Numeros 8:2 - Ang Pulong sa Dios

² “Ingna si Aaron nga kon ibutang na niya ang pito ka suga, kinahanglan nga ipahimutang niya kini sa paagi diin ang kahayag modan-ag sa atubangan sa butanganan niini.”

Ang Biblia 2011

² “Sultihi si Aaron: Sa diha nga ipahimutang nimo ang mga lampara, ang pito ka lampara maghayag diha sa atubangan sa lamparahan.”

Maayong Balita Biblia

² “Sultihi si Aaron nga inigpahimutang na niya sa mga suga, kinahanglan mahayagan niini ang atubangan sa tungtonganan sa suga.”

Ang Bag-ong Maayong Balita Biblia

² “Sultihi si Aaron nga inigpahimutang na niya sa mga suga, kinahanglan mahayagan niini ang atubangan sa tungtonganan sa suga.”

Numeros 8:2 Cross References

Salmo 119:105

Ang imong pulong sama sa suga nga naghatag ug kahayag sa akong agianan.

Salmo 119:130

Ang pagpadayag sa imong mga pulong naghatag ug kahayag sa huna-huna sa mga tawo ug kaalam sa mga walay alamag.

Exodo 25:37

“Unya pagpahimo ug pito ka suga alang niining maong butanganan ug ipahimutang kini sa paagi nga ang kahayag niini modan-ag sa atubangan.

Exodo 37:23

Naghimo usab siyag pito ka suga, mga kimpit niini, ug mga pangsalod sa upos sa pabilo sa suga. Kining tanan purong bulawan.

Exodo 39:37

ang butanganan sa suga nga purong bulawan ug ang naglaray nga mga suga ug ang kagamitan niini, ang lana alang sa mga suga,

Exodo 40:25

Ug gibutang niya ang mga suga niini diha sa presensya sa Ginoo. Gihimo niya kining tanan sumala sa gisugo kaniya sa Ginoo.

Isaias 8:20

Kinahanglan nga ang balaod ug ang katudloan nga gikan sa Ginoo mao ang inyong pamation. Kon adunay mga tawo nga mosulti ug mga butang nga wala mahisubay sa mga gipanudlo sa Ginoo, wala mahayagi ang huna-huna nianang mga tawhana.

Numeros 8:1

Miingon ang Ginoo kang Moises,

Numeros 8:3

Busa gihimo kini ni Aaron; gipahimutang niya ang mga suga sa paagi diin ang kahayag nagdan-ag sa atubangan sa butanganan niini, sumala sa gisugo sa Ginoo kang Moises.

Mateo 5:14

“Sama kamo sa suga nga naghatag ug kahayag sa mga tawo sa kalibotan. Ug kini dili gayod matago sama sa siyudad nga nahimutang sa ibabaw sa bungtod.

Juan 1:9

Ang tinuod nga suga nga naghatag ug kahayag sa tanang tawo mianhi dinhi sa kalibotan.

2 Pedro 1:19

Mao kini ang hinungdan nga nadugangan pa gayod ang among pagtuo sa mga pagtulon-an nga gitudlo sa mga propeta. Busa angay ninyong patalinghogan ang ilang gitudlo, tungod kay sama kini sa usa ka suga nga nagdan-ag sa mangitngit nga dapit hangtod sa adlaw nga moabot si Cristo. Sama siya sa banagbanag sa kabuntagon nga molamdag sa inyong huna-huna.

Gipadayag 1:12

Pagkadungog ko niadto, milingi dayon ako aron tan-awon kon kinsa ang nakigsulti kanako. Ug nakita ko ang pito ka butangan ug suga nga bulawan.

Gipadayag 1:20

Mao kini ang kahulogan sa pito ka bitoon nga imong nakita sa akong tuong kamot ug ang pito ka butanganan ug suga nga bulawan: ang pito ka bitoon mao ang pito ka anghel nga nagbantay sa pito ka iglesia, ug ang pito ka butanganan ug suga nga bulawan mao ang pito ka iglesia.”

Gipadayag 4:5

Ug gikan didto sa trono adunay pagpangilat ug pagdalogdog ug nagkalain-lain pa nga pagdahunog. Atubangan sa trono adunay pito ka suga nga nagsiga. Mao kadto ang pito ka Espiritu sa Dios.