Numeros 27:3 - Ang Pulong sa Dios

³ “Namatay didto sa kamingawan ang among amahan nga walay anak nga lalaki. Namatay siya dili tungod kay sumusunod siya ni Kora nga nagrebelde sa Ginoo, kondili tungod sa iyang kaugalingon nga sala.

Ang Biblia 2011

³ “Ang among amahan namatay didto sa kamingawan ug siya wala mahilakip sa kaubanan nila nga nagtigom sa ilang kaugalingon batok sa Ginoo sulod sa ginsakopan ni Korah, apan siya namatay sa iyang kaugalingong sala ug siya walay mga anak nga lalaki.

Maayong Balita Biblia

³ “Namatay ang among amahan didto sa kamingawan apan dili siya usa niadtong mga tawo nga nakig-abin kang Korah pagsukol sa Ginoo. Namatay siya tungod sa iyang sala ug wala siyay anak nga lalaki.

Ang Bag-ong Maayong Balita Biblia

³ “Namatay ang among amahan didto sa kamingawan apan dili siya usa niadtong mga tawo nga nakig-abin kang Korah pagsukol sa Ginoo. Namatay siya tungod sa iyang sala ug wala siyay anak nga lalaki.

Numeros 27:3 Cross References

Ezequiel 18:4

Pamatia ninyo kini! Ang tanan nga kinabuhi ako, ang kinabuhi sa ginikanan ug ang kinabuhi sa mga kabataan. Ang tawo ra nga nakasala mao ang mamatay.

Numeros 14:35

Ako, ang Ginoo, ang nag-ingon niini ug buhaton ko gayod kining mga butanga diha niining daotang katilingban nga naghiusa sa pagsupak kanako. Mangamatay silang tanan dinhi sa kamingawan!’ ”

Numeros 16:19

Ang tibuok katilingban nga gikombinsi ni Kora nga magrebelde kang Moises ug Aaron nagtigom usab didto sa pultahan sa Tolda nga Tagboanan. Unya ang gamhanang presensya sa Ginoo nagpakita sa tibuok katilingban.

Numeros 16:49

Apan 14,700 ang nangamatay tungod sa katalagman walay labot niadtong namatay tungod kang Kora.

Numeros 26:33

Ang anak ni Hefer nga si Zelofehad walay anak nga lalaki, apan aduna siyay mga anak nga babaye nga ang mga ngalan mao sila si Mala, Noa, Hogla, Milca, ug Tirza.

Numeros 27:2

Kini nga mga babaye miadto sa pultahan sa Tolda nga Tagboanan ug mibarog sa atubangan ni Moises, ni Eleazar, sa mga pangulo, ug sa tibuok katilingban sa Israel, ug miingon,

Numeros 27:4

Unsa man, wad-on na lang ba ang iyang ngalan sa panimalay sa Israel tungod kay wala siyay anak nga lalaki? Hatagi usab kami ug bahin sama sa nadawat sa among mga paryente.”

Juan 8:21

Misulti pag-usab si Jesus sa mga tigdumala sa mga Judio, “Molakaw ako, ug kon wala na ako dinhi pangitaon ninyo ako, apan mangamatay lang kamo nga nagpadayon sa pagpakasala. Ug dili kamo makaadto sa akong adtoan.”

Juan 8:24

Mao nga miingon ako kaninyo nga mangamatay lang kamo nga nagpadayon sa pagpakasala. Kay kon dili kamo motuo nga ako mao ang Cristo, sigurado gayod nga mangamatay lang kamo nga nagpadayon sa pagpakasala.”

Roma 5:12

Ang sala nakasulod sa kalibotan tungod sa paglapas ni Adan sa sugo sa Dios, ug ang iyang sala nagdalag kamatayon. Busa miabot ang kamatayon sa tanang mga tawo, tungod kay ang tanan nakasala man.

Roma 5:21

Busa ingon nga ang sala naggahom sa tanang mga tawo ug nagresulta sa kamatayon, ang grasya sa Dios naggahom ug nagresulta sa kinabuhi nga walay kataposan. Kay tungod sa gihimo ni Jesu-Cristo nga atong Ginoo gipakamatarong na kita sa Dios.

Roma 6:23

Kay ang silot sa sala mao ang kamatayon, apan ang kinabuhi nga walay kataposan mao ang gasa sa Dios sa mga anaa kang Cristo Jesus nga atong Ginoo.