Numeros 5:7 - Ang Pulong sa Dios

⁷ Kinahanglan nga isulti niya ang iyang sala nga nahimo, ug ulian niya o bayran sa ensaktong kantidad ang tawo nga iyang nabuhatan ug daotan, ug dugangan niya kini ug 20 porsyento sa kantidad.

Ang Biblia 2011

⁷ kinahanglang isugid niya ang iyang sala nga iyang nahimo ug bayran niya ang tanan gayod tungod sa iyang sala ug kini pun-an niya sa ikalima nga bahin ug ihatag ngadto sa iyang nabuhatan ug sayop.

Maayong Balita Biblia

⁷ Kinahanglan nga isugid niya kini ug taplan ang iyang nalapas ug pakapinan pa gayod niya ug ikalima ka bahin. Adto niya kini ihatag sa iyang nasad-an.

Ang Bag-ong Maayong Balita Biblia

⁷ Kinahanglan nga isugid niya kini ug taplan ang iyang nalapas ug pakapinan pa gayod niya ug ikalima ka bahin. Adto niya kini ihatag sa iyang nasad-an.

Numeros 5:7 Cross References

Salmo 32:5

Unya gisulti ko ang akong mga sala kanimo; wala akoy gitago. Miingon ako sa akong kaugalingon, “Isulti ko sa Ginoo ang akong mga sala,” ug gipasaylo mo ako.

Mga Panultihon 28:13

Dili ka gayod magmauswagon kon ilimod mo ang imong mga sala, apan kon isulti mo kini ug talikdan, kaloy-an ka sa Dios.

Levitico 26:40

“ ‘Tungod sa inyong pagluib ug pagsupak kanako, kontrahon ko kamo ug ipabihag sa lugar sa inyong mga kaaway. Apan kon maghinulsol kamo sa inyong mga sala ug sa sala sa inyong mga katigulangan ug undangon na ninyo ang pagpagahi sa inyong ulo, ug dawaton ninyo ang silot tungod sa inyong mga sala,

Levitico 5:15

Kon ang usa ka tawo makalapas sa sugo sa Ginoo tungod kay wala niya mahatag ang butang nga alang unta sa Ginoo, bisan wala niya tuyoa, kinahanglan nga maghalad siya ug laking karnero nga walay depekto isip bayad sa iyang sala. O bayran niya ug salapi ang kantidad sa karnero basi sa gibug-aton sa pilak diha sa kilohan nga ginagamit sa mga pari. Kini nga karnero halad isip bayad sa sala.

Levitico 5:16

Kinahanglan nga bayran niya ang wala niya mahatag sa Ginoo, ug dugangan pa niya kini ug 20 porsyento sa kantidad niini. Unya ihatag niya kining tanan sa pari nga mao ang maghalad ug usa ka laking karnero aron mahinloan ang tawo gikan sa iyang sala ug pasayloon siya sa Ginoo.

Levitico 5:5

Kon nahibaloan sa tawo nga nakasala siya sa bisan asa niini, kinahanglan nga isulti niya kini.

Levitico 7:7

Pareho ra ang patakaran sa halad sa paghinlo ug sa halad isip bayad sa sala: ang karne niini nga mga halad iya na sa pari nga naghalad niini.

Numeros 5:8

Apan kon ang nabuhatan ug daotan patay na ug walay duol nga paryente nga modawat niini nga bayad, ang bayad iya na sa Ginoo ug kinahanglan ihatag kini ngadto sa pari, uban sa karnero nga ihalad sa pari aron mahinloan sa sala ang maong tawo.

Lucas 19:8

Didto sa iyang balay mitindog si Zaqueo ug miingon, “Ginoo, ihatag ko ngadto sa mga kabos ang katunga sa akong kabtangan. Ug kon aduna akoy gilimbongan, ibalik ko kaniya sa upat ka pilo.”

Josue 7:19

Miingon si Josue kang Acan, “Anak, pasidunggi ang Ginoo, nga Dios sa Israel, ug isulti ang tinuod diha sa iyang atubangan. Isulti kanako kon unsay imong nahimo. Ayaw kini itago kanako.”