Numeros 3:25 - Ang Pulong sa Dios

²⁵ Sila ang gitugyanan sa pag-atiman sa mga kagamitan sa Tolda nga Pagsimbahan, nga gitawag usab ug Tolda nga Tagboanan: ang mga tabon, ang kurtina sa entrada sa Tolda,

Ang Biblia 2011

²⁵ Ug ang katungdanan sa mga anak nga lalaki ni Gerson diha sa tolda nga tagboanan mao ang Tolda, ang gitabon niini, ang tabil sa pultahan sa tolda nga tagboanan,

Maayong Balita Biblia

²⁵ Sila maoy mag-atiman sa Tolda ug sa salimbong niini, sa tabil sa pultahan sa Tolda nga Tagboanan

Ang Bag-ong Maayong Balita Biblia

²⁵ Sila maoy mag-atiman sa Tolda ug sa salimbong niini, sa tabil sa pultahan sa Tolda nga Tagboanan

Numeros 3:25 Cross References

1 Cronicas 23:32

Busa gihimo sa mga Levita ang ilang katungdanan sa pag-atiman sa Tolda nga Tagboanan ug sa Balaang Dapit, ug sa pagtabang sa ilang mga paryente nga pari nga kaliwat ni Aaron sa pag-alagad sa Templo sa Ginoo.

2 Cronicas 31:2

Gigrupo-grupo ni Haring Ezequias ang mga pari ug ang mga Levita basi sa tagsa-tagsa nila ka buluhaton, sa paghalad sa mga halad nga sinunog ug mga halad alang sa maayong relasyon, sa pag-alagad sa Templo sa Ginoo sa pagpasalamat, ug sa pag-awit ug mga pagdayeg diha sa mga pultahan sa Templo sa Ginoo.

Exodo 25:9

Ipahimo kini nga Tolda nga Pagsimbahan ug ang tanang kagamitan niini basi sa sumbanan nga ipakita ko kanimo.

Exodo 40:19

Unya gibukhad niya ang Tolda, ug gisapaw ang tabon alang niini. Gihimo niya kining tanan sumala sa gisugo kaniya sa Ginoo.

Exodo 40:28

Gitaod usab niya ang kurtina sa entrada sa Tolda.

Numeros 1:50

Ihatag kanila ang responsibilidad sa pag-atiman sa Tolda nga Pagsimbahan diin nahimutang ang Kasugoan ug ang tanang mga kagamitan niini. Sila ang modala sa Tolda ug sa tanang kagamitan niini. Kinahanglang atimanon nila ang Tolda ug magkampo sila libot niini.

Numeros 10:17

Human nahipos ang Tolda nga Pagsimbahan, gipas-an kini sa mga kaliwat ni Gershon ug sa mga kaliwat ni Merari, ug misunod sila sa pagpanglakaw.

Numeros 3:24

Ang ilang pangulo mao si Eliasaf nga anak ni Lael.

Numeros 3:7

Mag-alagad sila kang Aaron ug sa katawhan sa Israel pinaagi sa pag-atiman sa mga buluhaton sa Tolda nga Pagsimbahan, nga gitawag usab ug Tolda nga Tagboanan.

Numeros 7:7

Gihatag niya ang duha ka karomata ug upat ka baka sa mga kaliwat ni Gershon alang sa ilang buluhaton.

Marcos 13:34

Sama kini sa tawo nga miadto sa layong dapit. Paggikan niya sa iyang balay, gitugyan niya sa iyang mga sulugoon ang tagsa-tagsa nila ka mga buluhaton. Ug gimandoan niya ang tigbalantay sa pultahan nga magbantay.

Mga Taga-Colosas 4:17

Ingna ninyo si Arquipo nga humanon niya ang buluhaton nga gitugyan kaniya sa Ginoo.

1 Timoteo 1:18

Timoteo, giisip ka nako nga akong anak, busa mao kini ang akong pahimangno kanimo: Hinumdomi ang gipanulti sa mga propeta kaniadto mahitungod kanimo, aron pinaagi niini makasukol ka sa mga masinupakon sa kamatuoran.