Numeros 3:40 - Ang Pulong sa Dios

⁴⁰ Miingon ang Ginoo kang Moises, “Ihapa ug ilista ang mga ngalan sa tanang kamagulangan nga lalaki sa mga Israelinhon nga nag-edad ug usa ka bulan pataas.

Ang Biblia 2011

⁴⁰ Ang Ginoo miingon kang Moises, “Ipha ang tanang mga kamagulangan nga lalaki sa katawhan sa Israel sukad sa usa ka bulan ang kagulangon ug pataas, sumala sa gidaghanon sa ilang mga ngalan.

Maayong Balita Biblia

⁴⁰ Unya miingon ang Ginoo kang Moises, “Ipha ang tanang kamagulangang anak nga lalaki sa mga Israelita gikan sa nagpanuigon ug usa ka bulan ug pataas.

Ang Bag-ong Maayong Balita Biblia

⁴⁰ Unya miingon ang Ginoo kang Moises, “Ipha ang tanang kamagulangang anak nga lalaki sa mga Israelita gikan sa nagpanuigon ug usa ka bulan ug pataas.

Numeros 3:40 Cross References

Salmo 87:6

Ilista unya sa Ginoo ang iyang mga katawhan ug i-apil niya ang mga katawhan gikan sa ubang nasod nga giisip niyang mga lumad sa Zion.

Isaias 4:3

Tawgon nga balaan ang mga nangabiling buhi sa Zion og milahutay diha sa Jerusalem.

Numeros 3:12

“Gipili ko ang mga kaliwat ni Levi puli sa mga kamagulangan nga lalaki sa Israel. Ang matag kaliwat ni Levi akoa,

Numeros 3:15

“Ihapa ang mga kaliwat ni Levi nga nagpangidaron ug usa ka bulan pataas sumala sa ilang pamilya.”

Numeros 3:41

Igahin ang mga kaliwat ni Levi alang kanako puli sa tanang kamagulangan nga lalaki sa mga Israelinhon. Igahin usab alang kanako ang mga kahayopan sa mga kaliwat ni Levi puli sa tanang kamagulangan nga kahayopan sa mga Israelinhon. Ako mao ang Ginoo.”

Numeros 3:45

“Igahin ang mga kaliwat ni Levi alang kanako puli sa tanang kamagulangan nga lalaki sa mga Israelinhon. Igahin usab alang kanako ang mga kahayopan sa mga kaliwat ni Levi puli sa kamagulangan nga mga kahayopan sa mga Israelinhon. Ang mga kaliwat ni Levi akoa. Ako mao ang Ginoo.

Lucas 10:20

Apan ayaw kamo paglipay tungod kay ang mga daotang espiritu mituman kaninyo, kondili paglipay kamo kay ang inyong ngalan nasulat na didto sa langit.”

Mga Taga-Filipos 4:3

Gihangyo ko usab ikaw, ingon nga masaligan ko nga kauban sa pagpangalagad, nga tabangan mo kini nga mga babaye, tungod kay kauban ko sila nga nangalagad ug maayo sa pagpakaylap sa Maayong Balita, uban ni Clemente ug sa uban pang mga kauban ko nga nangalagad kansang mga ngalan nasulat na sa libro sa kinabuhi.

2 Timoteo 2:19

Apan bisan pa niana, lig-on gihapon ang patukoranan nga gipahimutang sa Dios, tungod kay adunay nasulat nga nag-ingon, “Nailhan sa Ginoo ang iyang katawhan.” Ug “Ang matag-usa nga nag-ingon nga siya iya sa Ginoo angay gayod nga mobiya sa bisan unsa nga daotan.”

Mga Hebreo 12:23

Miduol kamo sa malipayong panagtigom sa mga giisip nga kamagulangan nga mga anak sa Dios, kansang mga ngalan nasulat na didto sa langit. Miduol kamo sa Dios nga mao ang mohukom sa tanan. Didto usab sa inyong giduolan adunay mga espiritu sa mga tawo nga gipakamatarong sa Dios ug wala na gayoy sala.

Gipadayag 14:4

Sila ang mga tawong wala nahugawan tungod wala gayod makighilawas sa mga babaye. Nagsunod sila sa Karnero bisan asa siya moadto. Sila ang mga tinubos gikan sa katawhan aron mahimong una nga mga halad ngadto sa Dios ug sa Karnero.

Gipadayag 3:5

Ang mga nagmadinaugon bistihan ug puti ug dili ko papason ang ilang mga ngalan diha sa libro nga gilistahan sa kinabuhi. Ipaila ko sa akong Amahan ug sa iyang mga anghel nga sila akong mga katawhan.