati kanako.”

Juan 5:21

Kay sama nga banhawon sa Amahan ang mga patay ug hatagag kinabuhi, banhawon usab sa Anak ug hatagag kinabuhi ang buot niyang banhawon.

Juan 6:33

Kay ang pan nga gihatag sa Dios mao siya nga nanaog gikan sa langit ug naghatag ug kinabuhi sa kalibotan.”

Juan 6:51

Ako mao ang pan nga gikan sa langit nga naghatag sa kinabuhi. Ang mokaon niini nga pan dili gayod mamatay. Ug ang pan nga akong ihatag mao ang akong unod aron mabuhi ang kalibotan.”

Juan 6:57

Ang buhing Amahan maoy nagpadala kanako ug tungod kaniya buhi usab ako. Sa samang paagi, ang mokaon kanako mabuhi tungod kanako.

Juan 6:68

Si Simon Pedro mitubag kaniya, “Ginoo, kinsa may among kapaingnan? Anaa kanimo ang mga pulong nga naghatag ug kinabuhing walay kataposan!

Juan 8:32

Mahibalo kamo sa kamatuoran ug ang kamatuoran maghatag kaninyog kagawasan.”

Juan 8:51

Sultihan ko kamo: ang magtuman sa akong gisulti dili gayod mamatay.”

Mga Buhat 3:15

Ug gipatay ninyo ang Tinubdan sa kinabuhi. Apan gibanhaw siya sa Dios ug kami mga saksi niini.

Mga Buhat 4:12

Ang kaluwasan makaplagan lamang diha kaniya kay dinhi sa kalibotan wala nay laing ngalan nga gihatag sa Dios ngadto sa katawhan nga maoy makaluwas kanato.”

Mga Buhat 9:2

ug nangayog mga sulat nga magpaila kaniya ngadto sa mga sinagoga sa Damasco nga siya gitugotan sa pagdakop sa mga sumusunod sa Dalan nga iyang makit-an didto, lalaki o babaye ug pagdala kanila balik sa Jerusalem.

Roma 15:16

gihimo akong sulugoon ni Cristo Jesus aron pag-alagad sa mga dili Judio. Nag-alagad ako ingon nga pari aron pagwali sa Maayong Balita nga gikan sa Dios aron ang mga dili Judio dawaton sa Dios ingon nga halad nga gibalaan sa Espiritu Santo.

Roma 5:2

Pinaagi kaniya makahimo na kita sa pagpahimulos sa grasya sa Dios diin nagkinabuhi kita karon ug nagmalipayon diha sa paglaom nga makaambit gayod kita sa himaya sa Dios.

Roma 5:21

Busa ingon nga naghari ang sala pinaagi sa kamatayon, maghari usab ang grasya sa Dios pinaagi sa pagkamatarong nga magdala kanato ngadto sa kinabuhing walay kataposan pinaagi kang Jesu-Cristo nga atong Ginoo.

1 Mga Taga-Corinto 15:45

Kay ang kasulatan nag-ingon, “Ang unang tawo nga si Adan gibuhat nga buhi,” apan ang kataposang Adan mao ang Espiritu nga naghatag ug kinabuhi.

Mga Taga-Efeso 2:18

Pinaagi kang Cristo kitang tanan, Judio ug dili Judio, makaduol sa Amahan diha sa usa ka Espiritu.

Mga Taga-Colosas 2:17

Kining tanan mga anino lamang sa mga butang nga umaabot, apan ang katumanan mao si Cristo.

Mga Taga-Colosas 2:9

Kay ang tibuok nga pagka-Dios anaa kang Cristo sa iyang pagkatawhanon

Mga Taga-Colosas 3:4

Ang matuod ninyong kinabuhi mao si Cristo ug inigpakita niya, makita usab kamo uban kaniya ug moambit sa iyang himaya.

Mga Hebreo 7:25

Ug busa makahimo siya, karon ug sa gihapon, sa pagluwas kanila nga moduol sa Dios pinaagi kaniya kay buhi man siya hangtod sa kahangtoran aron pagpangaliya sa Dios alang kanila.

Mga Hebreo 9:8

Gikan niining tanan tin-aw nga nagtudlo ang Espiritu Santo nga ang agianan ngadto sa Labing Balaang Dapit dili ablihan samtang nagtindog pa ang tolda sa gawas.

1 Pedro 1:21

Pinaagi kaniya nagtuo kamo sa Dios nga maoy nagbanhaw ug nagpasidungog kaniya busa ang inyong pagtuo ug paglaom anaa sa Dios.

1 Pedro 2:4

Paduol kamo sa Ginoo, ang buhing bato nga gisalikway sa mga tawo apan gipili sa Dios ug iyang giisip nga bililhon.

1 Pedro 3:18

Kay si Cristo namatay sa makausa lamang tungod sa atong mga sala, ang matarong alang sa mga dili matarong, aron pagdala kanato ngadto sa Dios. Gipatay siya ingon nga tawo apan gibanhaw diha sa espiritu.

1 Juan 1:8

Kon moingon kita nga wala kitay sala, gilimbongan nato ang atong kaugalingon ug wala kanato ang kamatuoran.

1 Juan 2:23

Kay ang nagsalikway sa Anak nagsalikway usab sa Amahan ug ang midawat sa Anak midawat usab sa Amahan.

1 Juan 5:20

Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon.

1 Juan 5:6

Ang mianhi mao si Jesu-Cristo ug nailhan ang iyang pag-anhi pinaagi sa tubig ug sa dugo. Nailhan siya dili sa tubig lamang kondili sa tubig ug sa dugo. Ang Espiritu mao ang saksi nga matuod kini kay ang Espiritu kamatuoran man.

2 Juan 1:9

Ang tawo nga wala magpabilin ug wala motuman sa pagtulon-an ni Cristo, wala kaniya ang Dios. Apan ang Amahan ug ang Anak anaa kaniya nga nagsunod sa pagtulon-an ni Cristo.

Gipadayag 1:5

ug gikan kang Jesu-Cristo, ang kasaligang saksi, ang unang gibanhaw nga mao usab ang nagmando sa mga hari sa kalibotan. Gihigugma kita niya ug pinaagi sa iyang dugo giluwas kita niya sa atong mga sala.

Gipadayag 19:11

Unya nakita ko nga naabli ang langit ug didto may puting kabayo. Ang nagkabayo niini ginganlag Kasaligan ug Matuod ug diha sa katarong naghukom siya ug nakiggubat.

Gipadayag 20:15

Ang tanang tawo nga walay ngalan diha sa libro sa kinabuhi itambog ngadto sa linaw nga kalayo.

Gipadayag 22:1

Gipakita usab sa anghel kanako ang suba sa tubig sa kinabuhi nga nagpangidlap daw kristal. Naggikan ang maong suba sa trono sa Dios ug sa Nating Karnero.

Gipadayag 22:17

Ang Espiritu ug ang Pangasaw-onon miingon, “Dali ngari!” Ug ang tanang nakadungog paingna usab, “Dali ngari!” Duol kamong giuhaw ug kadtong may gusto, inom sa walay bayad nga tubig nga naghatag sa kinabuhi.

Gipadayag 3:14

“Isulat kini alang sa anghel sa simbahan sa Laodicea: “Kini ang giingon sa Amen, ang kasaligan ug matuod nga saksi nga mao ang sinugdan sa tanan nga gibuhat sa Dios.

Gipadayag 3:7

“Isulat kini alang sa anghel sa simbahan sa Filadelfia: “Kini ang mensahe nga giingon sa balaan ug matuod, ang nagkupot sa yawi ni David. Walay makasira sa iyang ablihan ug walay makaabli sa iyang sirad-an.