Numeros 7:12 - Ang Pulong sa Dios

¹² Sa unang adlaw, nagdala sa iyang mga halad si Nashon nga anak ni Aminadab nga gikan sa tribo ni Juda.

Ang Biblia 2011

¹² Ang nagdala sa iyang halad sa unang adlaw mao si Nason nga anak ni Aminadab, sa banay ni Juda.

Maayong Balita Biblia

^12-83 Gidala nila ang ilang mga halad niining mosunod nga han-ay: Adlaw Banay Pangulo Una Juda Nahason nga anak ni Aminadab Ikaduha Isacar Natanael nga anak ni Suar Ikatulo Zabulon Eliab nga anak ni Helon Ikaupat Ruben Elisur nga anak ni Sedeur Ikalima Simeon Selumiel nga anak ni Surisadai Ikaunom Gad Eliasaf nga anak ni Deuel Ikapito Efraim Elisama nga anak ni Amihud Ikawalo Manases Gamaliel nga anak ni Pedasur Ikasiyam Benjamin Abidan nga anak ni Gideoni Ikanapulo Dan Ahieser nga anak ni Amisadai Ikanapulog-usa Aser Pagiel nga anak ni Ocran Ikanapulog-duha Neftali Ahira nga anak ni Enan Managsama ang halad nga gidala sa matag usa ka pangulo: usa ka plata nga bandihado nga may gibug-aton nga usa ka kilo ug tunga ug usa ka planggana nga plata nga may gibug-aton nga 800 ka gramo sumala sa opisyal nga sukdanan nga gigamit sa Dapit nga Balaan (kining duha puno sa harina nga gisagolag lana alang sa halad nga pagkaon); usa ka bulawang plato nga may gibug-aton nga 114 ka gramo ug puno kini sa insenso; usa ka toriyong baka, usa ka torong karnero ug usa ka laking karnero nga usa ka tuig ang kagulangon alang sa halad nga sunogon; usa ka kanding alang sa halad sa sala ug duha ka baka, lima ka torong karnero, lima ka laking kanding ug lima ka laking karnero nga usa ka tuig ang kagulangon alang sa halad sa pakigdait.

Ang Bag-ong Maayong Balita Biblia

^12-83 Gidala nila ang ilang mga halad niining mosunod nga han-ay: Adlaw Banay Pangulo Una Juda Nahason nga anak ni Aminadab Ikaduha Isacar Natanael nga anak ni Suar Ikatulo Zabulon Eliab nga anak ni Helon Ikaupat Ruben Elisur nga anak ni Sedeur Ikalima Simeon Selumiel nga anak ni Surisadai Ikaunom Gad Eliasaf nga anak ni Deuel Ikapito Efraim Elisama nga anak ni Amihud Ikawalo Manases Gamaliel nga anak ni Pedasur Ikasiyam Benjamin Abidan nga anak ni Gideoni Ikanapulo Dan Ahieser nga anak ni Amisadai Ikanapulog-usa Aser Pagiel nga anak ni Ocran Ikanapulog-duha Neftali Ahira nga anak ni Enan Managsama ang halad nga gidala sa matag usa ka pangulo: usa ka plata nga bandihado nga may gibug-aton nga usa ka kilo ug tunga ug usa ka planggana nga plata nga may gibug-aton nga 800 ka gramo sumala sa opisyal nga sukdanan nga gigamit sa Dapit nga Balaan (kining duha puno sa harina nga gisagolag lana alang sa halad nga pagkaon); usa ka bulawang plato nga may gibug-aton nga 114 ka gramo ug puno kini sa insenso; usa ka toriyong baka, usa ka torong karnero ug usa ka laking karnero nga usa ka tuig ang kagulangon alang sa halad nga sunogon; usa ka kanding alang sa halad sa sala ug duha ka baka, lima ka torong karnero, lima ka laking kanding ug lima ka laking karnero nga usa ka tuig ang kagulangon alang sa halad sa pakigdait.

Numeros 7:12 Cross References

Genesis 35:22

Samtang didto pa nagpuyo si Jacob, nakigdulog si Ruben kang Bilha nga usa sa mga asawa sa iyang amahan. Sa dihang nahibaloan kadto ni Jacob nasuko siya pag-ayo. Adunay 12 ka mga anak nga lalaki si Jacob.

Genesis 35:23

Ang iyang mga anak kang Lea mao sila si Ruben, ang kamagulangan, unya si Simeon, si Levi, si Juda, si Isacar, ug si Zabulon.

Genesis 49:10

Magmando ka sa dayon, Juda. Maggikan sa imong kaliwatan ang mga tigdumala. Busa mohatag ang mga nasod ug buhis ug motuman sila kanimo.

Genesis 49:8

“Ikaw Juda, dayegon ka ug tahoron sa imong mga igsoon. Pildihon mo ang imong mga kaaway.

Numeros 1:5

“Mao kini ang mga pangulo sa matag tribo nga motabang kaninyo: “gikan kang Ruben si Elizur nga anak ni Shedeur;

Numeros 1:7

gikan kang Juda si Nashon nga anak ni Aminadab;

Numeros 10:14

Ang gauna sa pagpanglakaw, dala ang ilang bandera, mao ang grupo nga gipangulohan sa tribo ni Juda. Ang ilang pangulo mao si Nashon nga anak ni Aminadab.

Numeros 2:3

Ang grupo magkampo dapit sa sidlakan: Ang dibisyon sa kampo ni Juda ilalom sa bandera sa ilang tribo. Gipangulohan ni Nashon nga anak ni Aminadab.

Numeros 7:11

Miingon ang Ginoo kang Moises, “Kinahanglan nga sa matag adlaw adunay usa ka pangulo nga magdala sa iyang halad alang sa pagdedikar sa halaran.”

Numeros 7:13

Mao kini ang iyang gidala: usa ka pilak nga bandehado nga adunay gibug-aton nga usa ka kilo ug tunga, ug usa ka pilak nga yahong nga adunay gibug-aton nga 800 ka gramo basi sa timbangan nga ginagamit sa mga pari, ang kada usa niini puno sa maayong klasi sa harina nga sinagolan ug mantika isip halad alang sa pagpasidungog sa Ginoo;

Mateo 1:4

si Aram amahan ni Aminadab, si Aminadab amahan ni Naason, si Naason amahan ni Salmone.

Lucas 3:32

Si David anak ni Jesse, si Jesse anak ni Obed. Si Obed anak ni Boaz, si Boaz anak ni Salmone. Si Salmone anak ni Naason,

Ruth 4:20

si Aminadab amahan ni Nashon, si Naason amahan ni Salmone,