Juan 1:14 - Maayong Balita Biblia

¹⁴ Ug ang Pulong nahimong tawo ug mipuyo uban kanamo, puno sa grasya ug kamatuoran. Nakita namo ang iyang himaya, ang himaya nga iyang nadawat ingon nga bugtong Anak sa Amahan.

Ang Biblia 2011

¹⁴ Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Ang Pulong sa Dios

¹⁴ Ang Pulong nagpakatawo ug nakig-uban kanato. Nakita namo ang iyang himaya ingon nga bugtong Anak sa Amahan. Maluloy-on gayod siya ug pulos kamatuoran ang iyang gipanulti.

Ang Bag-ong Maayong Balita Biblia

¹⁴ Ug ang Pulong nahimong tawo ug mipuyo uban kanamo, puno sa grasya ug kamatuoran. Nakita namo ang iyang himaya, ang himaya nga iyang nadawat ingon nga bugtong Anak sa Amahan.

Juan 1:14 Cross References

Salmo 2:7

Nag-ingon ang hari, “Isangyaw ko ang giingon kanako sa Ginoo. Miingon siya kanako, ‘Ikaw akong anak; ug karong adlawa imo na akong amahan.

Salmo 45:2

Ikaw ang labing guwapo ug hanas kaayong manulti; kanunay kang gipanalanginan sa Dios!

Salmo 85:9

Sa walay duhaduha andam siya pagluwas niadtong nagtahod ug nahadlok kaniya, ug ang iyang himaya magpabilin sa among yuta.

Isaias 40:5

Unya ipadayag ang himaya sa Ginoo ug makakita niini ang tanang tawo kay ang Ginoo maoy nagsulti niini.”

Isaias 53:2

Kay kabubut-on sa Ginoo nga ang iyang alagad motubo daw tanom diha sa ugang yuta. Dili siya madanihon ug wala siyay kaambong nga mabihag kita kaniya.

Isaias 7:14

Busa ang Ginoo gayod maoy mohatag kaninyog timaan ug kini mao ang usa ka batan-ong dalaga nga manamkon ug manganak ug usa ka batang lalaki ug nganlan siyag Immanuel.

Ezequiel 37:27

Magpuyo ako uban kanila ug ako ilhon nila nga ilang Dios ug sila mahimong akong katawhan.

Lucas 2:11

Kay karong gabhiona, natawo sa lungsod ni David ang inyong Manluluwas, ang Cristo nga Ginoo!

Lucas 2:7

Nanganak siya sa iyang panganay nga lalaki. Giputos niya ang bata sa panapton ug gipahiluna sa usa ka pasungan kay wala na may luna sa balay nga abotanan.

Lucas 9:32

Nahikatulog pag-ayo si Pedro ug ang iyang mga kauban apan nahigmata sila ug nakakita sa himaya ni Jesus ug sa duha ka tawo nga nagbarog tupad kaniya.

Juan 1:1

Sa wala pay nabuhat bisan unsa, ang Pulong diha na. Ang Pulong uban sa Dios ug ang Pulong Dios.

Juan 11:40

Si Jesus miingon kaniya, “Wala ko ba ikaw sultihi nga kon motuo ka makita mo ang himaya sa Dios?”

Juan 14:6

Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 14:9

Si Jesus mitubag, “Dugay na akong nakig-uban kaninyong tanan unya wala ka pa gihapon makaila kanako, Felipe? Ang nakakita kanako nakakita usab sa Amahan. Busa nganong nag-ingon ka man, ‘Ipakita kanamo ang Amahan’?

Juan 17:22

Gihatagan ko sila sa samang himaya nga imong gihatag kanako aron sila mausa sa hingpit ingon nga ikaw ug ako usa ra.

Juan 17:24

“Amahan, gihatag mo sila kanako ug buot ko nga bisan asa ako atua usab sila aron makakita sila sa akong himaya, ang himaya nga imong gihatag kanako, kay nahigugma ka man kanako bisan sa wala pa buhata ang kalibotan.

Juan 18:37

Tungod niini nangutana si Pilato kaniya, “Hari ka ba diay?” Si Jesus mitubag, “Nag-ingon ka nga hari ako. Tungod niini ako natawo ug mianhi sa kalibotan alang sa usa lamang ka tuyo nga mao ang pagsaksi sa kamatuoran. Ang anaa sa kamatuoran mamati kanako.”

Juan 2:11

Gihimo ni Jesus kining una niyang milagro didto sa Cana sa Galilea. Didto gipadayag niya ang iyang himaya ug nanuo kaniya ang iyang mga tinun-an.

Juan 3:16

Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak, aron ang tanan nga motuo kaniya dili malaglag kondili makabaton hinuon sa kinabuhing dayon.

Juan 3:18

Ang tanan nga motuo sa Anak dili silotan. Apan kadtong dili motuo kaniya gisilotan na kay wala man siya motuo sa bugtong Anak sa Dios.

Juan 6:51

Ako mao ang pan nga gikan sa langit nga naghatag sa kinabuhi. Ang mokaon niini nga pan dili gayod mamatay. Ug ang pan nga akong ihatag mao ang akong unod aron mabuhi ang kalibotan.”

Juan 8:32

Mahibalo kamo sa kamatuoran ug ang kamatuoran maghatag kaninyog kagawasan.”

Mga Buhat 13:33

gibuhat sa Dios alang kanato karon nga ilang mga kaliwat pinaagi sa pagbanhaw kang Jesus. Sumala sa nasulat usab sa ikaduhang Salmo, ‘Ikaw ang akong Anak; karong adlawa nahimo ako nga imong Amahan.’

Roma 8:3

Ang wala mahimo sa Balaod tungod sa kahuyang sa tawo, gihimo sa Dios. Gihukman niya ang sala diha sa kinaiya sa tawo pinaagi sa pagpadala sa iyang Anak nga mianhi ingon nga tawo aron paglaglag sa sala.

Roma 9:5

Kaliwat sila sa mga patriarka ug sa ilang kaliwatan natawo si Cristo. Ang Dios nga labaw sa tanan daygon unta hangtod sa kahangtoran! Amen.

1 Mga Taga-Corinto 15:47

Ang unang Adan gihimo gikan sa abog sa yuta. Ang ikaduhang Adan mianhi gikan sa langit.

2 Mga Taga-Corinto 12:9

apan ang iyang tubag mao kini: “Igo kanimo ang akong grasya kay sa imong kaluya makita sa hingpit ang akong gahom.” Busa gikalipay ko pag-ayo ang pagpasigarbo sa akong mga kahuyang aron maangkon ko ang gahom ni Cristo.

Mga Taga-Galacia 4:4

Apan sa pag-abot na sa hustong panahon, gipadala sa Dios ang iyang Anak, gipanganak sa tawhanong inahan ug nagkinabuhi siya ilalom sa Balaod

Mga Taga-Efeso 3:8

Ako nga labing ubos sa tanang katawhan sa Dios, gihatagan sa Dios niining pribilihiyo sa pagsangyaw sa Maayong Balita mahitungod sa dili masukod nga bahandi ni Cristo ngadto sa mga dili Judio

Mga Taga-Colosas 1:19

Kay maoy pagbuot sa Dios nga ang Anak makabaton sa bug-os nga kinaiya sa Dios.

Mga Taga-Colosas 2:3

Diha kaniya natago ang tanang bahandi sa kaalam ug kahibalo sa Dios.

Mga Taga-Colosas 2:9

Kay ang tibuok nga pagka-Dios anaa kang Cristo sa iyang pagkatawhanon

1 Timoteo 3:16

Walay makalimod unsa kadako ang tinago sa atong relihiyon: Nagpakita siya ingon nga tawo, ug namatud-an nga matarong pinaagi sa Espiritu, ug nakita siya sa mga anghel. Giwali siya ngadto sa kanasoran, gituohan dinhi sa kalibotan, ug gibayaw ngadto sa langit.

Mga Hebreo 1:3

Naglarawan siya sa himaya sa Dios ug diha gayod kaniya ang kinaiya sa Dios. Siya maoy nagkupot sa tibuok uniberso pinaagi sa iyang gamhanang pulong. Tapos niya hugasi ang mga tawo sa ilang mga sala, milingkod siya sa tuo sa Dios didto sa langit.

Mga Hebreo 1:5

Kay wala gayoy anghel nga giingnan sa Dios: “Ikaw mao ang akong Anak; karong adlawa Amahan mo na ako.” Ug wala moingon ang Dios, “Ako mahimo niyang Amahan, ug siya mahimong akong Anak.”

Mga Hebreo 10:5

Tungod niini, sa dayon nang anhi ni Cristo sa kalibotan, miingon siya sa Dios, “Dili ka gusto sa sakripisyo ug mga halad nga mananap, apan giandaman mo ako ug usa ka lawas.

Mga Hebreo 2:11

Kay sila nga gibalaan ug ang nagbalaan kanila may usa lamang ka Amahan. Busa dili maulaw si Jesus sa pagtawag kanila nga iyang mga igsoon.

Mga Hebreo 5:5

Sa samang paagi si Cristo wala magpili sa iyang kaugalingon aron mahimong pangulong pari kondili gitudlo siya sa Dios ug giingnan, “Ikaw ang akong Anak, imo na akong Amahan karong adlawa.”

1 Juan 4:14

Nakita nato ug gisugilon ngadto sa uban nga gipadala sa Amahan ang iyang Anak aron pagluwas sa kalibotan.

1 Juan 4:9

Gipadayag sa Dios ang iyang gugma kanato pinaagi sa pagpadala sa iyang bugtong Anak nganhi sa kalibotan aron makabaton kita sa kinabuhing walay kataposan pinaagi kaniya.

2 Juan 1:7

Ania karon sa kalibotan ang daghang magtutudlo nga bakakon. Wala sila motuo nga si Jesu-Cristo nagpakatawo. Mao kini sila ang mangingilad ug ang kaaway ni Cristo.

Gipadayag 19:13

Nalukop sa dugo ang iyang bisti ug ginganlan siyag “Ang Pulong sa Dios.”

Gipadayag 21:3

Ug nadungog ko ang usa ka kusog nga tingog nga nagsulti gikan sa trono, “Karon ang puloy-anan sa Dios ania na sa katawhan. Magpuyo na siya tipon kanila ug sila mahimong iyang katawhan. Ang Dios makig-uban kanila ug siya mahimo nga ilang Dios.