Ruth 4:1 - Ang Pulong sa Dios

¹ Unya miadto si Boaz sa pultahan sa lungsod ug milingkod didto. Sa dihang miagi ang mas duol nga paryente ni Elimelec nga giingon ni Boaz, miingon si Boaz kaniya, “Hapit una higala, ug lingkod.” Busa miduol ang tawo ug milingkod.

Ang Biblia 2011

¹ Unya si Boas miadto sa ganghaan ug milingkod didto. Ug unya, ang suod nga kadugo nga gihisgotan ni Boas milabay. Ug si Boas miingon, “Dali ngari, higala, ug lingkod.” Ug mihapit siya ug milingkod.

Maayong Balita Biblia

¹ Si Boas miadto sa ganghaan sa lungsod ug milingkod didto. Niadtong tungora milabay ang labing suod nga paryenti ni Elimelec nga gihisgotan ni Boas. Giingnan siya ni Boas, “Dali ngari ug lingkod.” Busa miduol siya ug milingkod.

Ang Bag-ong Maayong Balita Biblia

¹ Si Boas miadto sa ganghaan sa lungsod ug milingkod didto. Niadtong tungora milabay ang labing suod nga paryenti ni Elimelec nga gihisgotan ni Boas. Giingnan siya ni Boas, “Dali ngari ug lingkod.” Busa miduol siya ug milingkod.

Ruth 4:1 Cross References

Genesis 19:1

Kilom-kilom na sa dihang miabot kadtong duha ka anghel sa Sodoma. Naglingkod niadto si Lot sa pultahan sa lungsod. Pagkakita ni Lot kanila, mitindog siya sa pagtagbo kanila. Unya miyukbo siya agig pagtahod kanila ug miingon,

Genesis 23:10

Naa diay didto si Efron nga naglingkod uban sa iyang mga katagilungsod nga Hitihanon. Busa mitubag siya kang Abraham nga nadunggan sa tanang mga Hitihanon nga nagtigom didto sa may ganghaan sa lungsod.

Genesis 34:20

Busa miadto dayon si Hamor ug si Sekem nga iyang anak sa ganghaan sa lungsod ug nakigsulti sa mga lalaki sa ilang lungsod.

2 Samuel 15:2

Sayo siyang mobangon matag buntag ug magtindog sa daplin sa dalan nga paingon sa pultahan sa siyudad. Kon adunay moabot nga tawo nga adunay kaso nga gustong ipahusay sa hari, pangutan-on niya kon taga-asa kini, ug mosulti ang tawo kon asa siya nga tribo sa Israel naggikan.

2 Cronicas 18:9

Niadtong higayona, si Ahab nga hari sa Israel ug si Jehosafat nga hari sa Juda, nga nagbisti sa ilang harianon nga mga bisti, nanglingkod sa ilang tagsa-tagsa ka trono didto sa giokanan dapit sa pultahan sa Samaria. Ug diha sa ilang atubangan mihatag ang mga propeta sa ilang mga panagna.

Job 29:7

“Inig-adto ko sa pultahan sa lungsod, ug moapil sa panaghisgotay sa mga tigdumala niini,

Job 31:21

Kon gidagmalan ko ang usa ka ilo, tungod kay nahibalo ako nga aduna akoy impluwensya sa hukmanan,

Salmo 69:12

Ginalibak ako sa mga tawo nga nanglingkod diha sa pultahan sa lungsod, ug naghimo-himo ang mga hubog ug awit sa pagbiay-biay kanako.

Mga Panultihon 31:23

Ilado ang iyang bana ingon nga usa sa mga opisyal sa ilang dapit.

Isaias 55:1

Miingon ang Ginoo, “Duol kamo, kamong tanan nga giuhaw, ania ang tubig! Bisan wala kamoy kuwarta, duol kamo ug kaon! Dali kamo, kuha kamog bino ug gatas nga walay bayad!

Jeremias 32:10

Gipirmahan ko ug gisilyohan ang papeles sa pagpalit atubangan sa mga saksi. Unya gitimbang ko dayon ang pilak ug gibayad kang Hanamel.

Amos 5:15

Likayi ninyo ang daotan ug himoa ninyo ang maayo, ug ipatigbabaw ang hustisya diha sa korte. Basin pa ug maluoy ang Ginoong Dios nga Makagagahom sa nabiling mga kaliwat ni Jose.

Zacarias 2:6

Miingon ang  Ginoo ngadto sa mga Israelinhon, “Gipatibulaag ko kamo ngadto sa bisan asang bahin sa kalibotan. Apan karon pangikyas kamo, apil kamong mga gibihag sa Babilonia, ug pamalik kamo sa Zion.”

Deuteronomio 16:18

“Pagbutang kamo ug mga maghuhukom ug uban pang opisyales sa matag tribo ninyo sa tanang lungsod nga gihatag kaninyo sa Ginoo nga inyong Dios. Kini sila maghukom sa katawhan nga walay pinalabi.

Deuteronomio 17:5

dad-a ninyo ang tawo nga naghimo niini ngadto sa ganghaan sa inyong lungsod ug batoha hangtod nga mamatay.

Deuteronomio 21:19

dad-on sa mga ginikanan kining ilang anak ngadto sa mga tigdumala didto sa ganghaan sa lungsod.

Deuteronomio 25:7

“Apan kon dili gusto pangasaw-on sa igsoon sa namatay ang balo, moadto ang balo sa mga tigdumala didto sa ganghaan sa lungsod ug moingon, ‘Dili mosugot ang akong bayaw nga hatagan niya ug kaliwat ang iyang igsoon sa Israel. Dili niya tumanon ang iyang katungdanan kanako ingon nga iyang bayaw.’

Josue 20:4

Modangop siya sa bisan asa niini nga mga lungsod, ug moatubang sa mga tigdumala didto sa pultahan sa lungsod ug mopasabot kanila sa nahitabo. Unya pasudlon nila siya ug hatagan ug dapit nga kapuy-an.

Ruth 3:12

Tinuod nga duol mo ako nga paryente nga adunay obligasyon sa pag-atiman kanimo, apan aduna pay tawo nga mas duol mo nga paryente kay kanako.

Ruth 3:18

Miingon si Noemi, “Hulat lang anak, hangtod nga mahibaloan mo kon unsa gayod ang mahitabo, kay dili gayod mopahulay si Boaz hangtod nga matuman niya karong adlawa ang gihangyo mo kaniya.”