Numeros 8:11 - Ang Pulong sa Dios

¹¹ Si Aaron ang modedikar kanila sa akong presensya isip pinasahi nga halad gikan sa mga Israelinhon, aron makaalagad sila kanako.

Ang Biblia 2011

¹¹ Unya ihalad ni Aaron ang mga Levihanon sa atubangan sa Ginoo ingon nga halad nga binayaw alang sa katawhan sa Israel, aron maangkon nila ang buhat sa pag-alagad sa Ginoo.

Maayong Balita Biblia

¹¹ Ihalad ni Aaron ngadto sa Ginoo ang mga Levita ingon nga halad nga binayaw gikan sa mga Israelita aron mag-alagad sila sa Ginoo.

Ang Bag-ong Maayong Balita Biblia

¹¹ Ihalad ni Aaron ngadto sa Ginoo ang mga Levita ingon nga halad nga binayaw gikan sa mga Israelita aron mag-alagad sila sa Ginoo.

Numeros 8:11 Cross References

Exodo 29:24

Paguniti kining tanan kang Aaron ug sa iyang mga anak ug ibayaw nila kini isip halad nga binayaw alang kanako.

Levitico 7:30

Ug kini nga bahin nga alang sa Ginoo dad-on mismo sa maghahalad. Dad-on niya ang tambok ug ang dughan sa mananap, ug ibayaw niya ang dughan diha sa presensya sa Ginoo isip halad nga binayaw.

Levitico 7:34

Ang dughan ug ang paa sa inyong halad ihatag ngadto sa mga pari nga si Aaron ug sa iyang mga kaliwat. Mao kini ang bahin nga ilang dawaton gikan kaninyo hangtod sa kahangtoran.’ ”

Levitico 8:29

Gikuha usab ni Moises ang dughan sa karnero ug gibayaw kini ngadto sa Ginoo isip halad nga binayaw. Mao kini ang iyang bahin sa karnero nga halad alang sa ordinasyon. Kining tanan gihimo ni Moises sumala sa gisugo kaniya sa Ginoo.

Numeros 6:20

Kuhaon dayon kini sa pari ug unya ibayaw ngadto sa presensya sa Ginoo isip halad nga binayaw. Balaan kini nga bahin sa halad, ug iya na kini sa pari, apil ang dughan ug paa sa karnero nga gibayaw usab sa Ginoo. Human niini mahimo nang moinom ug bino ang Nazareo.

Deuteronomio 10:8

Niadtong higayona gipili sa Ginoo ang tribo ni Levi sa pagdala sa Sudlanan sa Kasabotan sa Ginoo, sa pag-alagad kaniya, ug sa pagbendisyon sa mga tawo sa iyang ngalan. Hangtod karon mao kini ang ilang buluhaton.