Numeros 7:1 - Ang Pulong sa Dios

¹ Human mapahimutang ni Moises ang Tolda nga Pagsimbahan, gidihogan niya kini pinaagi sa pagwisik ug lana, ug gigahin lakip ang tanang mga kagamitan niini. Mao usab ang iyang gihimo sa halaran ug sa tanang kagamitan niini.

Ang Biblia 2011

¹ Sa adlaw nga nahuman ni Moises ang Tolda ug nadihogan ug nabalaan kini lakip ang tanang mga kasangkapan niini, ug sa nadihogan ug nabalaan ang halaran ug ang tanang mga kahimanan niini,

Maayong Balita Biblia

¹ Human mapatindog ni Moises ang Tolda sa Ginoo, gidihogan ug gihalad niya kini uban sa tanang galamiton niini ingon man ang halaran uban sa mga galamiton niini.

Ang Bag-ong Maayong Balita Biblia

¹ Human mapatindog ni Moises ang Tolda sa Ginoo, gidihogan ug gihalad niya kini uban sa tanang galamiton niini ingon man ang halaran uban sa mga galamiton niini.

Numeros 7:1 Cross References

Genesis 2:3

Gipanalanginan niya ang ikapito nga adlaw ug iya kining gibalaan nga adlaw, tungod kay niining adlawa mipahulay siya human niya gimugna ang tanan.

1 Mga Hari 8:64

Sa mao usab nga adlaw, gidedikar sa hari ang tunga-tungang bahin sa hawanan nga anaa sa atubangan sa Templo sa Ginoo. Ug didto siya naghalad sa mga halad nga sinunog, mga halad sa pagpasidungog sa Ginoo, ug mga tambok nga halad alang sa maayong relasyon, kay ang bronsi nga halaran nga atua atubangan sa Ginoo gamay ra kaayo alang niini nga mga halad.

Exodo 13:2

“Ihalad kanako ang tanang kamagulangang anak nga lalaki sa mga Israelinhon ug ang tanang unang laki nga anak sa mga kahayopan. Akoa sila.”

Exodo 29:36

Kada adlaw maghalad ka ug usa ka baka isip halad sa paghinlo aron mahimong hinlo ang halaran, ug unya dihogi kinig lana agig paghalad niini.

Exodo 40:11

Dihogi usab ang palanggana ug ang iyang tungtonganan sa pagdedikar niini kanako.

Numeros 17:2

“Ingna ang mga Israelinhon nga mohatag kanimo ug 12 ka baston, usa sa matag pangulo sa matag tribo, ug pabutangi kini sa ilang tagsa-tagsa ka ngalan.

Numeros 7:10

Ang mga pangulo nagdala usab sa ilang mga halad alang sa pagdedikar sa halaran sa panahon nga kini gidedikar.

Numeros 7:84

Mao kini tanan ang mga halad sa 12 ka mga pangulo sa mga Israelinhon alang sa pagdedikar sa halaran: 12 ka pilak nga bandehado, 12 ka pilak nga yahong, ug 12 ka bulawan nga plato.

Numeros 7:88

Ang gidaghanon sa mananap alang sa halad sa maayong relasyon mao kini: 24 ka torong baka, 60 ka hamtong nga laking karnero, 60 ka laking kanding, ug 60 ka laking karnero nga tagsa ka tuig ang edad. Mao kini tanan ang mga halad sa pagdedikar sa halaran.

Mateo 23:19

Mga buta gayod kamo! Unsa man ang mas mahinungdanon, ang halad o ang halaran nga nagpabalaan sa halad?