Numeros 24:7 - Ang Pulong sa Dios

⁷ Mag-awas ang tubig sa ilang mga sudlanan, ug magtanom silag liso diha sa mga yuta nga abunda ug tubig. Ang ilang hari mahimong mas gamhanan kaysa kang Agag nga hari sa mga Amalekanhon. Ug ang ilang gingharian mabantog.

Ang Biblia 2011

⁷ Ang tubig mag-awas gikan sa ilang mga timba, ug ang iyang binhi maanaa sa daghang katubigan, ug ang iyang hari labaw pa kay kang Agag, ug ang iyang gingharian himayaon.

Maayong Balita Biblia

⁷ May tubig nga modagayday gikan sa iyang mga sudlanan ug mopatubig sa iyang binhi. Mas gamhanan ang iyang hari kay kang Agag ug mouswag ang iyang gingharian.

Ang Bag-ong Maayong Balita Biblia

⁷ May tubig nga modagayday gikan sa iyang mga sudlanan ug mopatubig sa iyang binhi. Mas gamhanan ang iyang hari kay kang Agag ug mouswag ang iyang gingharian.

Numeros 24:7 Cross References

2 Samuel 5:12

Ug nasabtan ni David nga ang Ginoo ang nagpahiluna kaniya ingon nga hari sa Israel, ug nagpauswag sa iyang gingharian alang sa iyang katawhan nga mga Israelinhon.

1 Mga Hari 4:21

Gidumalahan ni Solomon ang tanang mga gingharian gikan sa Suba sa Eufrates paingon sa yuta sa mga Filistihanon hangtod sa utlanan sa Ehipto. Nagbayad sila ug buhis kang Solomon ug nag-alagad kaniya sa tibuok niyang kinabuhi.

1 Mga Hari 5:1

Dugay nang managhigala si Hiram nga hari sa Tiro ug si Haring David. Busa sa dihang nabalitaan ni Hiram nga gipulihan ni Solomon ingon nga hari ang iyang amahan nga si David, nagpadala siya ug mga opisyal ngadto kang Solomon.

1 Cronicas 14:2

Ug nasabtan ni David nga ang Ginoo ang nagpahiluna kaniya ingon nga hari sa Israel, ug nagpauswag sa iyang gingharian alang sa iyang katawhan nga mga Israelinhon.

Esdras 4:20

Nahibaloan ko usab nga ang Jerusalem, ingon man ang tibuok probinsya sa kasadpan sa Eufrates, gidumalahan sa mga gamhanan nga hari ug nangolekta kanila ug mga buhis ug uban pang mga bayranan.

Ester 3:1

Human niadtong hitaboa, gipatas-an ni Haring Ahasuerus ang ranggo ni Haman nga anak ni Hamedata nga Agagnon. Gihatagan sa hari si Haman sa labing taas nga katungdanan sa iyang gingharian.

Salmo 18:43

Giluwas mo ako gikan sa mga nagrebelde. Gihimo mo akong pangulo sa mga kanasoran. Ang mga langyaw nag-alagad kanako.

Salmo 68:26

Naninggit sila, “Dayega ninyo ang Dios diha sa inyong panagtigom! Dayega ninyo ang  Ginoo, kamong tanang mga kaliwat ni Israel!”

Salmo 72:11

Hinaut pa nga ang tanang hari magpasakop kaniya ug ang tanang kanasoran moalagad kaniya.

Salmo 89:27

Ilhon ko siyang akong kamagulangang anak, ang labing gamhanan sa tanang mga hari.

Isaias 2:2

Sa umaabot nga mga adlaw, ang bukid nga gitukoran sa Templo sa Ginoo mahimong pinakaimportante sa mga bukid ug sa mga bungtod. Ug modagsa niini nga bukid ang mga tawo nga naggikan sa tanang nasod.

Isaias 30:25

Sa adlaw nga pamatyon ang inyong mga kaaway ug lumpagon ang ilang mga tore, mobuhagay ang tubig sa matag taas nga bukid ug bungtod.

Isaias 48:1

“Pamati kamong mga kaliwat ni Jacob, kamong gitawag ug Israel, ug naggikan sa tribo ni Juda. Nanumpa kamo sa ngalan sa Ginoo, ug nagtawag kamo sa Dios sa Israel. Apan dili kini kinasing-kasing, kay dili matarong ang inyong kinabuhi.

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Jeremias 51:13

Babilonia, abunda ka sa tubig ug daghan kag bahandi. Apan miabot na ang imong kataposan, ang panahon sa imong kalaglagan.

Daniel 2:44

“Sa panahon niining mga hari, ang Dios sa langit mopatukod ug usa ka gingharian nga dili gayod mapukan bisan kanus-a. Dili gayod kini mapildi o madumalahan sa uban. Laglagon hinuon niini ang tanang mga gingharian ug magpabilin kini sa walay kataposan.

Numeros 24:20

Unya nakita ni Balaam sa iyang panan-awon ang katawhan ni Amalek ug miingon siya, “Kaniadto ang Amalek mao ang gauna sa mga nasod, apan malaglag kini.”

Juan 1:49

Busa miingon si Natanael, “Magtutudlo,” tinuod gayod nga ikaw ang Anak sa Dios! Ikaw ang hari sa Israel.

Gipadayag 11:15

Ang ikapito nga anghel mipatingog sa iyang trumpeta, ug adunay makusog nga mga tingog didto sa langit nga nag-ingon, “Karon ang atong Ginoo ug ang iyang pinili nga Mesiyas mao na ang maghari sa kalibotan. Ug ang iyang paghari walay kataposan!”

Gipadayag 17:1

Unya, miduol kanako ang usa niadtong pito ka anghel nga nagdalag mga yahong. Miingon siya, “Dali, ipakita ko kanimo kon unsaon sa pagsilot ang inilang babayeng nagbaligya sa iyang dungog, nga didto naglingkod sa daghan nga tubig.

Gipadayag 17:15

Miingon usab kanako ang anghel, “Ang mga tubig nga imong nakita, nga gilingkoran sa babayeng nagbaligya sa iyang dungog, mao ang mga tawo gikan sa nagkalain-laing kaliwatan, nasod ug pinulongan.

Gipadayag 19:16

Diha sa iyang bisti ug sa iyang paa nakasulat ang mga pulong nga, Hari nga labaw sa Tanang mga Hari ug Ginoo nga Labaw sa Tanang mga Ginoo!