Numeros 21:2 - Ang Pulong sa Dios

² Unya nanumpa ang mga Israelinhon ngadto sa Ginoo, “Kon itugyan nimo sa among mga kamot kining mga tawhana, laglagon namo sa hingpit ang ilang mga lungsod ingon nga halad kanimo.”

Ang Biblia 2011

² Ug ang Israel naghimo ug panumpa ngadto sa Ginoo ug miingon, “Kon imong itugyan kining maong katawhan sa akong kamot, laglagon gayod nako ang ilang mga siyudad.”

Maayong Balita Biblia

² Ug nanaad ang mga Israelita sa Ginoo ug miingon sila, “Kon itugyan mo kanamo kining mga tawhana, laglagon gayod namo sa hingpit ang ilang mga siyudad ingon nga halad nganha kanimo.”

Ang Bag-ong Maayong Balita Biblia

² Ug nanaad ang mga Israelita sa Ginoo ug miingon sila, “Kon itugyan mo kanamo kining mga tawhana, laglagon gayod namo sa hingpit ang ilang mga siyudad ingon nga halad nganha kanimo.”

Numeros 21:2 Cross References

Genesis 28:20

Unya nanumpa si Jacob nga nag-ingon, “O Dios, kon ubanan mo ako ug bantayan niining akong lakaw ug hatagan ug pagkaon ug bisti,

Salmo 116:18

Tumanon ko ang akong mga saad kanimo atubangan sa tanan mong katawhan,

Salmo 132:2

Hinumdomi Ginoo, nga Makagagahom nga Dios ni Jacob, ang iyang saad kanimo. Misaad siya nga:

1 Mga Taga-Corinto 16:22

Hinaut nga silotan sa Dios si bisan kinsa nga wala mahigugma kaniya. Ginoo, balik na!

Deuteronomio 13:15

kinahanglan nga pamatyon gayod ninyo ang tanang mga lumulupyo sa maong lungsod apil ang ilang kahayopan. Laglagon ninyo sila sa hingpit.

Deuteronomio 13:16

Tigoma ninyo ang tanan ninyong makuha sa maong lungsod didto sa taliwala sa plasa, ug unya sunoga kini ug ang tibuok nga lungsod ingon nga usa ka halad nga sinunog ngadto sa Ginoo nga inyong Dios. Kini nga lungsod magpabilin nga guba hangtod sa kahangtoran; dili na gayod kini tukoron pag-usab.

Deuteronomio 20:16

“Apan sa mga lungsod nga ginahatag kaninyo sa Ginoo nga inyong Dios ingon nga panulondon, pamatya gayod ninyo ang tanan.

Deuteronomio 7:2

Ug kon itugyan na sila kaninyo sa Ginoo nga inyong Dios ug mapildi ninyo sila, laglagon ninyo sila sa hingpit. Dili kamo maghimo ug kasabotan uban kanila o magpakita ug kaluoy kanila.

Josue 6:17

Ang tibuok lungsod ug ang tanan nga anaa niini laglagon sa hingpit ingon nga halad ngadto sa Ginoo. Si Rahab lang nga nagbaligya sa iyang dungog ug ang tibuok niyang panimalay ang luwason tungod kay gitagoan niya ang atong mga espiya.

Josue 6:26

Niadtong panahona, gipasidan-an ni Josue ang mga Israelinhon: “Panghimaraoton sa Ginoo si bisan kinsa nga magtinguha sa pagtukod pag-usab niining lungsod sa Jerico. Si bisan kinsa nga motukod pag-usab sa pundasyon niini mamatyag kamagulangang anak. Ang moayo sa mga pultahan niini mamatyag kamanghorang anak.”

Mga Maghuhukom 11:30

Nanumpa si Jefta sa Ginoo, “Kon ipapildi mo gayod kanako kining mga Amonihanon,

1 Samuel 1:11

Nanaad si Hana sa Ginoo nga nag-ingon, “O Ginoo nga Makagagahom, tan-awa ang akong pag-antos. Hinumdomi ako nga imong sulugoon ug ayaw gayod ako kalimti. Kon hatagan mo akog anak nga lalaki, ihatag ko siya pagbalik kanimo aron mag-alagad siya kanimo sa tibuok niyang kinabuhi, ug dili ko paputlan ang iyang buhok.”