Numeros 20:11 - Ang Pulong sa Dios

¹¹ Unya gibayaw ni Moises ang iyang baston ug gihapak sa makaduha ang bato, ug mibuswak ang makusog nga tubig. Ug nanginom ang katilingban ug ang ilang mga kahayopan.

Ang Biblia 2011

¹¹ Ug giisa ni Moises ang iyang kamot ug gibunalan ang bato sa iyang sungkod sa makaduha ug mibuhagay ang daghang tubig ug miinom ang katilingban ug ang ilang kahayopan.

Maayong Balita Biblia

¹¹ Unya giisa ni Moises ang iyang kamot ug gibunalan niya sa makaduha ang bato ug mibul-og gikan sa bato ang daghang tubig ug nanginom ang mga tawo ug ang ilang kahayopan.

Ang Bag-ong Maayong Balita Biblia

¹¹ Unya giisa ni Moises ang iyang kamot ug gibunalan niya sa makaduha ang bato ug mibul-og gikan sa bato ang daghang tubig ug nanginom ang mga tawo ug ang ilang kahayopan.

Numeros 20:11 Cross References

1 Cronicas 15:13

Niadtong unang higayon dili kamo ang nagdala sa Sudlanan sa Kasabotan, busa sa iyang kasuko gisilotan kita sa Ginoo nga atong Dios. Wala man gud kita mangutana sa Ginoo sa hustong pamaagi sa pagdala niini.”

1 Cronicas 15:2

Unya miingon si David, “Walay modala sa Sudlanan sa Dios gawas sa mga Levita, tungod kay sila ang gipili sa Ginoo nga moalagad sa iyang presensya hangtod sa kahangtoran.”

Salmo 105:41

Gibuak niya ang bato ug mibugwak ang tubig. Midagayday kini sa disyerto sama sa suba.

Salmo 114:8

nga naghimo ug linaw gikan sa gahing bato ug mipadagayday sa mga tuboran.

Salmo 74:15

Ikaw ang nagpatubod sa mga tuboran ug mga sapa. Ikaw ang nagpahubas sa mga suba.

Salmo 78:15

Gipaliki niya ang mga bato sa kamingawan ug miagas ang tubig. Gipatuyangan niya silag inom sa tubig nga daw sa naggikan sa kinahiladman sa yuta.

Salmo 78:16

Gipabuhagay niya ang tubig gikan sa bato, ug midagayday kini nga daw suba.

Salmo 78:20

Tinuod nga gihapak niya ang bato ug mibuhagay ang tubig, apan makahatag ba siyag pan ug karne kanato nga iyang katawhan?”

Exodo 17:6

Maghulat ako kanimo didto sa bato sa Horeb. Bunali ang bato, ug mogawas ang tubig aron makainom ang mga tawo.” Busa gihimo kini ni Moises atubangan sa mga tigdumala sa Israel.

Isaias 43:19

kay maghimo akog bag-ong butang. Nahitabo na gani kini. Wala ba ninyo nakita? Maghimo akog dalan ug mga tuboran diha sa disyerto.

Isaias 48:21

Wala sila uhawa sa dihang gipangulohan sila sa Dios didto sa mga kamingawan, kay gipatubod niya ang tubig alang kanila gikan sa bato. Gisiak niya ang bato ug mibuhagay ang tubig.

Oseas 13:5

Giatiman ko kamo sa disyerto, sa yuta nga mala ug walay tubig.

Levitico 10:1

Unya si Nadab ug si Abihu nga mga anak ni Aaron nagkuha sa ilang tagsa-tagsa ka butanganan sa insenso. Gibutangan nila kinig baga ug insenso ug gihalad sa Ginoo. Niining paagiha, wala sila mosubay sa gisugo sa Ginoo kay dili mao ang kalayo nga ilang gigamit.

Numeros 20:8

“Kuhaa ang baston ug tigoma ninyo ni Aaron nga imong igsoon ang tibuok nga katilingban. Ug samtang nagtan-aw sila, sultihi ang bato nga mohatag ug tubig, ug motubod kini aron mahatagan ninyog tubig ang katawhan aron makainom sila ug ang ilang kahayopan.”

Mateo 28:20

Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan.”

1 Mga Taga-Corinto 10:4

Ug silang tanan miinom sa samang balaang tubig nga iyang gihatag, kay nanginom sila sa tubig nga gikan sa Bato nga gipatubod sa Dios. Kadtong Bato nga nag-uban-uban kanila mao si Cristo mismo.

Deuteronomio 8:15

Gigiyahan niya kamo sa lapad ug makalilisang nga kamingawan nga adunay lala nga mga bitin ug mga tanga. Kini nga dapit walay tubig, apan gihatagan niya kamog tubig gikan sa batong bantilis.

Santiago 1:20

Kay ang kasuko sa tawo dili gayod makatabang kaniya nga mahimong matarong atubangan sa Dios.

Mga Maghuhukom 15:19

Unya gipatubod sa Dios ang tubig gikan sa usa ka bangag sa yuta didto sa Lehi. Miinom si Samson ug mibalik ang iyang kusog. Busa gitawag niya kadtong tuboran ug En Hakore. Anaa pa kini sa Lehi hangtod karon.

1 Samuel 15:19

Apan nganong wala ka motuman sa Ginoo? Nganong nag-ilog hinuon kamo sa pagkuha sa ilang mga kabtangan? Nganong gihimo ninyo kining daotang butang atubangan sa Ginoo?”

1 Samuel 15:24

Unya miingon si Saulo kang Samuel, “Nakasala ako. Gisupak ko ang sugo sa Ginoo ug ang imong gipang-ingon kanako. Nahadlok ako sa mga tawo, busa gipauyon-uyonan ko lang sila.