Numeros 6:3 - Ang Pulong sa Dios

³ kinahanglan dili siya moinom ug bino ug uban pang makahubog nga ilimnon. Dili usab siya mogamit ug suka nga gikan sa ubas ug suka nga gikan sa uban pang makahubog nga mga ilimnon. Dili usab siya moinom ug duga sa ubas, ni mokaon ug ubas o kaha pasas.

Ang Biblia 2011

³ kinahanglan nga mobiya siya gikan sa bino ug sa isog nga ilimnon, dili siya moinom sa suka gikan sa bino o sa isog nga ilimnon, dili usab siya moinom ug bisan unsa nga duga sa paras o magkaon sa paras nga lab-as o binulad.

Maayong Balita Biblia

³ kinahanglan nga dili siya moinom ug bino o bisan unsang ilimnon nga makahubog. Dili siya paimnon bisan ganig suka o duga sa ubas o mokaon siyag ubas, lab-as man kini o binulad.

Ang Bag-ong Maayong Balita Biblia

³ kinahanglan nga dili siya moinom ug bino o bisan unsang ilimnon nga makahubog. Dili siya paimnon bisan ganig suka o duga sa ubas o mokaon siyag ubas, lab-as man kini o binulad.

Numeros 6:3 Cross References

Levitico 10:9

“Ikaw ug ang imong mga anak nga lalaki dili angayng mosulod sa Tolda nga nakainom ug bino o sa bisan unsa nga ilimnon nga makahubog. Kon himuon ninyo kini mamatay kamo. Kini nga mga patakaran kinahanglan nga tumanon ninyo hangtod sa umaabot nga mga henerasyon.

Amos 2:11

Miingon ang Ginoo, “Gipili ko ang uban sa ilang mga kaliwat nga mahimong mga propeta ug mga Nazareo. Dili ba tinuod man kini, mga Israelinhon?

Amos 2:12

Apan unsa ang inyong gihimo? Gipainom ninyo ug bino ang mga Nazareo ug gimandoan ninyo ang mga propeta nga dili mosugilon sa akong mensahe.

Numeros 6:4

Samtang usa siya ka Nazareo, kinahanglang dili gayod siya mokaon sa bisan unsa nga naggikan sa ubas, bisan ang liso o kaha panit niini.

Lucas 1:15

Kay mahimo siyang bantogan atubangan sa Ginoo. Kinahanglan dili gayod siya moinom ug bino o uban pang ilimnon nga makahubog. Bisan anaa pa siya sa sabakan sa iyang inahan ang Espiritu Santo anaa na kaniya.

Lucas 21:34

“Busa bantayi ninyo ang inyong kaugalingon nga dili mawili sa pagkinabuhi nga mapatuyangon, sa paghubog-hubog, ug sa pagkabalaka sa inyong panginabuhi, kay basin kalit lang moabot kadtong adlawa nga dili kamo makabantay.

Mga Taga-Efeso 5:18

Ayaw kamo paghubog-hubog, kay kini pagpatuyang lang sa inyong kinabuhi. Hinuon, pagpapuno kamo sa Espiritu.

1 Mga Taga-Tesalonica 5:22

ug likayi ang tanan nga daotan.

1 Timoteo 5:23

Tungod kay kanunay ka lang magsakit, gawas sa tubig, inom usab ug diyutay nga bino alang sa imong tiyan.

Mga Hebreo 9:10

Ang ilang gipangbuhat pulos mahitungod sa mga pagkaon ug ilimnon, ug mahitungod sa paghinlo sa lawas. Kini nga mga regulasyon panggawas lang ug hangtod lang sa panahon nga bag-ohon sa Dios ang tanan.

Mga Maghuhukom 13:14

Kinahanglan dili siya mokaon ug bisan unsa nga gikan sa ubas. Dili usab siya moinom ug bino o bisan unsang matang sa ilimnong makahubog, o mokaon sa bisan unsang pagkaon nga giisip nga mahugaw. Kinahanglang sundon gayod niya ang tanan kong gisulti kaniya.”

Mga Maghuhukom 13:4

Busa karon, pagmatngon. Ayaw na pag-inom ug bino o bisan unsang matang sa ilimnon nga makahubog, ug ayaw usab pagkaon ug bisan unsa nga giisip nga mahugaw.