Numeros 17:10 - Ang Pulong sa Dios

¹⁰ Unya miingon ang Ginoo kang Moises, “Ibalik ang baston ni Aaron sa atubangan sa Sudlanan sa Kasugoan aron mahimo kining pasidaan sa mga masinupakon nga mangamatay sila kon dili sila moundang sa pagbagulbol batok kanako.”

Ang Biblia 2011

¹⁰ Ug ang Ginoo miingon kang Moises, “Ibalik pagbutang ang sungkod ni Aaron sa atubangan sa pagpamatuod, aron kini tipigan ingon nga usa ka timaan alang sa mga misukol aron taposon nimo ang ilang pagbagulbol kay tingali unya ug mangamatay sila.”

Maayong Balita Biblia

¹⁰ Ang Ginoo miingon kang Moises, “Ibutang pagbalik ang sungkod ni Aaron atubangan sa Tolda nga gibutangan sa Sudlanan sa Kasabotan. Tipigi kini ingon nga pasidaan sa mga masupilon nga mamatay sila gawas kon mohunong ang ilang pagbagulbol batok kanako.”

Ang Bag-ong Maayong Balita Biblia

¹⁰ Ang Ginoo miingon kang Moises, “Ibutang pagbalik ang sungkod ni Aaron atubangan sa Tolda nga gibutangan sa Sudlanan sa Kasabotan. Tipigi kini ingon nga pasidaan sa mga masupilon nga mamatay sila gawas kon mohunong ang ilang pagbagulbol batok kanako.”

Numeros 17:10 Cross References

Salmo 57:4

Gilibotan ako sa mga kaaway nga daw sa mga liyon nga andam sa pagkunis-kunis ug tawo. Ang ilang mga ngipon daw mga bangkaw ug mga pana. Ang ilang mga dila daw hait nga mga espada.

Exodo 16:32

Miingon si Moises kanila, “Mao kini ang gisugo sa Ginoo: ‘Pagtipig kamo ug usa ka gantang nga manna alang sa umaabot nga henerasyon, aron makita nila ang pagkaon nga gihatag ko kaninyo sa kamingawan sa dihang gipagawas ko kamo gikan sa Ehipto.’ ”

Exodo 16:34

Gituman kini ni Aaron sumala sa gisugo sa Ginoo kang Moises. Gibutang ni Aaron ang manna sa Sudlanan sa Kasabotan aron matipigan kini.

Isaias 1:2

Pamati langit ug paminaw yuta, kay nagsulti ang  Ginoo, “Nag-atiman ako ug nagpadakog mga anak, apan nakigbatok sila kanako.

Oseas 10:9

Miingon ang  Ginoo, “Kamong mga katawhan sa Israel nagpadayon sa pagpakasala sukad pa sa panahon sa inyong mga katigulangan sa Gibea. Wala gayod kamo nausab. Busa kamong mga kaliwat sa mga daotan sulongon sa Gibea.

Numeros 14:5

Unya si Moises ug Aaron miyukbo atubangan sa tibuok katilingban sa Israel nga nagtigom didto.

Numeros 16:21

“Palayo kamo gikan niining mga tawhana kay pamatyon ko sila dayon.”

Numeros 16:38

Bahin sa mga sudlanan nga gikan niining mga tawo nga nangamatay tungod sa ilang mga sala, ipapipi kini hangtod pwede na itaklap sa halaran, kay gihalad kini ngadto sa Ginoo ug nahimo kining balaan. Kini nga taklap sa halaran mahimong usa ka pasidaan alang sa mga Israelinhon.”

Numeros 17:11

Gituman ni Moises ang gisugo kaniya sa Ginoo.

Numeros 17:4

Ibutang kining tanan diha sa Tolda nga Tagboanan, atubangan sa Sudlanan sa Kasugoan diin ako nakigkita kaninyo.

Numeros 17:9

Unya gipagawas ni Moises ang tanang baston gikan sa presensya sa Ginoo ug gipakita sa tanang mga Israelinhon. Gitan-aw nila kini, ug gikuha sa kada pangulo sa tribo ang iyang baston.

Numeros 20:9

Busa gikuha ni Moises ang baston gikan sa presensya sa Ginoo, sumala sa gisugo sa Ginoo kaniya.

Numeros 4:18

“Ayaw ninyo pasagdi nga mahanaw ang mga kaliwat ni Kohat gikan sa tribo ni Levi.

1 Mga Taga-Corinto 10:10

Ayaw kamo pagsunod sa gihimo sa uban kanila nga nagbagulbol. Mao nga gipapatay sila sa Dios pinaagi sa Anghel sa Kamatayon.

Mga Taga-Efeso 5:6

Tungod niini nga mga binuhatan sa mga tawo, silotan sila sa Dios kay wala sila nagtuman kaniya. Busa ayaw kamo patunto sa uban nga nag-ingon nga kanang mga butanga dili daotan.

Deuteronomio 9:24

Sukad sa akong pagkaila kaninyo pulos lang pagsupak sa Ginoo ang inyong gihimo.

Deuteronomio 9:7

“Hinumdomi ninyo kon giunsa ninyo pagpasuko ang Ginoo nga inyong Dios didto sa kamingawan. Gikan sa adlaw nga migawas kamo gikan sa Ehipto hangtod karon kanunay lang kamong nagsupak sa Ginoo.

Mga Hebreo 9:4

Atua didto ang bulawan nga halaran nga sunoganan sa insenso, ug ang sudlanan sa Kasabotan nga hinaklapan usab ug bulawan. Didto sa kahon nasulod ang bulawan nga tibod nga gisudlan sa manna, ug ang sungkod ni Aaron nga nanalingsing. Atua usab ang lagpad nga mga bato nga gisulatan sa kasugoan sa Dios.

1 Samuel 2:12

Ang duha ka anak ni Eli mga daotang tawo. Wala silay pagtahod sa Ginoo

1 Samuel 30:22

Apan ang mga daotan ug badlongon nga mga tawo ni David miingon, “Dili nato sila bahinan sa atong mga nailog sa mga Amalekanhon tungod kay wala sila mouban kanato. Ibalik lang kanila ang ilang mga asawa ug mga anak, ug palakwa na sila.”