Numeros 6:5 - Ang Pulong sa Dios

⁵ “Dili usab niya paputlan ang iyang buhok samtang wala pa niya mahuman ang iyang panaad sa pag-alagad sa Ginoo. Kinahanglan nga ilain siya alang sa Ginoo hangtod nga mahuman niya ang iyang panaad. Busa pasagdan lang niya nga motaas ang iyang buhok.

Ang Biblia 2011

⁵ “Sa tanan nga adlaw sa iyang panumpa sa paggahin walay labaha nga moagi sa iyang ulo; hangtod nga matuman ang mga adlaw sa paggahin sa iyang kaugalingon alang sa Ginoo, magbalaan siya. Pasagdan niya nga motubo ang mga pungpong sa buhok sa iyang ulo.

Maayong Balita Biblia

⁵ “Kinahanglan nga dili niya putlan ang iyang buhok o manghimungot siya kon dili pa matapos ang iyang panaad. Kinahanglan nga mabalaan siya ngadto sa Ginoo.

Ang Bag-ong Maayong Balita Biblia

⁵ “Kinahanglan nga dili niya putlan ang iyang buhok o manghimungot siya kon dili pa matapos ang iyang panaad. Kinahanglan nga mabalaan siya ngadto sa Ginoo.

Numeros 6:5 Cross References

Ezequiel 44:20

“ ‘Kinahanglang dili sila magpakiskis sa ilang ulo o magpataas pag-ayo sa ilang buhok, kondili patupihan lang nila kini kanunay.

Numeros 6:4

Samtang usa siya ka Nazareo, kinahanglang dili gayod siya mokaon sa bisan unsa nga naggikan sa ubas, bisan ang liso o kaha panit niini.

Mga Buhat 18:18

Dugay-dugay pa ang pagpuyo ni Pablo kauban sa mga magtutuo didto sa Corinto. Unya miadto siya sa Cencrea kauban sa magtiayon nga si Priscila ug si Aquila. Nagpaputol siya sa iyang buhok didto tungod kay aduna siyay panaad sa Dios ug natuman na niya ang maong panaad. Gikan sa Cencrea milawig sila padulong sa Siria.

Mga Maghuhukom 13:5

Kon matawo na ang imong anak, ayaw gayod putli ang iyang buhok tungod kay gikan sa iyang pagkatawo hinalad na siya ngadto sa Dios ingon nga usa ka Nazareo. Siya ang magluwas sa mga Israelinhon gikan sa mga Filistihanon.”

Mga Maghuhukom 16:17

Busa gisultihan siya ni Samson sa kamatuoran. Miingon si Samson, “Wala gayod sukad maputli ang akong buhok. Kay bisan sa gipanamkon pa lang ako, hinalad na ako ingon nga Nazareo ngadto sa Dios. Busa, kon putlan ang akong buhok mawala ang akong kusog. Mahimo na lang akong sama sa ordinaryong tawo.”

Mga Maghuhukom 16:19

Gipakatulog ni Delilah si Samson diha sa iyang paa. Sa dihang nakatulog na kini, mitawag siya ug usa ka tawo aron putlon ang pito ka pilakd sa buhok ni Samson. Niining paagiha, nawad-an ug kusog si Samson ug gipadakop siya ni Delilah.

1 Samuel 1:11

Nanaad si Hana sa Ginoo nga nag-ingon, “O Ginoo nga Makagagahom, tan-awa ang akong pag-antos. Hinumdomi ako nga imong sulugoon ug ayaw gayod ako kalimti. Kon hatagan mo akog anak nga lalaki, ihatag ko siya pagbalik kanimo aron mag-alagad siya kanimo sa tibuok niyang kinabuhi, ug dili ko paputlan ang iyang buhok.”