Numeros 13:23 - Ang Pulong sa Dios

²³ Pag-abot nila sa Walog sa Eshcol, nagputol silag usa ka pungpong sa ubas ug gidayongan kini ug duha ka tawo tungod sa kabug-at niini. Nagdala usab silag mga prutas nga pomegranata ug igos.

Ang Biblia 2011

²³ Unya miabot sila sa Walog sa Escol ug didto nagputol sila ug usa ka sanga uban ang usa ka pungpong nga ubas, ug giyayongan nila kini sa usa ka yayongan taliwala sa duha ka tawo. Nagdala usab sila ug mga granada ug mga igos.

Maayong Balita Biblia

²³ Nangabot sila sa Walog sa Escol ug didto nagputol sila ug usa ka pungpong sa ubas nga hilabihan kabug-at nga nagkinahanglan ug duha ka tawo pagyayong niini. Nagdala usab silag mga granada ug mga igos.

Ang Bag-ong Maayong Balita Biblia

²³ Nangabot sila sa Walog sa Escol ug didto nagputol sila ug usa ka pungpong sa ubas nga hilabihan kabug-at nga nagkinahanglan ug duha ka tawo pagyayong niini. Nagdala usab silag mga granada ug mga igos.

Numeros 13:23 Cross References

Genesis 14:13

Adunay usa ka tawo nga nakaikyas ug misugilon kang Abram nga Hebreo bahin sa nahitabo. Si Abram didto niadtong panahona nagpuyo duol sa kahoy nga tugas ni Mamre nga Amorihanon. Kini si Mamre ug ang iyang mga igsoon nga si Eshcol ug si Aner mga kadapig ni Abram.

Numeros 13:24

Kadto nga dapit gitawag nga Walog sa Eshcol tungod sa pungpong sa ubas nga giputol sa mga Israelinhon.

Numeros 32:9

Human sila makaadto sa Walog sa Eshcol ug makakita sa yuta, gipabugnaw nila ang kadasig sa katawhan sa pag-adto sa yuta nga gihatag sa Ginoo kanila.

Deuteronomio 8:8

Kining yutaa adunay mga trigo, barley, ubas, igos, pomegranata, olibo, ug dugos.

Mga Maghuhukom 16:4

Human niini, nahigugma si Samson sa usa ka babaye nga ginganlag Delilah nga didto nagpuyo sa walog sa Sorek.