Numeros 22:12 - Ang Pulong sa Dios

¹² Apan miingon ang Dios kang Balaam, “Ayaw pag-uban kanila. Ug ayaw panghimaraota kadtong mga tawo nga giingon nila, kay gipanalanginan ko sila.”

Ang Biblia 2011

¹² Ug ang Dios miingon kang Balaam, “Dili ka mouban kanila; dili ka magtunglo sa katawhan kay gipanalanginan sila.”

Maayong Balita Biblia

¹² Miingon ang Dios kang Balaam, “Ayaw pag-uban kanila ug ayaw tungloha ang maong katawhan kay sila akong gipanalanginan.”

Ang Bag-ong Maayong Balita Biblia

¹² Miingon ang Dios kang Balaam, “Ayaw pag-uban kanila ug ayaw tungloha ang maong katawhan kay sila akong gipanalanginan.”

Numeros 22:12 Cross References

Genesis 12:2

“Himuon ko ang imong mga kaliwat nga usa ka bantogan nga nasod. Panalanginan ka nako ug mahimong bantogan ang imong ngalan. Pinaagi kanimo, daghan ang makadawat sa panalangin.

2 Cronicas 31:10

Mitubag si Azaria, ang pangulong pari nga kaliwat ni Sadok, “Sukad sa pagsugod ug dala sa mga tawo sa ilang mga halad sa Templo sa Ginoo abunda na ang among pagkaon ug daghan pa ang sobra, tungod kay gipanalanginan sa Ginoo ang iyang katawhan.”

Salmo 144:15

Bulahan ang mga tawo nga nakasinati niining maong mga panalangin. Bulahan ang mga tawo nga ang ilang Dios mao ang  Ginoo.

Salmo 146:5

Bulahan ang tawo kansang magtatabang mao ang Dios ni Jacob, kansang pagsalig anaa sa Ginoo nga iyang Dios,

Isaias 61:9

Ang ilang mga kaliwat mahimong inila sa mga kanasoran. Ang tanang makakita kanila moila nga sila katawhan nga akong gipanalanginan.”

Miqueas 6:5

Mga katawhan ko, hinumdomi ninyo nga gisugo ni Balak nga hari sa Moab si Balaam nga anak ni Beor nga tunglohon kamo. Apan gisugo ko si Balaam sa pagpanalangin kaninyo. Hinumdomi usab ninyo kon giunsa ko kamo pagtabang sa pagtabok sa Suba sa Jordan sa dihang naglakaw kamo gikan sa Shitim hangtod sa Gilgal, aron maamgohan ninyo ang gibuhat ko sa pagluwas kaninyo.”

Numeros 22:11

‘Adunay mga tawo nga naggikan sa Ehipto ug labihan sila kadaghan. Busa anhi dayon dinhi ug panghimaraota sila, kay basin pa diay ug mapildi ko sila ug maabog palayo.’ ”

Numeros 22:13

Pagbangon ni Balaam pagkabuntag, giingnan niya ang mga pangulo ni Balak, “Pauli na lang kamo sa inyong nasod kay dili mosugot ang Ginoo nga mouban ako kaninyo.”

Numeros 22:6

Busa anhi dayon dinhi ug panghimaraota kining mga tawhana kay mas gamhanan sila kay kanamo. Basin pag mapildi ko sila ug maabog gikan sa akong yuta. Kay nasayod ako nga si bisan kinsa nga panalanginan mo mapanalanginan, ug ang panghimaraoton mo mahimaraot.”

Numeros 23:23

Wala gayoy lamat o barang nga modulot kanila. Busa miingon ang mga tawo bahin sa Israel, ‘Dakong kahibulongan ang gibuhat sa Dios ngadto sa Israel!’

Numeros 23:3

Unya miingon si Balaam kang Balak, “Tindog tapad sa imong halad nga sinunog. Molakaw sa ako, kay basin makigkita ang Ginoo kanako. Sultihan ko lang ikaw kon unsay iyang isulti kanako.” Unya mitungas siya sa taas nga dapit.

Numeros 23:8

Unsaon ko pagpanghimaraot ang mga tawo nga wala panghimaraota sa Ginoo?

Numeros 24:9

Sama sila sa mga liyon nga kon nakatulog na walay mangahas sa pagpukaw kanila. Panalanginan ang nagpanalangin kanila ug panghimaraoton ang mga nagpanghimaraot kanila.”

Mateo 27:19

Samtang naglingkod si Pilato sa lingkoranan diin siya maghukom, gipasugoan siya sa iyang asawa nga paingnan, “Ayaw pagpanghilabot nianang matarong nga tawo, kay gabii nasamok gayod ako tungod sa akong damgo mahitungod kaniya.”

Roma 11:29

Ug dili gayod mausab ang huna-huna sa Dios mahitungod sa mga tawo nga iyang gipili ug gipanalanginan.

Mga Taga-Efeso 1:3

Dalaygon gayod ang Dios ug Amahan sa atong Ginoong Jesu-Cristo! Tungod kay kita anaa kang Cristo, gihatagan niya kita sa tanang mga panalangin nga espirituhanon. Kini nga mga panalangin gikan sa langit.

Deuteronomio 2:7

Hinumdomi ninyo kon giunsa ko kamo pagpanalangin sa tanan ninyong gihimo. Ako, ang Ginoo nga inyong Dios, ang nagbantay kaninyo sa inyong paglakaw niining halapad nga kamingawan. Sulod sa 40 ka tuig nag-uban ako kaninyo, ug wala gayod kamo makulangi bisan unsa.

Deuteronomio 23:5

Apan wala pamatia sa Ginoo nga inyong Dios si Balaam. Gihimo hinuon niya ang tunglo nga bendisyon alang kaninyo, kay ginahigugma kamo sa Ginoo nga inyong Dios.

Deuteronomio 28:6

“Panalanginan niya ang tanan ninyong pagabuhaton.

Deuteronomio 33:29

Bulahan kamo, O katawhan sa Israel! Walay sama kaninyo, usa ka katawhan nga giluwas sa Ginoo. Ang Ginoo mao ang manalipod ug motabang kaninyo, ug siya ang makig-away alang kaninyo. Magkamang ang inyong mga kaaway paingon kaninyo, ug tumban ninyo sila sa likod.”

Deuteronomio 7:14

Panalanginan niya kamo labaw sa uban nga mga katawhan. Walay lalaki o babaye kaninyo nga baog. Ug ang inyong mga kahayopan mosanay.