Numeros 4:12 - Ang Pulong sa Dios

¹² “Ang uban pang kagamitan nga ginagamit sa pag-alagad diha sa Balaang Dapit puston ug panapton nga asul ug maayong klasi sa panit ug itaod sa pangdayong.

Ang Biblia 2011

¹² Unya kuhaon nila ang tanang mga galamiton sa pag-alagad nga gigamit nila sa balaang dapit, ug puston kini sa usa ka panapton nga asul ug puston nila sa usa ka tabon nga panit sa kanding ug ipahimutang kini sa ibabaw sa mga sanggaan.

Maayong Balita Biblia

¹² Ug kuhaon nila ang tanang galamiton sa pag-alagad nga gigamit diha sa Balaan nga Dapit ug puston kini sa panapton nga asul ug unya tabonag panit sa kanding. Tapos niini, ibutang kini sa yayongan.

Ang Bag-ong Maayong Balita Biblia

¹² Ug kuhaon nila ang tanang galamiton sa pag-alagad nga gigamit diha sa Balaan nga Dapit ug puston kini sa panapton nga asul ug unya tabonag panit sa kanding. Tapos niini, ibutang kini sa yayongan.

Numeros 4:12 Cross References

1 Cronicas 9:28

Ang uban kanila mao ang gitugyanan sa pag-atiman sa mga kagamitan alang sa pagsimba. Ginaihap nila kini sa dili pa gamiton ug sa human kini gamita.

1 Cronicas 9:29

Ang uban gitugyanan sa pag-atiman sa uban pang mga kagamitan sa balaang puloy-anan apil na ang harina, bino, lana, insenso, ug mga pahumot.

2 Cronicas 4:11

Nagpahimo usab si Huram ug mga kolon, mga pala, ug mga yahong nga gamiton sa pagpangwisik. Nahuman ra gayod ni Huram Abi ang tanang gipahimo ni Haring Solomon alang sa Templo sa Dios. Mao kini ang iyang gipanghimo:

2 Cronicas 4:16

ang mga kolon, mga pala, mga dagkong tinidor alang sa karne, ug ang uban pang mga galamiton. Kining tanang mga butang alang sa Templo sa Ginoo nga gihimo ni Huram Abi alang kang Haring Solomon pulos hinimo gikan sa bronsi nga gipasinaw.

2 Cronicas 4:19

Nagpahimo usab si Solomon niini nga mga kagamitan alang sa Templo sa Dios: ang bulawan nga halaran; ang mga lamisa nga butanganan sa pan nga ginahalad sa presensya sa Dios;

2 Cronicas 4:22

ang mga pangkorte sa pabilo sa suga, mga yahong nga gamiton sa pagpangwisik, mga sudlanan sa insenso, ug mga butanganan sa baga, nga tanan purong bulawan; ang mga pultahan sa Templo ug ang mga pultahan paingon sa Labing Balaang Dapit nga hinaklapan ug bulawan.

Exodo 25:5

panit sa laking karnero nga gitina ug pula, maayong klasi sa panit, kahoyng akasya,

Exodo 25:9

Ipahimo kini nga Tolda nga Pagsimbahan ug ang tanang kagamitan niini basi sa sumbanan nga ipakita ko kanimo.

Exodo 31:10

ang matahom ug sagrado nga mga bisti nga sul-obon ni Aaron ug sa iyang mga anak nga lalaki kon mag-alagad sila ingon nga mga pari,

Numeros 3:8

Sila usab ang mag-atiman sa tanang kagamitan sa Tolda, ug mag-alagad diha sa Tolda alang sa mga Israelinhon.

Numeros 4:11

“Tabonan usab nilag panapton nga asul ang halaran nga bulawan ug sapawan pa gayod kini ug maayong klasi sa panit, ug itaod dayon ang mga pangdayong.

Numeros 4:13

“Kinahanglan nga kuhaon nila ang abo gikan sa halaran, ug unya tabonan ang halaran ug panapton nga kolor ube.

Numeros 4:6

Pagkahuman tabonan pa gayod nila kini ug maayong klasi sa panit ug panapton nga asul, ug dayon itaod nila ang mga pangdayong.

Numeros 4:7

“Tabonan usab nilag panapton nga asul ang lamisa nga butanganan sa pan nga ginahalad sa presensya sa Dios, ug ibutang nila didto ang mga plato, mga sudlanan sa insenso, mga yahong, mga tibod nga sudlanan sa mga halad nga ilimnon, ug ang pan nga anaa kanunay sa lamisa.

Numeros 4:9

“Ang lamparahan tabonan nila ug panapton nga asul, apil ang mga suga niini, ang mga kimpit, ang mga saloranan sa agiw, ug ang mga tibod nga sudlanan sa lana.