Numeros 21:5 - Ang Pulong sa Dios

⁵ busa mireklamo sila sa Dios ug kang Moises. Miingon sila, “Nganong gipagawas mo pa kami gikan sa Ehipto aron mangamatay lang dinhi sa kamingawan? Walay pagkaon ug tubig dinhi! Ug giluod na kami niining walay lami nga manna.”

Ang Biblia 2011

⁵ Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Maayong Balita Biblia

⁵ ug nagbagulbol sila batok sa Dios ug kang Moises. Miingon sila, “Nganong gidala man ninyo kami gikan sa Ehipto nganhi niining kamingawan? Inyo ba kaming pakamatyon dinhi sa gutom ug sa uhaw? Gipul-an na kami niining pagkaon nga walay lami.”

Ang Bag-ong Maayong Balita Biblia

⁵ ug nagbagulbol sila batok sa Dios ug kang Moises. Miingon sila, “Nganong gidala man ninyo kami gikan sa Ehipto nganhi niining kamingawan? Inyo ba kaming pakamatyon dinhi sa gutom ug sa uhaw? Gipul-an na kami niining pagkaon nga walay lami.”

Numeros 21:5 Cross References

Salmo 68:6

Gihatagan niyag pamilya ang mga nag-inusara, ug gihatagan niyag kagawasan ug kalipay ang mga binilanggo. Apan ang mga gahig ulo mopuyo sa yuta nga dili mapuslan.

Salmo 78:19

Giinsulto nila ang Dios pinaagi sa pag-ingon, “Makapakaon ba ang Dios kanato sa kamingawan?

Exodo 14:11

Miingon sila kang Moises, “Nganong gidala mo pa kami dinhi sa kamingawan aron mamatay? Wala bay lubnganan didto sa Ehipto? Nganong gipagawas mo pa man kami gikan sa Ehipto?

Exodo 15:24

Tungod niini, mireklamo ang mga Israelinhon kang Moises, “Unsa na lay atong imnon niini?”

Exodo 16:15

Wala sila kahibalo kon unsa kadto, busa nagpangutan-anay sila, “Unsa kini?” Miingon si Moises kanila, “Mao kana ang pagkaon nga gihatag sa Ginoo kaninyo aron inyong kan-on.

Exodo 16:31

Gitawag sa mga Israelinhon ang maong pagkaon ug manna. Daw liso kini nga gagmay ug puti, ug tam-is kini sama sa nipis nga pan nga adunay dugos.

Mga Panultihon 27:7

Kon ang usa ka tawo busog na, bisan ang dugos murag walay lami kaniya; apan kon gutom siya, bisan ang pait nga pagkaon tam-is alang kaniya.

Ezequiel 20:21

“Apan bisan ang mga kabataan misupak usab kanako. Wala nila tumana ang akong mga pagtulon-an ug mga lagda. Kon tumanon lang unta nila kini, padayon unta sila nga mabuhi. Ug wala usab nila pakabalaana ang Adlaw nga Igpapahulay nga akong gipatuman kanila. Busa miingon ako nga ipatagamtam ko ang akong labihang kasuko kanila didto sa kamingawan.

Numeros 11:20

kondili sulod sa usa ka bulan, hangtod nga isuka ninyo kini ug masumhan kamo niini. Kay gisalikway ninyo ang Ginoo nga nag-uban kaninyo, ug mihilak kamo kaniya nga unta wala na lang kamo mobiya sa Ehipto.’ ”

Numeros 16:41

Apan pagkasunod adlaw, nagbagulbol na usab ang tibuok katilingban kang Moises ug kang Aaron. Miingon sila, “Gipamatay ninyo ang katawhan sa Ginoo!”

Numeros 17:12

Miingon ang mga Israelinhon kang Moises, “Kon mao kana mangamatay gayod kaming tanan!

1 Mga Taga-Corinto 10:9

Dili usab nato sundon ang uban kanila nga mihimo sa pagsulay sa Ginoo, maong gipapaak niya sila sa mga halas ug nangamatay sila.