Numeros 2:18 - Ang Pulong sa Dios

¹⁸ Sa kasadpan mao: ang mga dibisyon sa kampo ni Efraim ilalom sa bandera sa ilang tribo. Gipangulohan kini ni Elishama nga anak ni Amihud.

Ang Biblia 2011

¹⁸ “Dapit sa kasadpan mao ang bandila sa kampo ni Efraim sumala sa ilang mga panon, ug ang pangulo sa mga kaliwat ni Efraim mao si Elisama nga anak ni Amihud,

Maayong Balita Biblia

^18-24 “Sa dapit sa kasadpan, kadtong ubos sa bandila sa pundok ni Efraim magkampo sa tagsatagsa nila ka banay ubos sa ilang pangulo, ingon sa mosunod nga han-ay: ang banay ni Efraim, pinangulohan ni Elisama nga anak ni Amihud kauban sa 40,500 ka lalaki; ang banay ni Manases, pinangulohan ni Gamaliel nga anak ni Pedasur kauban sa 32,200 ka lalaki ug ang banay ni Benjamin, pinangulohan ni Abidan nga anak ni Gideon kauban sa 35,400. Ang tanang lalaki miabot ug 108,100. “Ang pundok ni Efraim maoy ikatulong hut-ong nga mosunod sa paglakaw.

Ang Bag-ong Maayong Balita Biblia

^18-24 “Sa dapit sa kasadpan, kadtong ubos sa bandila sa pundok ni Efraim magkampo sa tagsatagsa nila ka banay ubos sa ilang pangulo, ingon sa mosunod nga han-ay: ang banay ni Efraim, pinangulohan ni Elisama nga anak ni Amihud kauban sa 40,500 ka lalaki; ang banay ni Manases, pinangulohan ni Gamaliel nga anak ni Pedasur kauban sa 32,200 ka lalaki ug ang banay ni Benjamin, pinangulohan ni Abidan nga anak ni Gideon kauban sa 35,400. Ang tanang lalaki miabot ug 108,100. “Ang pundok ni Efraim maoy ikatulong hut-ong nga mosunod sa paglakaw.

Numeros 2:18 Cross References

Genesis 48:5

“Ang duha mo ka anak nga si Efraim ug si Manases, nga natawo dinhi sa Ehipto sa wala pa ako moabot, ilhon ko nga akong mga anak, nga sama kanila ni Ruben ug Simeon.

Jeremias 31:9

Dad-on ko sila pagbalik nga gahilak ug nag-ampo. Dad-on ko sila sa kasapaan ug moagi sila sa maayong dalan diin dili sila mapandol. Kay ako ang amahan sa Israel, ug si Efraim ang akong kamagulangang anak.

Numeros 1:10

gikan kang Efraim nga anak ni Jose si Elishama nga anak ni Amihud; gikan kang Manases nga anak ni Jose si Gamaliel nga anak ni Pedazur;

Numeros 1:32

Gikan mga kaliwat ni Efraim nga anak ni Jose. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.

Numeros 10:22

Ang sunod nga nanglakaw, dala ang ilang bandera, mao ang grupo nga gipangulohan sa tribo ni Efraim. Ang ilang pangulo mao si Elishama nga anak ni Amihud.

Numeros 2:19

Ang iyang dibisyon adunay 40,500 ka mga sakop.

Numeros 7:48

Sa ikapito nga adlaw, nagdala sa iyang mga halad si Elishama nga anak ni Amihud nga pangulo sa tribo ni Efraim.

Numeros 7:53

ug duha ka baka, lima ka hamtong nga laking karnero, lima ka laking kanding, ug lima ka laking karnero nga tagsa ka tuig ang edad isip halad alang sa maayong relasyon. Mao kini ang mga halad si Elishama nga anak ni Amihud.

Deuteronomio 33:17

Ang iyang kusog sama sa kusog sa kamagulangang torong baka. Ang iyang gahom sama sa gahom sa sungay sa ihalas nga baka. Pinaagi niini laglagon niya ang mga nasod bisan kadtong atua sa layo. Mao kini ang akong panalangin sa daghang mga katawhan sa Efraim ug Manases.”