Numeros 17:8 - Ang Pulong sa Dios

⁸ Pagkaugma misulod si Moises sa Tolda nga gibutangan sa Sudlanan sa Kasabotan ug nakita niya nga ang baston ni Aaron, nga nagrepresentar sa tribo ni Levi, wala lang nanalingsing kondili namotot pa, namulak, ug namunga ug almond.

Ang Biblia 2011

⁸ Ug sa pagkaugma, si Moises misulod ngadto sa tolda sa pagpamatuod ug ang sungkod ni Aaron nga alang sa banay ni Levi nanalingsing ug namutot ug namulak ug namunga ug mga hinog nga almendras.

Maayong Balita Biblia

⁸ Ug sa pagkaugma miadto si Moises sa Tolda nga gibutangan sa Sudlanan sa Kasabotan ug nakita niya nga ang sungkod ni Aaron nga alang sa banay ni Levi nabuhi ug nanalingsing, namulak ug namungag hinog nga almendras.

Ang Bag-ong Maayong Balita Biblia

⁸ Ug sa pagkaugma miadto si Moises sa Tolda nga gibutangan sa Sudlanan sa Kasabotan ug nakita niya nga ang sungkod ni Aaron nga alang sa banay ni Levi nabuhi ug nanalingsing, namulak ug namungag hinog nga almendras.

Numeros 17:8 Cross References

Genesis 40:10

ug aduna kini tulo ka sanga. Nanalingsing kini, namulak, ug nahinog ang mga bunga.

Salmo 110:2

Gikan sa Zion, palapdon sa Ginoo ang imong gingharian, Mahal nga Hari, ug maghari ka sa imong mga kaaway.

Awit sa mga Awit 2:3

Kon itandi sa uban nga mga batan-ong lalaki, ang akong pinangga sama sa kahoy nga mansanas taliwala sa kalasangan. Kalipay ko ang pagpasilong sa iyang landong, ug alang kanako tam-is ang iyang bunga.

Isaias 4:2

Moabot ang adlaw nga palabongon ug patahomon sa Ginoo ang mga tanom sa Israel, ug ang mga abot sa yuta mahimong garbo ug dungog sa mga nangabilin na katawhan sa Israel.

Ezequiel 17:24

Ug ang tanang mga kahoy sa yuta makahibalo nga ako mao ang  Ginoo nga nagputol sa tag-as nga mga kahoy ug nagpataas sa mga mugbong kahoy. Ako usab ang nagpalaya sa labong nga mga kahoy ug nagbuhi pag-usab sa mga layang kahoy. Ako, ang  Ginoo, ang nagsaad niini, ug tumanon ko gayod kini.”

Ezequiel 19:12

Apan giibot kini sa nasuko kaniya, ug gilabay sa yuta. Nalawos kini tungod sa mainit nga hangin gikan sa sidlakan. Nalaya ang iyang lig-ong punoan ug gisunog dayon kini.

Ezequiel 19:14

Nasunog ang punoan niini ug mikaylap ang kalayo ngadto sa uban nga mga sanga ug mga bunga niini. Busa wala nay lig-ong sanga nga nabilin nga mahimo nga himuong baston sa hari. Kini usa ka awit sa pagbangotan nga angay nga awiton niini nga panahon.”

Numeros 16:5

Unya miingon siya kang Kora ug sa tanang sumusunod niini, “Ugma sa buntag ipadayag sa Ginoo kon kinsa ang tinuod nga iya, ug kinsa ang iyang gipili nga mag-alagad kaniya isip pari. Paduolon niya sa iyang presensya ang iyang gipili. Busa mao kini ang inyong buhaton ugma: Pagkuha kamo ug mga sudlanan sa insenso.

Numeros 17:5

Unya manalingsing ang baston sa tawong akong pilion nga mag-alagad kanako isip pari. Niining paagiha mahunong na ang pagbagulbol sa mga Israelinhon batok kaninyo ni Aaron.”

Numeros 17:9

Unya gipagawas ni Moises ang tanang baston gikan sa presensya sa Ginoo ug gipakita sa tanang mga Israelinhon. Gitan-aw nila kini, ug gikuha sa kada pangulo sa tribo ang iyang baston.

Mga Hebreo 9:4

Atua didto ang bulawan nga halaran nga sunoganan sa insenso, ug ang sudlanan sa Kasabotan nga hinaklapan usab ug bulawan. Didto sa kahon nasulod ang bulawan nga tibod nga gisudlan sa manna, ug ang sungkod ni Aaron nga nanalingsing. Atua usab ang lagpad nga mga bato nga gisulatan sa kasugoan sa Dios.