Numeros 9:6 - Ang Pulong sa Dios

⁶ Apan adunay uban nga wala makaapil sa pagsaulog sa pista tungod kay nianang adlawa nahimo silang hugaw kay nakahikap sila ug patay. Busa niadto mismong adlawa miadto sila kang Moises ug kang Aaron,

Ang Biblia 2011

⁶ Apan dihay ubang mga tawo nga nahugaw tungod sa paghikap sa lawas sa usa ka minatay ug wala sila makahimo sa pagsaulog sa Pagsaylo niadtong adlawa. Busa miadto sila ni Moises ug ni Aaron niadtong adlawa.

Maayong Balita Biblia

⁶ Apan dihay mga tawo nga nahugaw tungod kay nakahikap man silag minatay busa wala sila makaapil sa Kasaulogan sa Pagsaylo nianang adlawa. Nangadto sila kang Moises ug kang Aaron

Ang Bag-ong Maayong Balita Biblia

⁶ Apan dihay mga tawo nga nahugaw tungod kay nakahikap man silag minatay busa wala sila makaapil sa Kasaulogan sa Pagsaylo nianang adlawa. Nangadto sila kang Moises ug kang Aaron

Numeros 9:6 Cross References

Exodo 18:15

Mitubag si Moises, “Ginahimo ko kini tungod kay nagduol ang mga tawo kanako sa pagpakisayod sa kabubut-on sa Dios.

Exodo 18:19

Paminaw kanako kay tambagan ka nako, ug hinaut pa nga ubanan ka sa Dios. Padayona ang imong ginahimo nga pagduol sa Dios alang sa mga tawo. Dad-a ang ilang mga kaso kaniya.

Exodo 18:26

Nag-alagad sila sa mga tawo ingon nga mga maghuhukom sa tanang panahon. Sila ang naghusay sa simple nga mga kaso, apan ang lisod nga mga kaso ginadala nila kang Moises.

Levitico 21:11

Kinahanglan nga likayan niya ang pagduol sa patay, bisan pa kon iya kining amahan o inahan.

Numeros 15:33

Gidala sa mga nakakita ang maong tawo ngadto kang Moises ug kang Aaron ug sa tibuok katilingban.

Numeros 19:11

“Si bisan kinsa nga makahikap ug patay isipon nga hugaw sulod sa pito ka adlaw.

Numeros 19:14

“Mao kini ang patakaran nga sundon kon adunay tawo nga mamatay sulod sa usa ka tolda: Si bisan kinsa nga mosulod sa tolda nga adunay namatay o kaha anaa nang daan sulod sa tolda panahon sa pagkamatay, isipon nga hugaw sulod sa pito ka adlaw.

Numeros 19:16

“Isipon usab nga hugaw sulod sa pito ka adlaw si bisan kinsa nga atua sa gawas sa kampo nga nakahikap ug tawo nga namatay pinaagi sa espada o kaha namatay sa natural nga kamatayon. Mao usab ang tawo nga nakahikap ug bukog sa patayng tawo o sa usa ka lubnganan.

Numeros 19:18

Unya ang usa ka tawo nga ginaisip nga hinlo magkuha ug usa ka sanga sa tanom nga isopo ug ituslob niya kini niadtong tubig ug iwisik ngadto sa tolda ug sa tanang kagamitan niini, ug sa mga tawo nga atua sa tolda. Wisikan usab ang tawo nga nakahikap ug bukog sa patayng tawo, lubnganan, o kaha tawo nga namatay pinaagi sa espada o sa natural lang nga kamatayon.

Numeros 27:2

Kini nga mga babaye miadto sa pultahan sa Tolda nga Tagboanan ug mibarog sa atubangan ni Moises, ni Eleazar, sa mga pangulo, ug sa tibuok katilingban sa Israel, ug miingon,

Numeros 27:5

Busa gisulti ni Moises sa Ginoo ang ilang gipangayo.

Numeros 5:2

“Mandoi ang mga Israelinhon nga pagawason sa kampo si bisan kinsa nga adunay makatakod nga ngilngig nga sakit sa panit, o kadtong adunay naggawas sa iyang kinatawo, o kadtong nahimong hugaw tungod kay nakahikap ug patay.

Numeros 9:7

ug miingon kang Moises, “Nahimo kaming hugaw kay nakahikap kami ug patay, apan nganong did-an man kami sa paghalad sa mga halad ngadto sa Ginoo uban sa mga Israelinhon sa gitakda nga panahon?”

Juan 18:28

Gikan kang Caifas gidala nila si Jesus didto sa palasyo sa gobernador. Sayo kadto sa buntag. Wala mosulod ang mga Judio sa palasyo tungod kay sumala sa ilang mga tulomanon, nga kon mosulod sila sa balay sa dili Judio, dili na sila tugotan nga mokaon sa panihapon nga alang sa Pista sa Paglabay sa Anghel.