Numeros 8:6 - Ang Pulong sa Dios

⁶ “Ilain ang mga kaliwat ni Levi gikan sa ubang mga Israelinhon, ug hinloi sila.

Ang Biblia 2011

⁶ “Kuhaa ang mga Levihanon gikan sa taliwala sa katawhan sa Israel ug hinloi sila.

Maayong Balita Biblia

⁶ “Ilain ang mga Levita gikan sa ubang mga Israelita ug hinloi sila.

Ang Bag-ong Maayong Balita Biblia

⁶ “Ilain ang mga Levita gikan sa ubang mga Israelita ug hinloi sila.

Numeros 8:6 Cross References

2 Cronicas 29:11

Busa mga hinigugma ko, ayaw na kamo pagpasagad, kay kamo ang gipili sa Ginoo nga motindog sa iyang presensya, sa pag-alagad, ug sa paghalad.”

Exodo 19:15

Miingon si Moises kanila, “Pangandam kamo sa inyong kaugalingon alang sa ikatulong adlaw; ayaw una kamo pagpakighilawas sa inyong asawa.”

Isaias 52:11

Kamong nagdala sa mga kagamitan sa balay sa Ginoo, biya na kamo sa Babilonia! Gawas na kamo diha! Ayaw kamo paghikap sa mga butang nga giisip nga hugaw. Panggawas na kamo sa Babilonia, ug magpakabalaan.

Levitico 14:11

Unya dad-on siya sa pari nga mopahibalo nga hinlo na siya, ngadto sa presensya sa Ginoo didto sa pultahan sa Tolda nga Tagboanan, uban sa iyang mga halad.

Numeros 3:6

“Ipatawag ang tribo ni Levi ug dad-a sila kang Aaron nga pari aron sa pagtabang kaniya.

Numeros 8:5

Miingon ang Ginoo kang Moises,

2 Mga Taga-Corinto 7:1

Mga hinigugma, tungod niini nga mga saad sa Dios kanato, biyaan na nato ang tanang nakapahugaw sa atong tibuok nga kinabuhi, ug tinguhaon nato nga mahimong hinlo ang atong kinabuhi nga adunay pagtahod sa Dios.

Deuteronomio 10:8

Niadtong higayona gipili sa Ginoo ang tribo ni Levi sa pagdala sa Sudlanan sa Kasabotan sa Ginoo, sa pag-alagad kaniya, ug sa pagbendisyon sa mga tawo sa iyang ngalan. Hangtod karon mao kini ang ilang buluhaton.

Santiago 4:8

Duol kamo sa Dios, ug ang Dios moduol kaninyo. Kamo nga mga makasasala, pagkinabuhi na kamo nga hinlo! Ug kamo nga maduha-duhaon, hinloi ninyo ang inyong mga kasing-kasing.