Numeros 7:10 - Ang Pulong sa Dios

¹⁰ Ang mga pangulo nagdala usab sa ilang mga halad alang sa pagdedikar sa halaran sa panahon nga kini gidedikar.

Ang Biblia 2011

¹⁰ Ug ang mga pangulo naghalad alang sa pagpahinungod sa halaran sa adlaw nga kini gidihogan ug ang mga pangulo nagdala sa ilang mga halad sa atubangan sa halaran.

Maayong Balita Biblia

¹⁰ Ang mga pangulo nagdala usab ug mga gasa alang sa paghalad sa halaran sa adlaw nga kini gidihogan. Gihalad kini sa mga kadagkoan didto sa atubangan sa halaran.

Ang Bag-ong Maayong Balita Biblia

¹⁰ Ang mga pangulo nagdala usab ug mga gasa alang sa paghalad sa halaran sa adlaw nga kini gidihogan. Gihalad kini sa mga kadagkoan didto sa atubangan sa halaran.

Numeros 7:10 Cross References

1 Mga Hari 8:63

Naghalad si Solomon ug mga halad alang sa maayong relasyon ngadto sa Ginoonga 22,000 ka baka ug 120,000 ka karnero ug kanding. Niining paagiha, gidedikar sa hari ug sa mga Israelinhon ang Templo sa Ginoo.

2 Cronicas 7:5

Naghalad si Haring Solomon ug 22,000 ka baka ug 120,000 ka karnero ug kanding. Niining paagiha, gidedikar sa hari ug sa mga katawhan ang Templo sa Dios.

2 Cronicas 7:9

Sa ikawalo nga adlaw, naghimo sila sa kataposang panagtigom, tungod kay sulod sa pito ka adlaw gisaulog nila ang pagdedikar sa halaran ug sa tibuok templo, ug sa laing pito ka adlaw gisaulog nila ang Pista sa Pagpatindog sa mga Payag.

Nehemias 12:27

Sa panahon sa pagdedikar sa paril sa Jerusalem, gipatawag ang mga Levita gikan sa ilang gipuy-an. Gipaadto sila sa Jerusalem aron moapil sa malipayon nga kasaulogan sa pagdedikar sa Templo pinaagi sa pag-awit ug mga awit sa pagpasalamat ug pagtukar sa mga simbal, harpa, ug lira.

Nehemias 12:43

Niadtong adlawa, naghalad sila ug daghan kaayong mga halad ug nagsadya, tungod kay gilipay sila pag-ayo sa Dios. Apil ang mga babaye ug mga bata nagsadya usab, busa ang kasaba sa ilang kasadya madunggan bisan sa layo.

Salmo 30:1

Gidayeg ka nako, Ginoo, kay giluwas mo ako sa katalagman, ug wala mo tugoti nga magmaya ang akong mga kaaway sa akong kahimtang.

Numeros 7:1

Human mapahimutang ni Moises ang Tolda nga Pagsimbahan, gidihogan niya kini pinaagi sa pagwisik ug lana, ug gigahin lakip ang tanang mga kagamitan niini. Mao usab ang iyang gihimo sa halaran ug sa tanang kagamitan niini.

Numeros 7:11

Miingon ang Ginoo kang Moises, “Kinahanglan nga sa matag adlaw adunay usa ka pangulo nga magdala sa iyang halad alang sa pagdedikar sa halaran.”

Numeros 7:84

Mao kini tanan ang mga halad sa 12 ka mga pangulo sa mga Israelinhon alang sa pagdedikar sa halaran: 12 ka pilak nga bandehado, 12 ka pilak nga yahong, ug 12 ka bulawan nga plato.

Numeros 7:88

Ang gidaghanon sa mananap alang sa halad sa maayong relasyon mao kini: 24 ka torong baka, 60 ka hamtong nga laking karnero, 60 ka laking kanding, ug 60 ka laking karnero nga tagsa ka tuig ang edad. Mao kini tanan ang mga halad sa pagdedikar sa halaran.

Deuteronomio 20:5

“Unya moingon ang mga opisyal sa mga sundalo, ‘Kon aduna kaninyoy bag-o lang nakapatukod ug balay ug wala pa niya kini madedikar sa Ginoo, papaulia siya kay tingalig mamatay siya sa gira ug laing tawo na hinuon ang mopadedikar sa iyang balay.