Numeros 14:5 - Ang Pulong sa Dios

⁵ Unya si Moises ug Aaron miyukbo atubangan sa tibuok katilingban sa Israel nga nagtigom didto.

Ang Biblia 2011

⁵ Unya si Moises ug si Aaron mihapa sa atubangan sa tibuok nga katilingban sa katawhan sa Israel nga nagtigom.

Maayong Balita Biblia

⁵ Unya si Moises ug si Aaron nanghapa atubangan sa tibuok katilingban sa Israel.

Ang Bag-ong Maayong Balita Biblia

⁵ Unya si Moises ug si Aaron nanghapa atubangan sa tibuok katilingban sa Israel.

Numeros 14:5 Cross References

Genesis 17:3

Pagkadungog niadto ni Abram, mihapa siya. Miingon ang Dios kaniya,

1 Mga Hari 18:39

Sa dihang nakita kini sa tanang mga tawo, miyukbo sila ug miingon, “Ang Ginoo mao ang Dios! Ang Ginoo mao ang Dios!”

1 Cronicas 21:16

Mihangad si David ug nakita niya ang anghel sa Ginoo nga nagtindog tunga-tunga sa langit ug sa yuta. Adunay gikuptan kini nga espada nga gipunting sa Jerusalem. Unya mihapa si David ug ang mga tigdumala sa Israel nga nagbistig sako sa pagpakita sa ilang pagsubo.

Ezequiel 9:8

Samtang gipamatay nila ang mga tawo, nahibilin ako nga nag-inusara. Mihapa ako ug nanawag sa Dios, “O Ginoong Dios, hutdon mo ba ug pagpatay ang mga nahibilin sa Israel tungod sa imo nga kasuko sa Jerusalem?”

Daniel 10:9

Unya nadunggan ko nga misulti kadtong tawo. Ug samtang nagsulti siya, nakuyapan ako ug natumba nga nahapla sa yuta.

Numeros 14:6

Ug gigisi ni Josue nga anak ni Nun ug ni Caleb nga anak ni Jefune ang ilang mga bisti tungod sa kasubo. Kini silang duha miuban sa pagpangispiya sa yuta.

Numeros 16:22

Apan mihapa si Moises ug si Aaron ug miingon, “O Dios nga tinubdan sa kinabuhi sa tanang katawhan, masuko ka ba diay sa tibuok katilingban nga usa man lang ka tawo ang nakasala?”

Numeros 16:4

Pagkadungog niini ni Moises mihapa siya.

Numeros 16:45

“Palayo kamo nianang mga tawhana kay laglagon ko sila karon dayon.” Mihapa dayon silang duha.

Numeros 17:10

Unya miingon ang Ginoo kang Moises, “Ibalik ang baston ni Aaron sa atubangan sa Sudlanan sa Kasugoan aron mahimo kining pasidaan sa mga masinupakon nga mangamatay sila kon dili sila moundang sa pagbagulbol batok kanako.”

Numeros 20:6

Mibiya si Moises ug si Aaron gikan sa katilingban, ug miadto sa pultahan sa Tolda nga Tagboanan ug mihapa sa pag-ampo. Unya nagpakita kanila ang gamhanang presensya sa Ginoo.

Mateo 26:39

Unya miadto pa gayod siya sa unahan; miluhod siya ug nag-ampo. Miingon siya, “Amahan, kon mahimo ayaw ipadangat kining umaabot nako nga pag-antos. Apan dili ang akong pagbuot ang angay matuman kondili ang imong kabubut-on.”

Josue 5:14

Mitubag ang tawo, “Dili ninyo ako kaabin o kaaway. Mianhi ako dinhi ingon nga pangulo sa kasundalohan sa Ginoo.” Mihapa si Josue sa pagtahod ug unya nangutana kaniya, “Sir, unsay gusto nimong isugo kanako nga imong alagad?”

Josue 7:10

Miingon ang Ginoo kang Josue, “Tindog! Nganong naghapa ka man?

Gipadayag 4:10

ang 24 ka mga pangulo nagluhod ug nagsimba kaniya nga naglingkod didto sa trono, siya nga nagkinabuhi sa walay kataposan. Ug gibutang nila ang ilang mga korona sa atubangan sa trono ug nag-ingon:

Gipadayag 5:14

Mitubag dayon ang upat ka nilalang, “Amen!” Ug ang mga pangulo nangluhod ug misimba.

Gipadayag 7:11

Nagtindog ang tanang mga anghel sa palibot sa trono ug sa mga pangulo, ug sa upat ka nilalang. Ug nangluhod dayon sila atubangan sa trono ug misimba sa Dios.