Numeros 20:1 - Ang Pulong sa Dios

¹ Sa unang bulan, miabot ang tibuok katilingban sa Israel didto sa kamingawan sa Zin, ug nagkampo sila sa Kadesh. Didto namatay si Miriam ug didto usab siya gilubong.

Ang Biblia 2011

¹ Ug ang katawhan sa Israel, ang tibuok katilingban, miabot sa kamingawan sa Zin sa unang bulan ug ang katawhan nagpabilin didto sa Cades ug didto namatay si Miriam ug gilubong siya didto.

Maayong Balita Biblia

¹ Sa unang bulan miabot ang katawhan sa Israel sa kamingawan sa Zin ug nagkampo sila didto sa Cades. Namatay didto si Miriam ug didto usab gilubong.

Ang Bag-ong Maayong Balita Biblia

¹ Sa unang bulan miabot ang katawhan sa Israel sa kamingawan sa Zin ug nagkampo sila didto sa Cades. Namatay didto si Miriam ug didto usab gilubong.

Numeros 20:1 Cross References

Genesis 14:7

Gikan didto, mibalik sila ug nakaabot sa En Mishpat nga gitawag karon nga Kadesh. Ug giilog nila ang tanan nga kayutaan sa mga Amalekanhon ug sa mga Amorihanon nga nagpuyo sa Hazazon Tamar.

Salmo 29:8

makapatay-og sa kamingawan, bisan pa ang kamingawan sa Kadesh.

Exodo 15:20

Unya si Miriam nga propeta ug igsoon ni Aaron mikuhag tamborin ug gipangunahan ang mga babaye sa pagtamborin ug sa pagsayaw.

Exodo 2:4

Ang igsoong babaye sa bata mitindog sa unahan aron sa pagtan-aw kon unsay mahitabo sa bata.

Exodo 2:7

Unya miduol ang igsoong babaye sa bata ngadto sa prinsesa ug nangutana, “Gusto ka ba nga kuhaan ka nako ug usa ka Hebreohanon nga babaye nga mopasuso ug moatiman sa bata alang kanimo?”

Ezequiel 47:19

“Ang utlanan sa habagatan magsugod sa Tamar paingon sa mga tuboran sa Meriba Kadesh lahos sa lugut hangtod sa Dagat sa Mediteraneo. Mao kini ang utlanan sa habagatan.

Miqueas 6:4

Gipagawas ko kamo gikan sa Ehipto diin giulipon kamo. Ug gipadala ko si Moises, Aaron, ug si Miriam sa pagpangulo kaninyo.

Numeros 12:1

Sa didto na sila sa Hazerot, gisaway ni Miriam ug ni Aaron si Moises tungod kay nangasawa siya ug usa ka taga-Etiopia.

Numeros 12:10

Sa dihang mibiya na ang panganod ibabaw sa Tolda, gitakboyan dayon si Miriam ug ngilngig nga sakit sa panit, ug nagputi gayod ang iyang panit. Pagkakita ni Aaron niini,

Numeros 12:15

Busa gipagawas si Miriam sa kampo sulod sa pito ka adlaw. Ug ang mga tawo wala mopadayon sa ilang paglakaw hangtod nga wala pa si Miriam mahibalik sa kampo.

Numeros 13:21

Busa nanglakaw sila ug gisusi nila ang yuta gikan sa kamingawan sa Zin hangtod sa Rehob duol sa Lebo Hamat.

Numeros 13:26

kang Moises, Aaron, ug sa tibuok katilingban sa Israel didto sa Kadesh, sa kamingawan sa Paran. Gisulti nila sa tibuok katilingban ang ilang nakita, ug gipakita nila ang ilang dala nga mga prutas.

Numeros 20:16

apan nangayo kami ug tabang sa Ginoo ug gipatalinghogan niya kami. Gipadad-an niya kami ug anghel nga maoy nagpagawas kanamo gikan sa Ehipto. “Karon, ania kami dinhi sa Kadesh, ang lungsod nga duol sa imong teritoryo.

Numeros 20:22

Mibiya ang tibuok katilingban sa Israel gikan sa Kadesh ug nangadto sa Bukid sa Hor.

Numeros 20:28

Unya gihubo ni Moises ang bisti ni Aaron ug gipasul-ob niya kini kang Eleazar. Ug namatay si Aaron didto sa ibabaw sa bukid. Unya milugsong si Moises ug si Eleazar.

Numeros 26:59

Ug ang asawa ni Amram mao si Jokebed nga kaliwat usab ni Levi. Natawo si Jokebed sa Ehipto. Si Amram ug Jokebed mao ang mga ginikanan nila ni Aaron, Moises, ug Miriam.

Numeros 27:14

Kay sa dihang nagrebelde ang katilingban sa Israel kanako didto sa tuboran sa kamingawan sa Zin, gilapas ninyo ni Aaron ang akong sugo sa dihang gipakita ninyo ang akong pagkabalaan ngadto sa katawhan.” (Kini nga tuboran mao ang Meriba Kadesh, sa kamingawan sa Zin.)

Numeros 33:36

Gikan sa Ezion Geber, nagkampo sila sa Kadesh, sa kamingawan sa Zin.

Deuteronomio 1:46

Mao kana nga nakapuyo kamo ug dugay sa Kadesh.

Deuteronomio 2:14

Nahitabo kini human milabay ang 38 ka tuig gikan sa panahon nga mibiya kita sa Kadesh Barnea. Nangamatay na sa kamingawan ang mga sundalo nga Israelinhon niadto nga henerasyon nga makahimo sa pagpakig-gira, sumala sa gipanumpa sa Ginoo kanila.

Deuteronomio 32:51

Kay duha kamong nawad-an ug pagsalig kanako atubangan sa mga Israelinhon sa dihang didto pa kamo sa tubig sa Meriba Kadesh, sa kamingawan sa Zin. Wala ninyo pasidunggi ang akong pagkabalaan sa ilang atubangan.

Mga Maghuhukom 11:16

Sa dihang mibiya sa Ehipto ang among mga katigulangan, miagi sila sa kamingawan paingon sa Pulang Dagat hangtod nga nakaabot sila sa Kadesh.