Numeros 16:41 - Ang Pulong sa Dios

⁴¹ Apan pagkasunod adlaw, nagbagulbol na usab ang tibuok katilingban kang Moises ug kang Aaron. Miingon sila, “Gipamatay ninyo ang katawhan sa Ginoo!”

Ang Biblia 2011

⁴¹ Apan sa pagkaugma ang tibuok nga katilingban sa katawhan sa Israel nagbagulbol batok kang Moises ug batok kang Aaron nga nag-ingon, “Gipatay ninyo ang katawhan sa Ginoo.”

Maayong Balita Biblia

⁴¹ Apan sa pagkaugma ang tibuok katawhan sa Israel nagbagulbol batok kang Moises ug kang Aaron. Sila miingon, “Gipamatay ninyo ang katawhan sa Ginoo.”

Ang Bag-ong Maayong Balita Biblia

⁴¹ Apan sa pagkaugma ang tibuok katawhan sa Israel nagbagulbol batok kang Moises ug kang Aaron. Sila miingon, “Gipamatay ninyo ang katawhan sa Ginoo.”

Numeros 16:41 Cross References

1 Mga Hari 18:17

Sa dihang nakita ni Ahab si Elias, miingon siya, “Ikaw ba gayod kana, tigdalag kasamok sa Israel?”

Salmo 106:13

Apan gikalimtan lang dayon nila ang iyang gihimo, ug wala sila mohulat sa iyang tambag.

Salmo 106:23

Laglagon na unta sa Dios ang iyang katawhan kon wala pa magpataliwala si Moises nga iyang alagad, ug mihangyo nga isalikway ang iyang kasuko ug dili ipadayon ang paglaglag kanila.

Isaias 26:11

Ginoo, andam ka na nga mosilot kanila, apan wala sila masayod niini. Pahibaloa sila, Ginoo! Pakaulawi sila pinaagi sa pagpakita kanila kon unsa ang imong paghigugma sa imong katawhan. Sila nga imong mga kaaway ipalamoy sa imong kalayo.

Jeremias 38:4

Busa miingon ang mga opisyal ngadto sa hari, “Kinahanglang patyon kining tawhana. Madismaya ug mawad-an sa kaisog ang mga sundalo nga nahibilin niini nga siyudad, apil na ang tanang mga tawo, tungod sa iyang gipanulti kanila. Wala siya magtinguha sa kaayohan sa mga tawo kondili sa ilang kalaglagan.”

Jeremias 43:3

Si Baruc nga anak ni Neria ang nagsulsol kanimo nga itugyan kami sa mga taga-Babilonia, aron ilang patyon o bihagon ngadto sa Babilonia.”

Amos 7:10

Unya, si Amazia nga pari sa Betel nagpadala ug mensahe kang Jeroboam nga hari sa Israel. Miingon siya, “Nagplano si Amos ug daotan batok kanimo dinhi mismo sa Israel. Dili na maagwanta sa mga tawo ang iyang gipanulti.

Numeros 14:2

Nagbagulbol sila ngadto kang Moises ug kang Aaron. Miingon sila, “Maayo pag nangamatay na lang kita didto sa Ehipto o kaha dinhi sa kamingawan!

Mateo 5:11

“Bulahan kamo kon tungod sa inyong pagsunod kanako tamayon kamo, lutoson, ug butang-butangan sa tanang matang sa kadaotan.

Mga Buhat 21:28

Misinggit sila, “Mga katagilungsod ko nga mga Israelinhon, tabang kamo! Mao kini ang tawo nga bisan asa siya moadto gapanudlo batok kanatong mga Judio, batok sa Kasugoan ni Moises, ug batok niining templo. Ug dili lamang kana, kondili gidala pa gayod niya dinhi sa sulod sa templo ang mga tawo nga dili Judio, diin usa kini ka pagpasipala niining balaan nga lugar!”

Mga Buhat 5:28

“Dili ba gimandoan na namo kamo nga dili na magtudlo mahitungod kang Jesus? Apan tan-awa ang inyong gihimo! Mikaylap na ang inyong pagtulon-an sa tibuok nga Jerusalem, ug kami pa ang inyong gipasanginlan nga mipatay kaniya!”

1 Mga Taga-Corinto 10:10

Ayaw kamo pagsunod sa gihimo sa uban kanila nga nagbagulbol. Mao nga gipapatay sila sa Dios pinaagi sa Anghel sa Kamatayon.

2 Mga Taga-Corinto 6:8

Isip mga alagad sa Dios, usahay dayegon kami, usahay insultohon, adunay nagsulti ug daotan apan aduna puy nagsulti ug maayo. Mga bakakon kuno kami, bisan kung matinud-anon kami.

Judas 1:16

Kana nga mga tawo mga bagulbolan. Dili sila kontento sa ilang kahimtang, ang ila lang kaugalingon nga mga tinguha ang ilang gipalabi, mga hambogiro sila, ug giulog-ulogan nila ang uban aron makuha nila ang ilang gusto.