Numeros 9:1 - Ang Pulong sa Dios

¹ Sa unang bulan sa ikaduhang tuig gikan sa paggawas sa mga Israelinhon sa Ehipto, miingon ang Ginoo kang Moises didto sa kamingawan sa Sinai,

Ang Biblia 2011

¹ Ug ang Ginoo misulti kang Moises didto sa kamingawan sa Sinai, sa unang bulan sa ikaduhang tuig human sa ilang paggawas sa yuta sa Ehipto, nga nag-ingon,

Maayong Balita Biblia

¹ Ang Ginoo misulti kang Moises didto sa kamingawan sa Sinai sa unang bulan sa ikaduhang tuig sukad sa ilang pagbiya sa Ehipto.

Ang Bag-ong Maayong Balita Biblia

¹ Ang Ginoo misulti kang Moises didto sa kamingawan sa Sinai sa unang bulan sa ikaduhang tuig sukad sa ilang pagbiya sa Ehipto.

Numeros 9:1 Cross References

Exodo 12:11

Sa pagkaon ninyo niini, kinahanglan nga nagsul-ob na kamo sa inyong bisting panglakaw ug sa inyong mga sandalyas, ug naggunit sa inyong baston. Dalia ninyo kini pagkaon. Mao kini ang Pista sa Paglabay sa Anghel sa Ginoo nga saulogon ninyo sa pagpasidungog kanako.

Exodo 12:6

“Atimanon ninyo kini hangtod sa kilom-kilom sa ika-14 nga adlaw sa bulan diin ihawon sa tibuok katilingban sa Israel kining mga mananapa.

Exodo 40:17

Busa gipatindog ang Tolda nga Pagsimbahan sa unang adlaw sa unang bulan. Ikaduha kadto nga tuig gikan sa paggawas nila sa Ehipto.

Exodo 40:2

“Ipahimutang ninyo ang Tolda nga Pagsimbahan, sa unang adlaw sa unang bulan.

Numeros 1:1

Sa unang adlaw, sa ikaduhang bulan, sa ikaduhang tuig human mibiya ang mga Israelinhon gikan sa Ehipto, nakigsulti ang Ginoo kang Moises didto sa Tolda nga Tagboanan sa kamingawan sa Sinai. Miingon siya,