Numeros 3:2 - Ang Pulong sa Dios

^2-3 Ang mga anak ni Aaron mao sila si Nadab (ang kamagulangan), Abihu, Eleazar, ug Itamar. Gidihogan ug giordinahan sila nga mag-alagad ingon nga mga pari.

Ang Biblia 2011

² Ug mao kini ang mga ngalan sa mga anak nga lalaki ni Aaron: si Nadab, ang kamagulangan, ug si Abihu, si Eleasar ug si Itamar.

Maayong Balita Biblia

² ang mga anak ni Aaron mao sila si Nadab, ang kamagulangan, si Abihu, si Eleazar ug si Itamar.

Ang Bag-ong Maayong Balita Biblia

² ang mga anak ni Aaron mao sila si Nadab, ang kamagulangan, si Abihu, si Eleazar ug si Itamar.

Numeros 3:2 Cross References

1 Cronicas 24:1

Mao kini ang mga grupo sa mga kaliwat ni Aaron: Ang mga anak ni Aaron mao sila si Nadab, Abihu, Eleazar, ug Itamar.

1 Cronicas 24:2

Apan mas unang namatay si Nadab ug si Abihu kaysa ilang amahan, ug wala silay mga anak, busa si Eleazar lang ug si Itamar mao ang nag-alagad ingon nga mga pari.

1 Cronicas 6:3

Ang mga anak ni Amram mao sila si Aaron, Moises, ug Miriam. Ang mga anak ni Aaron mao sila si Nadab, Abihu, Eleazar, ug Itamar.

Exodo 28:1

“Ilain gikan sa mga tawo si Aaron nga imong igsoon ug ang iyang mga anak nga lalaki nga sila si Nadab, Abihu, Eleazar, ug Itamar, aron mag-alagad sila kanako ingon nga mga pari.

Exodo 6:23

Gipangasawa ni Aaron si Elisheba, nga anak ni Aminadab ug igsoon ni Nashon. Ang ilang mga anak mao sila si Nadab, Abihu, Eleazar, ug Itamar.

Levitico 10:1

Unya si Nadab ug si Abihu nga mga anak ni Aaron nagkuha sa ilang tagsa-tagsa ka butanganan sa insenso. Gibutangan nila kinig baga ug insenso ug gihalad sa Ginoo. Niining paagiha, wala sila mosubay sa gisugo sa Ginoo kay dili mao ang kalayo nga ilang gigamit.

Levitico 10:12

Miingon si Moises kang Aaron ug sa iyang duha ka anak nga nahibilin nga sila si Eleazar ug Itamar, “Kuhaa ninyo ang halad sa pagpasidungog sa Ginoo gikan sa nahibiling mga halad pinaagi sa kalayo. Lutoa ninyo kini nga walay patubo ug kaona ninyo diha sa tapad sa halaran, kay balaan kaayo kini nga halad.

Numeros 26:60

Si Aaron mao ang amahan nila ni Nadab, Abihu, Eleazar, ug Itamar.