Numeros 16:3 - Ang Pulong sa Dios

³ Naghiusa sila sa pagsupak kang Moises ug kang Aaron, ug miingon, “Sobra na kining inyong gibuhat kanamo! Nganong ipalabaw man ninyo ang inyong kaugalingon nga ang tibuok katilingban man sa Israel ang gipili ug giubanan sa Ginoo?”

Ang Biblia 2011

³ Naghiusa sila sa pagtigom sa pagbatok kang Moises ug sa pagbatok kang Aaron ug miingon kanila, “Naghingapin na kamo! Ang tibuok nga katilingban balaan, ang matag usa kanila, ug ang Ginoo anaa sa taliwala nila busa ngano nga nagpataas kamo sa inyong kaugalingon ibabaw sa katilingban sa Ginoo?”

Maayong Balita Biblia

³ Nagtigom sila ug giingnan nila si Moises ug si Aaron, “Sobra na kining inyong gibuhat kanamo! Ang tibuok katilingban balaan ug nag-uban kanila ang Ginoo busa nganong giisip man ninyo ang inyong kaugalingon nga labaw sa katawhan sa Ginoo?”

Ang Bag-ong Maayong Balita Biblia

³ Nagtigom sila ug giingnan nila si Moises ug si Aaron, “Sobra na kining inyong gibuhat kanamo! Ang tibuok katilingban balaan ug nag-uban kanila ang Ginoo busa nganong giisip man ninyo ang inyong kaugalingon nga labaw sa katawhan sa Ginoo?”

Numeros 16:3 Cross References

Esdras 9:2

Sila ug ang ilang mga anak nangasawa pa gani sa mga babaye nga gikan niini nga mga katawhan. Busa ang katawhan nga pinili sa Dios nasagolan na sa ubang mga katawhan. Ug ang atong mga pangulo ug mga opisyal mao pa ang unang naghimo niini.”

Salmo 106:16

Didto sa ilang kampo sa kamingawan, nasina sila kang Moises ug kang Aaron. Si Aaron, gilain aron moalagad sa Ginoo.

Salmo 68:17

Miabot ang Ginoong Dios sa iyang balaang puloy-anan gikan sa Sinai uban sa linibong mga karwahi.

Exodo 19:6

ug kamo mahimong usa ka gingharian sa mga pari ug usa ka nasod nga gilain alang kanako. Mao kini ang isulti ngadto sa mga Israelinhon.”

Numeros 14:14

Kon laglagon mo ang imong katawhan, isugilon nila kini sa mga lumulupyo sa Canaan. Kini nga mga Canaanhon nakadungog na nga ikaw, Ginoo, nag-uban sa mga Israelinhon ug nagpakita kanila pinaagi sa panganod nga gagiya kanila. Gipangunahan mo sila kon adlaw pinaagi sa panganod nga daw haligi, ug kon gabii pinaagi sa kalayo nga daw haligi.

Numeros 16:11

Si kinsa man si Aaron nga magbagulbol man kamo batok kaniya? Ang tinuod, ikaw ug ang tanan nimong mga sumusunod naghiusa batok sa Ginoo ug dili kang Aaron.”

Numeros 16:41

Apan pagkasunod adlaw, nagbagulbol na usab ang tibuok katilingban kang Moises ug kang Aaron. Miingon sila, “Gipamatay ninyo ang katawhan sa Ginoo!”

Numeros 16:7

Butangi ninyo kinig baga ug insenso, ug dad-a sa presensya sa Ginoo. Unya makita nato kon kinsa gayod ang pilion sa Ginoo nga mag-alagad kaniya. Kamong mga Levita mao ang nag-abusar!”

Numeros 23:21

Wala akoy nakitang katalagman o kasamok nga moabot sa Israel. Kauban nila ang Ginoo nga ilang Dios; ginaila nila siya nga ilang hari.

Numeros 35:34

Busa ayaw ninyo hugawi ang yuta nga inyong gipuy-an, kay ako mismo ang Ginoo, nagpuyo uban kaninyo nga mga Israelinhon.”

Numeros 5:3

Malalaki man o mababaye, pagawasa ninyo sila, aron dili nila mahugawan ang kampo diin ako nagpuyo uban kaninyo.”

Mga Buhat 7:39

“Apan ang atong mga katigulangan wala motuman kang Moises. Gisalikway hinuon nila si Moises ingon nga pangulo, ug nangandoy silang mobalik sa Ehipto.

Mga Buhat 7:51

Ug miingon si Esteban, “Pagkagahi gayod sa inyong mga ulo! Nagpabungol-bungol lamang kamo sa mga mensahe sa Dios tungod kay dili ninyo gusto nga motuman sa iyang mga giingon kaninyo. Kanunay ninyong supakon ang Espiritu Santo. Sama gayod kamo sa inyong mga katigulangan.